اهلا يا جماعة انا ناوي اشتري اسبرانزا بس انا سمعت كلام كيتير و موتناقض عنها ...ميلاخر دي اول عربيه حجيبها ومش عايز بهدله وكمان عايز حاجه تعيش معايه 10 سنين كده...ولا اجيب لانوس وارتاح....ساعدونييي
اهلا يا جماعة انا ناوي اشتري اسبرانزا بس انا سمعت كلام كيتير و موتناقض عنها ...ميلاخر دي اول عربيه حجيبها ومش عايز بهدله وكمان عايز حاجه تعيش معايه 10 سنين كده...ولا اجيب لانوس وارتاح....ساعدونييي
لا يا باشا رأى بلاش سبرنزا
خليك فى فيرنا او لانوس
بلاش وخليك في المضمون و طالما العربية عليها كلام كتير يبقي ابعد عنهت احسن و استخير ربنا وان شاء الله تتوفق وتختار صح
لو بتمشي بالعربيه في حدود 50 او 60 كيلو و استعمالك خفيف هات الاسبرانزا.
اما لو بتاع مشاوير كبيره و معندكش وقت لمشاكل التوكيل يبقي هات لانوس احسن ليك
بلااااااااش اسبيرانزا ، هات لانوس وارتاح
نفس الدوشة حصلة على الهيونداى اول ما نزلت
و ايضا على الدايو :shock:
رد حازم عين العقل - رأى خبير
وأحب أضيف حتى لو أستهلاكك أكتر من كدة جيبها - هيا فيها بعض المشاكل البسيطة التى لا ترقى إلى حجم عيب وتوكيلها شغال وأنتشرت كويس
اي حد هيقولك ان السبارينزا هتعيش 10 سنين يبقي بيضحك عليك ..
مش لأنها عربية وحشة .. بل لأن محدش يعرف اصلا .. العربية لسة جديدة في السوق بتاعنا و منعرفش ايه اللي ممكن يحصل اما تقدم شوية و ايه المشاكل اللي ممكن تظهر
في حين ان اللانوس موجودة في السوق بقالها فترة و خلاص بقت كتاب مفتوح
فا رأيي الخاص .. انك تحط فلوسك في عربية تقدر تثق فيها .. لأن السبيرانزا ما زالت عربية مجهولة منعرفش اذا كانت من النوع المعمر ولا لأ
لا يا باشا فيها عيب فى الشاسية بتحدف مش عارف يا يمين يا شمال و دة من كلام عضو هنا كان عندة سبيرانزا و باعهااقتباس:
رد حازم عين العقل - رأى خبير
وأحب أضيف حتى لو أستهلاكك أكتر من كدة جيبها - هيا فيها بعض المشاكل البسيطة التى لا ترقى إلى حجم عيب وتوكيلها شغال وأنتشرت كويس
يمين و فعلا كلام فهد صحاقتباس:
مش عارف يا يمين يا شمال
بس أنت ناوي تشتري أنه موديل لإن الكلام ده في موديل A516 أما الموديلات التانية الوضع (ممكن ) يكون غير
موضوع الحدفه أبو الفتوح بيظبطوا بمنتهي السهولة
:D :D :D :D :Dاقتباس:
لا يا باشا فيها عيب فى الشاسية بتحدف مش عارف يا يمين يا شمال و دة من كلام عضو هنا كان عندة سبيرانزا و باعها
ممكن تكون شربة حاجة صفرا - شيك على لون البنزين :twisted: - شوف عربية ملهاشى فى الصنف
أنا معاك 10 ممكن يكونوا كتير بس صدقنى مع الأستخدام الصح ممكن تعيشاقتباس:
اي حد هيقولك ان السبارينزا هتعيش 10 سنين يبقي بيضحك عليك ..
بلاش ارجوووووووووووووووووووووو ووووووووك
لما العربيات الصينى تتجرب وتتعدل بعد 10سنين ابقى هاتها
العربيات الصينى عامله زى المطربين الجداد والفيديو كليبات
اشياء سيئه
بس بالتعود
والالحاح
والضغط
وبعد فتره الناس تتعود
وبعد فتره الناس تقتنع بالمطرب من دول او الكليب اياه اللى لما اول مره شافه قال
ايه القرف والمسخره وقلت الادب دى
الله ينتقم من كل جشع بيستورد بضاعه سيئه عشان يكسب اكتر ومش مهم المصريين
والله احنا نستحق معامله ارقى من كده بكتييير
اعقل و بص لتجارب غيرك
دى شكوى من المنتدى ده نفسه وانشاء الله تفيدك ، بلاش اى عربية تسمع عنها كلام كتير تجيبها :
pls اقرا الموضوع ده
khalidsdk khalidsdk غير متواجد حالياً
Member
تاريخ الانضمام: Apr 2007
المشاركات: 41
افتراضي الحمد لله بعتها وارتحت ( نصيحة لوجه الله)
باختصار سأروي لكم خلاصة تجربتي المريرة ومعاناتي مع اسبيرانزا 516 حتى تم بيعهاوالحمد لله ،هذا ليس للنقد ولكن للاستفادة وأخذ العبرة لمن يريد :
(سيارتي كانت موديل 2007 وعملت بها 20000كم ولونها ،Sky grey- سيارتي السابقة كانت نوبيرا 2003 أوتوماتيك)
1) بداية استلام السيارة المكيف كان لا يعمل ودواسة البنزين بتقطع، تم ضبطهم بصعوبه وبعد عده زيارات للتوكيل وعده خناقات أيضا.
