ايه رايكم في الزراني اللي في جمال عبد الناصر بيقولوا شغله كويس بس غالي شويه
عرض للطباعة
ايه رايكم في الزراني اللي في جمال عبد الناصر بيقولوا شغله كويس بس غالي شويه
انا اسمع انة كويس بس للأمانة مجربتوش
شغله كويس فعلا لكن فعلا اغلي من غيره بكتير لازم تكون عارف الشغلة دي بتتعمل بكام بره قبل ما تروح له و ده امر سهل في هذا المنتدي الرائع ممكن تسأل علي سعر اي حاجة هتلاقي كتير اوي بيفيدوك لكن الحاجة الوحيدة اللي متعملهاش عند الزراني التكييف لان الصنايعي اللي عنده اللي اسمه احمد شاطر بس كسول جدا اسهل حاجة يعملها يشحن فريون و خلاص لكن مبيدورش علي العيب بصبر و تأني
اسمع عنة بس للأمانة معرفش اية نظامة
ممكن اعدى قصادة اسمع اسمة كدة اى معلومات تانية معنديش
بس الواضح انة بيزبح اللى يروحلة
زميل ليا راحه من اسبوع بمشكله فى فيتيس اوتوماتيك لعربيه نوبيرا، قاله التكاليف حوالى 100 جنيه + مصنعيه 300 جنيه
طبعا سعر شمط فى تغير كوبلن داخلى وتظبيت الفيتيس، وقالوا انت لو رحت برده ممكن حد بيوظهالك وتتكلف، فانا باخد غالى بدل ما تتكلف بره ... ها ها يعنى كده كده التكلفه عاليه
وللاسف عربيته اتسرقت من مركز خدمه كان سايبها بتتغسل فيه امبارح بالليل وجارى البحث عنها
ادعولوا يا شباب انه يلاقيها قبل ما تتقطع
انا اعرف المكان بتاع الزراني حق المعرفه المكان دة ياجماعه بيتعامل مع مشاكل العربيات علي حسب البضاعة الموجودة عندة يعني يمشي حالة علي الاقل هتلاقي نفسك مدبس ف بضاعة مش المفروض انك تخدها كمان انا اعرف ان صاحب بالين كداب وتلاتة منافق دول بتوع كلة زوايا ميكانيكا كهرباء تكيف ومش مركزين عير ف الفلوس وبس وتحس
وانت عندهم ان كل همهم المبيعات والفلوس وبس ومعندهمش حد يفكر يوفرلك يعني زيك زي التوكيل يبقي التوكيل ارحم
على فكرة الأفضل ان تروح لميكانيكى كويس و يقول لك على المطلوب و تشتريه من أماكن قطع الغيار لأن معظم المراكز فعلا بيحاول يمشى البضاعة اللى أصلا كمان أغلى من السوق و يقول لك دى الأصلى و اشتغالات كدة
أنا لى تجربة سيئة مع مركز كنت افتكر انه كويس لكن طلع على هذه الشاكلة اسمه المركز الكورى فى المندرة دبسونى فى حاجات ملهاش لازمة و حاجات ربنا ستر و مدبستش فيها و ركبت القديم بتاعى و رجعتلهم حاجتهم (حساس الماب و حساس الحرارة ) و من ساعتها و العربية ماشية بيهم كويس
ابعدعن الزرانى خاااااااااااااااااااااااا ااااااالص
صاحبك يدور فى المنصورة
واحد اعرفة سرقت سيارتة من امام نادى سموحة
و لقاها فى المنصورة فى مخرن سيارات تابع للمرور فية سيارات مسروقة او ليس لها اصحاب معروفين
الحمد لله ومبروك رجوع العربية
الزراني ... بلاش منه ... دفعوني فلوس كتير وبيشتغلوا بنظام التجربة والخطأ وكله على حساب الزبون
لو حد عايز يروح لمركز صيانه كويس في اسكندرية يقولي وأنا اظبطه عالخاص.
