انت تسأل وقطب يجيب

**mooz55** · 19-11-2009 11:09 PM

اخى العزيز انا ناو اشترى فورد اسكورت تنصحنى اجيب 1600 ولا 1300 وانجكشن ولا كربراتير من حيث توفر و تمن قطع الغيار وفدرة التكييف و لو فى قدامك عربيه اسكورت كويسه ياريت تقولى بسرعه ......... ولا تنصح بأيه

**Kotb** · 21-11-2009 10:22 AM

المشاركة الأصلية كتبت بواسطة mooz55

اخى العزيز انا ناو اشترى فورد اسكورت تنصحنى اجيب 1600 ولا 1300 وانجكشن ولا كربراتير من حيث توفر و تمن قطع الغيار وفدرة التكييف و لو فى قدامك عربيه اسكورت كويسه ياريت تقولى بسرعه ......... ولا تنصح بأيه

بص يا اخي الموضع كله يرجع لظروف حضرتك انا هاتكلم بختصار 1600 سرفسها عالي سوا كربرتير او انجكشان 1300 تكيفها ضعيف وبيهلك المحرك
ولك انتختار

**m_elkerm** · 21-11-2009 11:28 PM

اخى العزيز قطب انا سيارتى اسكورت1300 موديل 98 كربراتير هل ينفع استخدم بنزين 80 او اخلطه على 92 نص التانك و نص ارجو الافادة و ايه الاضرار لو عملت كدة علما بانى دلوقتى بمون 92 بس وجع جيبى قوى و شاكرين يا باشا

**reamoz** · 22-11-2009 12:53 PM

السلام عليكم ورحمة الله وبركاتة
كل عام وأنتم طيبين وربنا يتقبل منا ومنكم صالح الأعمال في هذة الأيام التي ما من أيام العمل الصالح فيها أحب إلى الله منها

سؤال لقطب باشا انا كنت روحت مرة أظبط زوايا عند واحد قالي العجلة اليمين عندك مفتوحة من تحت 1 سم وعايزة زرجينة علشان تتقفل قلتلة ماشي عملي زرجينة من المساعد نفسة فالمساعد باظ وجاب زيت الله يجازيه بقى
المهم إني من فترة قربية غيرت المساعدين الأمامي فقلت اروح أظبط زوايا بتاع الزاوايا قالي بردة على نفس الموضوع إن العجلة مفتوحة وقالي روح لسمكري خليه يفتحلك البطاحة من فوق 1 سم
السؤال بقه هو إن كنت عايز اعرف المقاس بتاع الفبريكة بين رأس المساعدين الأمامي اللي بتكون في وسط البطاحة وبيتربط فيها الصامولة اللي بتمسك المساعد من فوق علشان اعرف هل هي عندي فعلا مقفولة فأعمل الزرجينة من الحوض وأوسع بين البطاحات ولا الموضوع سببة تحت في العفشة ؟؟؟
معلش انا طولت عليك

يعني بإختصار لو تعرف المقاس كام سم بين رأس البنز بتاع المساعدين الأمامين يبقى كتر خيرك

**aYaBooY** · 22-11-2009 06:41 PM

قطب باشا رجاء شرح الموضوع ده
المحروسة عندي مفيهاش ولا بوجيه معرق كله حارق كويس
سحب زي الفل صوت الموتور كويس ( فيه صوت كوستبان و بيروح مع الحرارة )
الموتور بيطلع دخنة بيضة مستمرة
عارف ان ده معناه انه مفوت بس عاوز افهم منين بتحرق زيت و منين البوجيهات سليمة ؟

**ابوهاشم** · 23-11-2009 01:24 PM

بصراحه انا لااملك سياره فورد
بس باحترم العربيه دى جدا
وكان نفسى اجيبهالولا تخوفى من قلة قطع الغيار
وحبيت اهنيكم اصحاب الفورد بوجود ميكانيكى متخصص
بينكم فى المنتدى
وعقبالنا فى قسم الفيات

**melmegharbel** · 23-11-2009 02:33 PM

سيارتى مازدا 323 موديل 1999 عاملة 148 ألف، العربية بتستهلك بنزين كتير وبدخن دخان أسود وساعات بشم ريحة دخان فى الصالون، عملت تنظيف للإنجكشن الريحة قلت بس ما إنتهتش ولسه الإستهلاك عالى، ممكن يكون العيب من إيه.
أنا عارف إن مازدا وفورد واحد.

**brono** · 23-11-2009 07:24 PM

معايا فورد مونديو 98 مانول الحراره عندي بتوصل الي حرف (l) في كلمه نورمل وبعد كده المراوح تشتغل هل ده طبيعي ولا لا مع العلم اني كنت جايب حساس تركي من شارع دمشق وغيرته بواحد اصلي استيراد مش جديد

**fares6600** · 23-11-2009 11:29 PM

اعمل اية في حرارة المونديو

**aYaBooY** · 24-11-2009 10:37 AM

المشاركة الأصلية كتبت بواسطة melmegharbel

سيارتى مازدا 323 موديل 1999 عاملة 148 ألف، العربية بتستهلك بنزين كتير وبدخن دخان أسود وساعات بشم ريحة دخان فى الصالون، عملت تنظيف للإنجكشن الريحة قلت بس ما إنتهتش ولسه الإستهلاك عالى، ممكن يكون العيب من إيه.
أنا عارف إن مازدا وفورد واحد.

منور الحتة بتاعتنا يا باشا
انا الي قابلتك عند الاسطى مدحت
بعد ما خلص عندي الدخانة السودة راحت خالص الحمد لله و ظهرت دخانة بيضة كبيـــــــرة هههه
عموما عندك نظف باقي المنظومة و راجع على حساس الشكمان و حساس الماف

الموضوع: انت تسأل وقطب يجيب

LinkBack

أدوات الموضوع

عرض

-

-

-

-

-

المواضيع المتشابهه

تسأل حول اوبترا هتشباك....برجاء المساعدة للاهمية

انت تسأل وإستشاري منتدى متسوبيشي يجيب (2)

إسأل مجرب ولا تسأل طبيب

أنت تسأل وإسـتـشـارى منتدى متسوبيشى يجيب

الكلمات الدلالية لهذا الموضوع

المفضلات

المفضلات

ضوابط المشاركة