2) العفشة ناشفة جدا وتحس بكل زلطة في الطريق وتسمع أصوات غريبة وانت بتلف يمين أو شمال حتى بعد تعديل العفشة .
3) سحبها ضعيف جدا خاصة عند تشغيل التكييف وياسلام لو كنت محمل معاك ناس في العربية وطالع كبري في عز الظهر (فضيـــــــــــــــحة)، وحتلاقي في الأحوال العادية والله بلا مبالغة الـ 128 بتسبقك في الطلعة وكذلك جميع السيارات الـ 1300 والـ 1600 طبعا ، وموضوع انها 117 حصان وانها 147 نيوتن ده كلام فاضي وكذب عن تجربة وهي من واقع التجارب تقدر تقول انها فعليا 90 حصان ، 130 نيوتن/م
4) في المطبات وما أكثرها تسمع صوت طقطقة قدام ولما المطب ييجي وره تسمع نفس الصوت ورا وهو صوت ثابت في المطبات ومنتظم. (سوف تتعود عليه).
5) صفارة الفرامل وخاصة عندما تسخن الطنابير تحس انك ماشي بصفارة ممتازة تغنيك عن أي كلاكس (أيضا فضيحة)، نوعية التيل سيئ جدا بياكل الطنابير ، وكذلك نوعية الطنابير سيئة جدا .
6) التابلوه بدأ يتقوس ويقب من الشمس ولسة العربية ما كملتش سنة !!
7) الباغة الخاصة بالكلاكس في الدركسيون غير حساسة وأحيانا بتعلق ونوعيتها رديئة .
8) الدوكو الخاص بالسيارة خفيف جدا لو عملتوا بأظافرك حيطلع علطول والاكصدام الأمامي والخلفي بدأوا في التقشير بعد الشهر الأول!!
9) صوت المارشدير عالي جدا (أيضا فضيحة ) الفتيس بيعض في المارشدير حتى بعد ضبطه في التوكيل ( لكن حتتعود عليه)
10) عيب قوي جدا في تصميم الموتور وأنه مقلوب ستجد الهيدرز الخاصة بالشكمان والفرن وضعهم إلى الداخل ناحية السائق والتابلوه وليس إلى الخارج كما هو الحال في جميع السيارات الأخرى المحترمة (فهل هذا اختراع جديد ؟) مما يسبب دخول حرارة الشكمان إلى الداخل ودليل ذلك حط يدك على الكاسيت بعد السير لفترة طويلة حتلاقيه مولع وسخن جدا ، انا كنت مركب صفارة انذار في الموتور ساحت واضطررت لتغييرها من سخونة الموتور ، فحركة قلب الموتور سيئة جدا وفكرة فاشلة تضر بالسيارة على المدى البعيد.
11) سماعات الكاسيت الأمامية كانت لا تعمل وتم ضبطها في توكيل كلاريون (السيارة زيرو !!!)
12) التوكيل وما أدراك ما التوكيل المعاملة الفعلية سيئة جدا جدا جدا ، لا تنخدع بالابتسامة وحضرتك ويا افندم وتحت أمرك ... ، انا عايز واحد يشتمنى بس يصلحلي العيوب اللي رايح عشانها مش بعد ما أحجز قبلها بأسبوعين وأروح وأضيع يوم كامل وأدفع مبلغ لا بأس به أرجع البيت بنفس العيوب !!!! (ضحك على الذقون)
13) أسعار الصيانة غالية صيانة 10000كم 300 جنيه - صيانة 20000كم - 700 جنيه ولدي ايصالات دفع بذلك ،طبعا كتير جدا غير اللي كنت بأدفعه في الزيارات اللي في النص مع المعاناه مع حضرتك وتحت أمرك يا فندم والكلام الفارغ ده والنتيجة ولا حاجة.
