الموضوع: صوت زن يختفي مع الضغط على الدبرياج

المشاركة الأصلية كتبت بواسطة successcre8or

على فكرة انا ملاحظ حاجة مشابهة من زمااان ايام ما كانت رعبيتي عاملة مثلاً 10 ألاف كم ولا حاجة..
بس مش صوت خشونة
لأ هو الصوت لما بشيل رجلي من عالدبرياج بيكون عامل زي صوت "سسسسسسسسس" كدا
(حاجة زي صوت صفارة بس واطي .. و محدش غيري بيلاحظه في العربية على فكرة!)
العربية دلوقتي عاملة 30 ألف و لسة الصوت بيروح ويجي و مش عامل لي مشكلة
شكراً و امنى تكون مشكلتك اتحلت

انا معايا فيرنا من سنيتن وعندى نفس الصوت والاعراض دى بالظبط

بس كانت راحت من نفسها فتره كبيرة

ورجعت تانى الايام دى

اعتقد انها بليه الدبرياج فعلا

المشاركة الأصلية كتبت بواسطة reamoz

الأسهل إنك تشوف زيت الفيتيس في البنزينة لو ناقص زودة

وبالنسبة لموضوع البلية انا اللي أعرفة ان لو في صور وررة لما بتدوس دبرياج وبيروح لما تيسب يبقى دة عيب بلية
لكن لو الصوت موجود وبيروح لما تدوس دبرياج يبقى المشكلة في الفيتيس لأن الفتيس بيلف مع الموتور على طول مش بيفصل عنة إلا لما تدوس دبرياج

كلام حضرتك صح جدا في حالة واحدة فقط: لما تكون العربية معشقة غيار و ماشية.

لكن أظن في حالة الأخ بتكون العربية واقفة و ممورة يعني مفيش أي حركة منقولة للفتيس، يبقى ازاي يكون عيب فتيس؟؟!!!

أنا ما زلت مرجح عيب البلية ،
بس لو الصوت بيروح بمجرد انك تسند رجلك على الدواسة ( يعني مش لازم تدوس للاخر) يبقى كده في احتمال يكون الذراع أو الشوكة بتاعة الدبرياج تكون مبوشة

ودي صورة الشوكة راكب فيها البلية، يعني العيب مش حيخرج برة واحد من الاتنين وكده كده لو حتغير واحدة منهم لازم حتفك الاتنين فابقى اكشف على الاتنين بالمرة





أرجو أكون أفادتك ، وتقبل مروري

يا جماعه الموضوع ده عيب فتيس
صوت بلية الدبرياج بييجي لما تدوس دبرياج ويروح لما تشيل رجلك لأن مع الدوسة بتكون محمل علي البليه
العكس معناه مشكلة في الفتيس وكانت عندي ورحت شوفت زيت الفتيس لقيته ناقص زودته وبعد اسبوع رجع نفس الموضوع فرحت لقيت زيت الفتيس نقص تاني
رفعت العربيه ولقيت ان كاوتش الكوبلن الداخلي مقطوع غيرته ب 20 جنيه وزودت زيت الفتيس والموضوع اختفي بقاله سنتين والحمد لله
مع ملاحظة ان زيت الفتيس في شيل افضل كثيرا من موبيل

موضوع بليه الدبياج جالي من شهر وكان الصوت بيجي لما ادوس دبرياج وغيرتها والحمد لله

شكرا لكلم جميعا ... وعلى أهتمامكم والحقيقة دة مش غريب على اعضاء نايل موتورز

على العموم كدة المشكلة من كلامكم راجعه لسبب من الأتنين يا أما زيت الفتيس يا أما بليه الدبرياش

فأنا ان شاء الله هبدأ بالأسهل وهي الكشف على زيت الفتيس ( علما بأن الصوت بيكون مسموع حتى بدون تعشيق ويختفي تماما بمجرد الضغط على الدبرياج لأخر الدواسه وليس مجرد الترييح عليها)

مع العلم كمان ان الأسطوانه سليمة والسحب تمام

وان شاء الله هبقى أوافيكم بآخر الأخبار

المشاركة الأصلية كتبت بواسطة m_elkhishin

كلام حضرتك صح جدا في حالة واحدة فقط: لما تكون العربية معشقة غيار و ماشية.

لكن أظن في حالة الأخ بتكون العربية واقفة و ممورة يعني مفيش أي حركة منقولة للفتيس، يبقى ازاي يكون عيب فتيس؟؟!!!

