الموضوع: غطا اللانوس ضيق جدا على اللوجان اما انا ليه كنت حاسس انها اصغر فى الطول من لانوس

النهاردة اشتريت غطاء للعربية من شارع زكى طبعا قلت للراجل عربية لوجان قالى خد بتاع اللانوس هم اد بعض تقريبا سمعت كلامه رغم انى كنت شاكك أن اللانوس اطول بس قلتله لو فيه حاجة فى المقاس ها اجيلك اغيره تانى وأنا ساكن جنبك هنا قالى تمام رحت اركبة لقيته مش عايز يخش ابدا وضيق على العربية رجعت للراجل ثانى قال لى خد جرب بتاع ال 132 طلع تمام او يمكن واسع سنه بس مقبول بصورة كبيرة أنا مش عارف ليه حاسس أن العربية شكلها من بره قصير شويه رغم أن موضوع الغطا ده اثبنلى أن ده مش صحيح وأنا كنت قريت فعلا أن اللوجان اطول من اللانوس ب 4.5 سم واقل من الشاهين ب 5 سم بس مش عارف ليه أنا مش شايف كده

المشاركة الأصلية كتبت بواسطة abdulmageed

غطا 132 كلفك كام؟؟

الغطاء ب 65 جنيه من ش زكى وخامته معقوله لا تقيلة ولا خفيفة واشتريت دواسات ب 50 جنيه