14) سنتر الباب الخلفي يمين لا يعمل وذهبت للتوكيل 3 مرات دون جدوى السنتر مش موجود حاليا ياا فندم على مدى شهرين !!!!
15) يوجد حدفة يمين لوجود عيب في الشاسيه باعتراف التوكيل وكثير من مالكيها سواء شعروا بها أو لم يشعروا وليس لها حل .
عموما هذا ما أذكره وهذه تجربتي الشخصية لمن يريد أن يستفيد ، والحمد لله بعت العربية وخلصت منها واشتريت الآن دايو ليجانزا مو 2001 أوتوماتيك وهي الحمد لله زي الفل وربنا يبارك فيها .
وتقييم نهائي للسيارة أعطيها 60% وقد تكون جيده لمن كان لديه قبلها 128 - سيات 133 - 127- 125 أو شي من هذا القبيل مع احترامي الكامل لجميع السيارات السابقة ، وهي تصلح أكثر للسيدات وللاستخدام الخفيف غير كده للأسف مش حتنفع واللي حياخدها حيفكر يبيعها بعد أسبوع من شرائها .
اللهم قد بلغت اللهم فاشهد - نصيحة خالصة لوجه الله
أي استفسار انا جاهز 0123498224 م/ خالد جمال -
ملاحظة السيارة اتباعت بـ 60000جنيه ولو جابت أقل من كده كنت حأبيعها برضه.
__________________
[ سبحان الله و بحمده سبحان الله العظيم ]
........... اسبرانزاوي رقم 21 .............
>>> م/خالد جمال صادق <<<
وربنا معاك
الكلأم صح فى بعض منها بتحدف يمين لكن مع اول زياره للتوكيل ظبتو وربطو العفشة وظبطو الزوايا وللعلم انا معيا اسبرنزا 2008 وزي الفل و الحمد لله وللعلم افتتح مراكز خدمة الكويت والبلأد العربية و فرست كار وجميع مراكز خدمة الدايو لصيانة الأسبرنزا ملأحظة السيارة السابقة كانت لأنوس 2001 وشكرا
مشكور على التوضيح
الله يكرمك يا ا/missuniverse دا انت قولت فحص دقيق للسيارة ومن تقيمى كدة تبقى عزة برقبتها
ولو كنت من مالكى السيارة فربنا يكون فى عونك
فكر كويس قبل ما تتسرع ومتعرفش ترجع فى كلامك
انا معايا اسبرنزا رقم 460 يعنى من اول الانتاج
ماشى بيها لحد الان 83400 كيلوا يعنى قربت اخسر الضمان لان مشاويرى كتير اوى يعنى فى اليوم مش اقل من 800 كيلو او 1000
المهم ما عملتش فيها حاجه غير الصيانات الدورية فقط وعربية زى الفل
اتكل على الله وكفاية ضمنها ويا اخى قبل الضمان ما يخلص تبقى بعها وخلاص
صدقنى عربية رائعة وكانت بالنسبة لى صدمة بعد ما اشتريتها لانى تخيلتها زى ما بيقولوا عليها
بس اتضح ان كلهم كانوا بيتكلموا من السمع والاشاعات بس
اتكل على الله وهاتها دى ممتازة وفيها اوبشن بالهبل ومبروك عليك
يا بشمهندس مش للدرجه دياقتباس:
هيا فيها بعض المشاكل البسيطة التى لا ترقى إلى حجم عيب وتوكيلها شغال وأنتشرت كويس
تصدق وتامن بالله انا لا اقدر اقول على اللانوس انها تقعد 10 سنين مع انها كفاءة ولكن .....اقتباس:
اي حد هيقولك ان السبارينزا هتعيش 10 سنين يبقي بيضحك عليك ..
انصحك بأي عربيه اخرى غير الأسبرنزا
بحسبة بسيطة العربية بقالها معاك 83 يوم بس ولا أية - حاجة غربية - وأزاى هيا رقم 460اقتباس:
83400 كيلوا يعنى قربت اخسر الضمان لان مشاويرى كتير اوى يعنى فى اليوم مش اقل من 800 كيلو او 1000
في اليوم1000 كيلو ؟!