طب ماتقول ياعم دا احنا بنعانى فى اسكندرية كل واحد مرة حلو ومرتين اى كلام
يا جماعة الموضوع ده هام جدا إحنا فى الاسكندرية محتاجين مركز صيانة محترم و موثوق فيه فأرجو من كل صاحب تجربة أن يكتب عنها ولا يبخل بالمعلومة و دى أمانة أمام الله بدون تحامل على أصحاب الورش أو دعاية لهم
بص يا باشا فيه مركز بتعامل معاه من سنتين خلف دار مسنين محمد رجب ممكن تروحله من خلف الاذعة فى باكوس اومن صفر اسمه م/ماجد السيد ومعاه شغالة كويس متخصص دايو ومهندس سابق بشركة مرسيدس
فى اخوان مقار فى الازاريطة ورا سيراميكا كليوبترا نضيف جدا وممتازين
أنا عن نفسي بتعامل مع م/ حسين البمبي في مدينة الحرفيين الثانية بعد الموقف الجديد
هو شغله اساساً في العربيات بي إم دبليو وفولكس وشيروكي وسكودا اوكتافيا (تصدقوا كانت عنده واحده جايبة وش سلندر وقالولي زيها والأحسن منها كمان بيحصل فيه كده)
بس شاطر جداً وممكن يشتغل في أي ماركة وبيجيب من الآخر - يعني مش حتضطر ترجعله بعد يومين بنفس العيب زي اللي بيحصل مع مراكز صيانه كتير أخرى
ممن يكون مصنعيته اعلى شويه من برا بس في سبيل التشخيص الصح للعطل والتصليح الكويس أنا عن نفسي بأقبل بذلك.
لو أي حد عايز حاجه او محتاج صيانه صعبه م/ حسين البمبي انا انصح بيه ولو حد عايزني أروح معاه أعرفه عليه أنا في خدمة إخواني الاسكندرانية او أي حد من أي محافظة
وهوا عموماً ميتوهش خالص - يعني تروح المنطقة الصناعية الثانية وتمشي لآخر الشارع حتلاقي عربيات بي إم دبليو متقطعة تبقى وصلت.
وقوله انا من طرف محمد بتاع الماتيز اللبني. :shyy:
المركز الكوري في المندرة نصابين
والزراني الخدمة عندهم عبارة عن إنك تديهم فلوس وبس ومفيش شغل
تجربتي مع الاتنين على مدار سنوات وفي أكثر من سيارة لي ولأصدقائي زي الزفت
الزرانى جمب بيتى بالظبط و اتعمل معايا واجب فى شغل قبل كدة
بس منصحش بيه برضه علشان ساعات الشغل بيطلع اى كلام و الفلوس اكتر من بره
انا سمعت على الى خلف الاذعة فى باكوس و اكتر من حد شكرلى فيه جامد
يا شباب فية واحد مسمع ممتاز اسمة طارق ( الزرانى ) علشان كان هو إلى ماسك المركز عندة
هو مكانة امام الاكاديمية بميامى
بصراحة شغلة زى الفل
يعنى يا جماعة أنعامل مع طارق الزرانى اللى عند الأكاديمية ؟ هو قريب منى ولكن هل عنده كمبيوتر ؟ وبالمناسبة أنا سمعت عن ورشة بجواره ناحية مركز صيانة رينو اللى فى اسكندر ا‘براهيم متخصصة فى الدايو صاحبها شاب اسمه كريم .حد يعرف عنها حاجة ؟ وشكرا لكم
بالنسبة لطارق فهو كويس زي ما قلت
وعنده جهاز كشف أعطال
ومتهيألي أنا عارف المركز اللي حضرتك بتتكلم عنه وروحت عنده مره زمان مع واحد صاحبي معاه عربية ماتيز...وصاحب المركز مهندس كبير في السن كان عايش في أمريكا تقريبا وهو اللي بيدير المكان...ولكن المركز ده بعيد عن طارق لأن طارق بجانب القطار...والمركز ده في آخر الشارع اللي على أوله مركز رينو يمين
أفهم من كلامك إن الأفضل هو طارق الزرانى . صح كده ؟
طيب بالنسبة للمصنعية وقطع الغيار أخبارها إيه ؟ معلش هاتعبك معايا شوية بس علشان أنا لسة شارى لانوس من يومين وعايز أظبطها وأعمل فيها شوية شغل
هوة عندة كمبيوتر اعطال
و كمان قطع الغيار عندة و اسعارها ممتازة جدا
تمام
هو دلوقتي ابتدأ يبيع قطع غيار ومصنعيته معقولة...بس مش عارف مدى تنوع قطع الغيار إيه..يعني أنا جبت منه فلتر بنزين وبوجيهات للأكسنت...
الحمد لله أنا روحت للشيخ طارق و عملت سيرفيس عنده و كله تمام