الى مالكي افيو

**sharief95** · 09-11-2009 03:42 PM

انا املك عربية افيو موديل 2010 اشتريتتها من الكموني فرع اسكندرية وانا من سكان الاسكندرية العربية عاملة معاية حوالي 3500 كيلو العربية من مميزاتها سحبها كويس وسريع ومريحة وعقشة كويسة الساوند سيستم بتاعها محترم وانا سقت بيها لغاية 140 كيلو ثابتة كويس ولا يتتهز ولكن بعد كدة الستابيلتي بتقل شوية ولكن مش لدرجة الخطورة متوازنة ومن اهم العيوب ان الدبرياش بتاعها حساس جدا ببطل مني كتتير في الاول بس بعد كده اتعود عليها واحدة واحدة والمارش بتاعها باز مني وانا كنت شاريها من 20 يوم ولما رحت التوكيل منصور في العامرية بقوا مستغربين ازاي عربية جديدة يحصلها كدة واستهلاكها للبنزين اقتصادي وموفر الكابنة الداخلية من الامام واسعة ولكن من الخلف ضيقة والشنطة واسعة ولكن بصراحة انا حاسس لا تفرق حاجة عن الدايو لانوس غير الفرق في الهيكل لاني كنت اتعلمت السواقة على دايو لانوس فارجو اي حد يفيدني من حيث المميزات والفرق بينها وبين الدايو لانوس زان شاء الله على 5000 كيلو هروح مركز الصيانة وافيدكم بكل حاجة

**sharief95** · 12-11-2009 11:23 PM

ايه يا جماعه مففيش ردود

**yoko** · 13-11-2009 12:23 AM

سحبها كويس وسريع

جرب تشغل التكيف

ومريحة وعقشة كويسة الساوند سيستم بتاعها محترم

معاك بس الساوند سيستم نص نص

وانا سقت بيها لغاية 140 كيلو ثابتة كويس ولا يتتهز ولكن بعد كدة الستابيلتي بتقل شوية ولكن مش لدرجة الخطورة

غريبة العربية كانت بترقص مني في ملفات الدائري بعد ال١٤٠ وبتعوم جامد في الغرز

من اهم العيوب ان الدبرياش بتاعها حساس جدا ببطل مني كتتير في الاول بس بعد كده اتعود عليها واحدة واحدة

بلعكس أنا شايف ميزيتها الوحيده إن الدبرياش خفيف جدا

والمارش بتاعها باز مني وانا كنت شاريها من 20 يوم ولما رحت التوكيل منصور في العامرية بقوا مستغربين ازاي عربية جديدة يحصلها كدة

هو مفيش واحد مطلعلوش مصيبة في العربية

واستهلاكها للبنزين اقتصادي

لو بتعتبر إن الطبيعي ٢١٠ كم\الصفيحة بدون تكيف و١٨٠ كم \الصفيحة بالتكيف وجوه البلد ١٩٠كم\صفيحة بدون تكيف و١٧٠ كم\الصفيحة بالتكيف كويس يبقى يا ريت تراجع حساباتك

الكابنة الداخلية من الامام واسعة ولكن من الخلف ضيقة والشنطة واسعة

معاك حق

ولكن بصراحة انا حاسس لا تفرق حاجة عن الدايو لانوس غير الفرق في الهيكل لاني كنت اتعلمت السواقة على دايو لانوس

لأ في فرق في الثبات القعده في صالح الأفيو وتسارع وتوفير في البنزين لصالح اللانوس

فارجو اي حد يفيدني من حيث المميزات والفرق بينها وبين الدايو لانوس زان شاء الله على 5000 كيلو هروح مركز الصيانة وافيدكم بكل حاجة

فيه فروق كتير في الموتور والعافشة والشاسيه وكلهم في صالح اللانوس
وفي الشكل والوسع لصالح الأفيو

للعلم العربية -الأفيو- أعدت معيا سنة ونص وعملت ٢٧ ألف كم قبل ما أبيعها وأخلص من قرفها