ازاي حضرتك ؟ شرم الشيخ رايح جاي كل يوم !؟
والنبي بلالالالالالالاش انا بتشائم منها
خليك فعلا في المضمون
يعنى تفتكر انى كل يوم باعمل بيها 1000 كيلو
لأ طبعا مش يوميا يعنى
المهم انى بامشى بيها مشاوير طويلة اقلها فى اليوم ما بين 500 الى 800 كيلو
لأنى باشرف على قرية سياحية فى وادى حماطة بعد مرسى علم ب 120 كيلوا عرفتم ليه قاطع كيلوا مترات كتير
وساكن فى 6 اكتوبر تخيل انتى بقى ما بين الساحل الشمالى و6 اكتوبر او بين 6 اكتوبر والغردقة او بين الغردقة ووادى حماطة واحسبها
والعربية صدقونى زى الفل الحمد لله بس بشرط انا باعملها صيانتها الدورية فى ميعادها عند التوكيل بدون اى تاخير
بس
وبعدين عيب نقول بنتشائم دى
احنا ناس متعلمين كلنا مش ناقصين تاخر كمان بالتشاؤم
التجربة خير برهان وانا باقولك على تجربتى مع ال 516
واخويا لسة مستلم واحده كحلى من اسبوع فقط وبيشكر فيها جدا رغم انه كان ماعه جولف قبلها
وجابها بناء على شكرى ليها وانه جربها معايا كذا مرة وامن بيها
رغم انه واللهى كان بيتريق عليا لما جبتها وكان بيقولى دى زى فوانيس رمضان واستنى لما تتجرب
لكن انا لما شوفتها ودورت عليها على النت وعرفت تفصيلها قررت اشتريها وانا راضى عنها
عارفين هى نفسيات
لو انت شريها باقتناع ونفسيتك مرتاحه هتبقى بى ام معاك
لو انت مشتريها وفتحت ودانك للى بيشتيكى عمال على بطال هتقرف منها
عارفين ان ممكن واحد صحبك يكرهك فى عربيتك ويخليك تبعها بخسارة من الزن
انا شخصيا حصلت معايا وبعت جولف بسبب زن صديق ربنا يسامحه وندمت انى بعتها
المهم الحمد لله انى جبت الاسبرنزا
يا جماعا اتفرجوا على يو تيوب على الكرش تيست بتاعها وقارنوها بعربيات تانية زى الكورولا اللى طليعن بيها السما ولا الياريس ولا الجولف وقولى لى رايكم بعد ما تتفرجو
www.youtube.com وبعدين اكتبوا كرش تيست
صدقونى العربية زى الفل بالتمن ده
ده فيها اوبشن حسبته انا واخويا طلع اكتر من 80% من سعرها صدقونى
على العموم انا جربت ومرتاح لتجربتى والحمد لله
يا شباب انا ما قلتش ان كل يوم باقطع 1000 كيلو
شوفوا انا كاتب ايه كويس وانتم تفهموا
وبعدين انا باقول لكم تجربتى الشخصية مع الاسبرنزا اللى عشقتها
مش امر منى يعنى للى عايز يشترى
لكن عن تجربة اللى مش هيشترى اسبرنزا قبل ما تغلى تالت هيندم كتير
اللهم بلغت اللهم فاشهد
تعليقا على ناوى اشترى اسبيرانزا
انا عندى سيارة ميتسوبيشى لانسر 1300 موديل 2007 مواصفات مصرية و انا بافكر ابيعها
لانى باعانى من كثرة اللمسات الخفيفة التى تؤدى الى انفصال الاكصدام عن جسم السيارة بسبب كسر الكليبسات و ابضا ضعف الصاج لان سمكة 6.مم
برجاء افيدونى هل اشتريها موديل 2008 ؟ و انا عارف انى راكب يابانى
خليك في المضمون وبلاش العربيات الصيني دلوقتي
لغاية أمتى هنفضل خايفين من الصينى وقاعدين نتفرج عليةاقتباس:
خليك في المضمون وبلاش العربيات الصيني دلوقتي
اللي إشتري الياباني في السبعينات كان بيغامر لحد ما الياباني أثبت نفسه.... واللي أشتري الكوري في التمانينات كان بيغامر لحد ما الكوري إبتدي يثبت نفسه..... واللي يشتري الصيني دلوقت يبقي بيغامر لحد ما نشوف حيعمل إيه.....رأي شخصى الصيني قادم لا محالة بس لسه قدامه سنين ;)اقتباس:
لغاية أمتى هنفضل خايفين من الصينى وقاعدين نتفرج علية
عندك هونداي بقالها 30 او 40 سنه بتصنع عربية والياباني حوالى 60 سنه وامريكا واوروبا من اكتر من 100 سنه
والصيني لم يكمل من العمر 10 سنوات بل ان هناك بعض الشركات بقالها 5 سنين ويمكن اقل
وعربيات مش معروفة وتوكيلات في مصر غير مضمونة النهاردة معاه التوكيل بكرة بيروح لواحد تاني
وكل واحد عايز يعمل توكيل عربيات يروح يجيب شركة صيني لدرجة ان خلاص شركات الصيني بقت اكتر من الاوروبي