أنا ما زلت مرجح عيب البلية ،
بس لو الصوت بيروح بمجرد انك تسند رجلك على الدواسة ( يعني مش لازم تدوس للاخر) يبقى كده في احتمال يكون الذراع أو الشوكة بتاعة الدبرياج تكون مبوشة

ودي صورة الشوكة راكب فيها البلية، يعني العيب مش حيخرج برة واحد من الاتنين وكده كده لو حتغير واحدة منهم لازم حتفك الاتنين فابقى اكشف على الاتنين بالمرة


أرجو أكون أفادتك ، وتقبل مروري

ياباشا الفتيس بيلف مع الموتور لو انت مش دايس دبرياج سواء العربية ماشية ومعشقة غيار أو ماشية وممورة او واقفة وممورة كدة كدة الفتيس بيلف مش بيفصل إلا في حالة الضغط على الدبرياج سواء ممور أو معشق غيار

وفي كل الأحوال انا بنصح صاحب المشكلة بالحل الأسهل والأرخص بكتير علشان تزويد زيد الفيتيس او حتى تغييرة مش هيتكلف أكتر من 40 جنيه على أقصى تقدير ومش هياخد وقت أكتر من 5 دقائق بالكتير ولو حتى عالى فرض إن المشكلة طلعت مش منه ده مش هيضر ولا حتى هتكون فلوس على الأرض لأن الزيت الجديد برضة هيكون كويس للفتيس

بدل مايروح يحل الفتيس ويدفعلة مصنعية 100 جنية وهو مش متأكد العيب منه ولا لأ

وبعدين انت مش هتقلي بقه بتحط الصور دي في المواضيع إزاي ؟؟؟؟

المشاركة الأصلية كتبت بواسطة reamoz

ياباشا الفتيس بيلف مع الموتور لو انت مش دايس دبرياج سواء العربية ماشية ومعشقة غيار أو ماشية وممورة او واقفة وممورة كدة كدة الفتيس بيلف مش بيفصل إلا في حالة الضغط على الدبرياج سواء ممور أو معشق غيار

وفي كل الأحوال انا بنصح صاحب المشكلة بالحل الأسهل والأرخص بكتير علشان تزويد زيد الفيتيس او حتى تغييرة مش هيتكلف أكتر من 40 جنيه على أقصى تقدير ومش هياخد وقت أكتر من 5 دقائق بالكتير ولو حتى عالى فرض إن المشكلة طلعت مش منه ده مش هيضر ولا حتى هتكون فلوس على الأرض لأن الزيت الجديد برضة هيكون كويس للفتيس

بدل مايروح يحل الفتيس ويدفعلة مصنعية 100 جنية وهو مش متأكد العيب منه ولا لأ

وبعدين انت مش هتقلي بقه بتحط الصور دي في المواضيع إزاي ؟؟؟؟

شكرا لتعاونك في حل المشكله يا أستاذ reamoz

وان شاء الله يطلع زيت فتيس ، وبالنسبة لسؤالك بخصوص رفع الصور في مواقع كتير ممكن ترفع عن طريقها الصور زي مثلا موقع العملاق لتحميل الصور http://www.0zz0.com

حضرتك هترفع عليه الصور اللي انت عايزها وبعدين تاخد اللينك (اللينك المخصص للمنتديات) بتاع الصوره وتحطه هنا على المنتدى فهتظهر الصورة بشكل طبيعي

بس يفضل انك تشترك في الموقع دة عشان يفضل لينك الصوره شغال على طول والأشتراك طبعا مجاني

سيارتي أكسنت 1500 موديل 98، ومن فترة حوالي سنة حصل معي نفس الصوت اللي بتحكي عليه. زنة متواصلة و العربية واقفة و بمجرد الضغط علي الدبرياج يختفي. لما سألت الميكانيكي قالي مباشرة البلية؛ بلية الفتيس ودي عايزة يوم كامل ،فسبته وسألت خالي عشان له في العربيات. في البداية قال لي الفتيس و بعدين سأل عن الموضوع و قالي إن الأكسنت نظامها مختلف عن العربيات اللي اتعامل معها و فعلا دي مشكلة بلية الفتيس.
قررت أحل المشكلة قبل ما تكبر، واشتريت بلية الفتيس و كانت نوع Valeo و ثمنها كان 65 جنيه. و اتفقت مع الميكانيكي علي يوم من أوله و غير البلية و بعدها طبعا حطيت زيت للفتيس و الصوت اختفي.

عموما أكشف علي الزيت، لقيته كويس يبقي البلية و أمرك لله. وربنا يسهل و تتم كل الأمور علي خير.