الموضوع: كوارث الزراعي مصر اسكندريه خلال اسبوع

دي يا جماعة شوية فيديوهات من حوادث الطريق الزراعي خلال الاسبوع الاخير ده واللي كان اسبوع منكوب لكل اللي بيستعمل الطريق الزفت ده

اول حادثه اتكلمو عنها

بدون مقدمات ... فيه حادثه كبيره جداااا على الطريق الزراعى بعد بنها بشويه الاتجاه اللى داخل القاهره وفيه حوالى 20 عربيه ضايعين فيها حد عنده معلومات عنها ؟

على حد ماسمعت ان فيه عربيه نقل بمقطورتها اتقلبت على الطريق والعربيات دى كلها اصطدمت ببعضها والطريق وقف حوالى 4 ساعات[/QUOTE]الحادثه دي كان فيها 17 عربيه تقريبا... وكانت عند قرية سندنهور بعد بنها ب 4 كيلو بالظبط

السبب عربيه نقل محمله صناديق سفن اب وبيبسي وكان فيها حوالي 5 تويوتات نقل ركاب وحوالي 4 ملاكي وعربيه نقل تبع المقاولون العرب

الحادثه دي للاسف ملهاش اي صور عشان سواقين التويوتات مسابوهاش وفضلو جنبها

أول ما طلعت على كوبري بنها اللي قدام توشيبا
وعلى نفس الاتجاه اللي رايح القاهره
خمس عربيات سيدان خابطين في بعض
بس الخمسه خارجين كإنهم طالعين من تحت قطر
العربيات متساويه بالأرض
الطريق كان واقف من طوخ لحد بعد قويسنا
ربنا يستر علينا جميعا

اول فيديو عربيه بيجو 7 راكب مقطومه من قدام

[flash=http://www.facebook.com/v/199017115481]WIDTH=400 HEIGHT=300[/flash]

الفيديو التاني عربيه دايو سيلو سياحه متدمره

[flash=http://www.facebook.com/v/199012020481]WIDTH=400 HEIGHT=300[/flash]

الحادثه التالته عربيه تويوتا ميكروباص من بركة السبع ودي كانت يوم 18 اكتوبر تقريبا

وفيات 3 ومصابين حوالي 6

الفيديو هنا

[flash=http://www.facebook.com/v/183300860481]WIDTH=400 HEIGHT=300[/flash]

الحادثه الرابعه عربيه افيو متدمره تماما عند مزلقان بلتان بعد بنها بحوالي 10 كيلو في اتجاه القاهره

الفيديو هنا

[flash=http://www.facebook.com/v/186780865481]WIDTH=400 HEIGHT=300[/flash]

الحادثه الاخيره والابشع دي كانو اتكلمو عنها هنا

من فترة كان عندى شبكة واحد صاحبى فى بنها بالتحديد يوم 16/10
المهم وانا رايح لقيت الطريق وقف فجاة وطبعا كانت حادثة .....
هية عربية دبابة ماشية فى الطريق السريع وواحد معاة 128 بياخد يو تيرن بتاع الدبابة فرم ال 28 والناس اللى جواها وانا معدى كانوا متغطيين بجرايد ربنا يرحمهم
يعنى حتى لما وصلت الشبكة كنت مضايق جداااااااا من المنظر بتاع الحادثة ربنا يسترها مع الجميع .

ودي للاسف الشديد صورها اهيه






رجاء شديد للناس اللي بتحب الجري

اتفرج عالصور والفيديوهات دي واتعظ... العمر مش بعزقه زي مبيقولو

انا مبقتش اعدي ال 110 خلاااص

البحر والزراعي ملهومش كبير

[overline][/overline][overline]

فعلا الطريق ده بقي رهيب بجد

مفيش يوم يعدي الا وتلاقي حادثه

ولو مفيش حادثه

يبقي في زحمه وقرف

ولو كان في حادثه واتشالت

تلاقي برده الطريق واقف ولازم كل واحد يعدي من جنب الحادثه يتفرج عليها عربيه عربيه ومش بعيد يقف يسأل ايه اللي حصل وتلاقي الطريق مقفول 2 كيلو بعد مكان الحادثه اللي اتشالت علي اليمين

[/overline]