**ahmad--ezzat** · 13-11-2009 02:26 AM

المشاركة الأصلية كتبت بواسطة yoko

جرب تشغل التكيف

معاك بس الساوند سيستم نص نص

غريبة العربية كانت بترقص مني في ملفات الدائري بعد ال١٤٠ وبتعوم جامد في الغرز

بلعكس أنا شايف ميزيتها الوحيده إن الدبرياش خفيف جدا

هو مفيش واحد مطلعلوش مصيبة في العربية

لو بتعتبر إن الطبيعي ٢١٠ كم\الصفيحة بدون تكيف و١٨٠ كم \الصفيحة بالتكيف وجوه البلد ١٩٠كم\صفيحة بدون تكيف و١٧٠ كم\الصفيحة بالتكيف كويس يبقى يا ريت تراجع حساباتك

معاك حق

لأ في فرق في الثبات القعده في صالح الأفيو وتسارع وتوفير في البنزين لصالح اللانوس

فيه فروق كتير في الموتور والعافشة والشاسيه وكلهم في صالح اللانوس
وفي الشكل والوسع لصالح الأفيو

للعلم العربية -الأفيو- أعدت معيا سنة ونص وعملت ٢٧ ألف كم قبل ما أبيعها وأخلص من قرفها

انت عايز تكره فى العربيه ههههههههههه
ربنا يباركله فيها الافيو عربيات حظوظ والحمد لله على كده

**aboali2008** · 13-11-2009 02:44 AM

انا معى افيو 2010 وماشاء الله زى الفل مصرى كمان

**yoko** · 13-11-2009 10:29 AM

المشاركة الأصلية كتبت بواسطة Dr_Smart

yoko باشا ... طبعا حضرتك ليك خبره محترمه عن الافيو بس طالما الاستاذ sharief95 خلاص اشترى ولغاية دلوقتي مبسوط بعربيته نقوله ربنا يباركله فيها ... مع كامل احترامي وتقديري لرأي حضرتك وحياديتك

استاذ sharief95 شكرا جزيلا على تقييمك للأفيو والف مبروك عليك وربنا يديك خيرها ويبعد عنك شرها
بس نصيحه العربيه ثباتها مش ممتاز فخلي بالك لو ماشي بسرعه عاليه خليك حريص من الملفات وأي مفاجآت في الطريق

المشاركة الأصلية كتبت بواسطة Ahmed20_08nubira

انت عايز تكره فى العربيه ههههههههههه
ربنا يباركله فيها الافيو عربيات حظوظ والحمد لله على كده

أنا والله ما قصدي حاجة بس أنا إستغربت من كذا حاجة بس فرديت وأنا بره موضوع الrpm العربية كويسة للي هيمشي بيها جوه البلد لكن بالنسبالي بعمل بالميت ٢٥٠٠ كم في الشهر منفعتنيش وبصراحة أنا حبيت في العربية حجتين الكراسي والدبرياش

وأنا أسف لو كان كلامي دايق أي حد

**yoko** · 13-11-2009 10:47 PM

المشاركة الأصلية كتبت بواسطة samehafez

انا دايما كنت بدافع عن الافيو و متخيل ان الناس ظالمه العربية ....بس اكتشفت فعلا ان الافيو حظوظ الحمد لله حظي طلع كويس بس عشت مع واحد صاحبي ايام سواد
بجد عربيته فيها كل المشاكل اللي اتكتب عنها و زيادة
يعني انا دايما بدافع عن ثبات الافيو و بقول عليه معقول و انا اللي شجعت صاحبي و خليته يشتري الافيو بعد ما خليته يسوق عربيتي علي الدائري و يجرب ثباتها ...
بس عربيته غريبة جدا اللادا نيفا اثبت منها

انا عريتي كوري 2007 اللي عاوز اعرفه الكوري برضة حظوظ يعني فيه المشاكل المشهورة دي و لا المصري بس

هي المشاكل إبتدت تبقى منتشره من موديل ٢٠٠٨ وطالع
الحمد لله إنك نفدت بال٢٠٠٧