http://www2.0zz0.com/2007/11/19/01/14698265.jpg
عرض للطباعة
كلام صح جدا
ومحدش يقدر يقول غير كدة
اشاعات ولا تحاليل :wink:
الفساد فى كل مكان ، واهم اسبابة عدم التقى والخوف من الله ! والاهم للقضاء عليه - ان نراع الله فى اعمالنا ، ولن يختفى الفساد بصفة عامة من العالم !!!! اما انكارة فهو الفساد بعينة !!!!!!!!!!!!!!!!!!!!!!
طول ما الحكومه السيحسيه موجوده طول ما الفساد عامل زي الفيروس وان شاء الله هنعدي دول جنبنا
الحمد لله اطمنت على البلد اخش انام بقى :-)
تصبح علي الخير :Dاقتباس:
الحمد لله اطمنت على البلد اخش انام بقى
=========================
فعلا يا جماعة البلد مفيهاش فساد نهائي بجد
يعني الحمد لله
1-المواصلات رائعة و متوفرة و مريحة لدرجة انا أقاربي باعوا عربياتهم من جمال المواصلات
2-الحياة السياسية مستقرة و الاحزاب بتمارس نشاطاتها و محدش بيشتكي من الحرية
3-الحكومة الحمد لله الشعب معاها علي الحلوة و المرة لدرجة ان مفيش لا جرايد معارضة ولا أحزاب معارضة
4-احنا في ازهي عصور الديموقراطية لدرجة ان الاخوان و المعارضة لا يظهرون علي الساحة و كمان الحكومة عملالهم مساكن بعيدة يقعدوا فيها لوحدهم علشان يتأملوا و ياخدوا راحتهم و كمان فيه مجموعة مختارة من العساكر بتخدمهم جامد و متوصية بيهم علي الاخر
5-الاسعار في انخفاض مخيف و الاغنية بيشتكوا من ان الفقراء بيقلوا اوي و بينافسوهم علي العقارات و الشركات
6-مفيش وساطة ولا محسوبية لدرجة ان كل أولاد الضباط مش بيطلعوا ضباط ولا اولاد المستشارين بيطلعو مستشارين ولا اولاد الدكاترة بيطلعوا الأوائل علي الدفعة
7-سرعة الاجرائات القانونية و اجتهاد الموظفين الفظيع ..الموظف من دول لو حس انك عايز تديله رشوة يبلغ عنك بنفسه علي طول
8-الشرطة طبعا في خدمة الشعب.....و المعاملة الرقيقة الناعمة لكل من يدخل قسم البوليس لدرجة ان الظباط بيصعبوا عليا من تنطيط الشعب عليهم
9-المدارس متلونة و الفصل فيه 15 تلميذ و بيدرسوا كل المواد بالكمبيوتر و بيلعبوا انشطة مفيدة جدا
10-الرياضة في مصر أكثر من رائعة و مثال علي كده فوز مصر بكأس العالم لعام 9999
11-حرية الصحافة لدرجة ان الصحافيين بيطبلطجوا علي الرؤساء و رجال الأعمال و محدش عارف يكلمهم
12-يعني من الاخر العيش و العيشة و العايشنها حاجة فلة
.................................................. ...........
كان معكم أحمد من الولايات المتحدة المصرية :-)
:eek: :eek: :eek: :eek:
اصبرو على رزقكم
الحكومة هتشيل الدعم .. و ده كلامهم
عاوزين الدعم يصل لمستحقيه فقط
و اتفرج على اللي هيحصل للاسعار
فعلا مفيش فساد
لان كلمة فساد لا تعبر عن الوضع
ومش حقدر أكمل لحسن العضوية تتلغى ...
طبعا ما فيش فساد..طب ده انا ديك النهار وقفني أمين شرطة علشان يتأكد من الحزام..فقام لقى الحزام مش مربوط كويس..قالي مخالفة..قمت طلعت 20 جند اديهاله..قالي ايه ده...قلت ده كل إللي معي..قال لي عيب يا استاذ كده ما يصحش وقام اداني هو 50 جند وقالي خد اشتري بطيخة للعيال
فساد ؟؟!!
و في مصر؟؟!!
محدش قال لي إن فيه فساد في مصرو العياذ بالله
أنا مش عارف بس أنتوا بتجيبوا الإشاعات دي منين ؟؟!!
لو نيـــــــــــــل مصر صلصة ميكفيش كوســــــــــــــــــــــ ـة مصر
دي مقولة العاطلين المشهورة :D :D :Dاقتباس:
لو نيـــــــــــــل مصر صلصة ميكفيش كوســــــــــــــــــــــ ـة مصر
لو نيـــــــــــــل مصر صلصة ميكفيش كوســــــــــــــــــــــ ـة مصر( اقتباس )
نعم هناك فساد وفساد للركب بس مش لدرجة اننا جميعاً فاسدين يا جماعة نحن من مصر وكل من يكتب بالمنتدى مصرى الجنسية وجميعنا نتكلم عن الفساد ولا يعجبنا الفساد وننتقدة ونرفضة ولكن السنا فى النهاية مصريين ومنا من يتقى الله فى عملة وفى كل شىء ! نعم منا الكثير والكثير جداً مازالو بخير وضمائرهم يقظة واقسم لكم بالله ان الفساد فى كل مكان حتى فى امريكا بها فساد، ولو كانت انتخابات الرئاسة عندنا فاز بها رئيس بفارق 352 صوتاً لقلنا انها كوسة !
كفانا جلد لانفسنا ودعونا نصلح من انفسنا واهالينا فنحن فى النهاية مصريين !!!!!!!!!!!!!!!!!11111111111
البلد زى الفل و بلاش نتكلم فى الموضوع ده لحسن أمن الدوله تاخد خبر :? :? :? :?
+100000000000 :? :? :? :? :? :? :? :? :? :? :? :? :? :? :?اقتباس:
المشاركة الأصلية كتبت بواسطة oshy
السكوت من ذهب و إلا :shock: :shock: :shock:
يا جماعة بطلوا تروجوا اشاعات بقى
احنا بلدنا زى الفل
وبعدين يشيلو الدعم ولا مايشلهوش خلاص احنا مش محتاجينة
احنا عايشين فى رخاء وازدهار و ؟؟؟؟؟؟؟؟ و ؟؟؟؟؟؟؟؟؟؟؟ و؟؟؟؟؟؟؟؟؟؟ :neutral:
مصر ام الدنيا ومصر من اغنى الدول
بثرواتها وباهلها الطيبين وبعلمائها وارضها الطيبه
وبنيلها الاصيل وحضارتها العريقه الشامخه
لكن المشكله فينا احنا جيل المفسدين
احنا اللى رضينا بالفساد لما بقت جذوره مكلبشه فى جسمنا
وطاطينا راسنا للصوص يتحكموا فى ارضنا
وان قلنا كفايه ياخونه تمصوا فى دمنا
تلاقى حته عسكرى بشومه يردنا نجرى ونهرب بين اهلنا
والاهل علينا يخافوا من سجون الظالمه
يبقى النتيجه ان هانفضل فى الدائره المظلمه
لكن لامتى يامصرى هنرضى بالعبوديه الظالمه
وغيرنا اللى كنا بنقول عليهم شويه باديه
سبقونا وركبواالقاطره والقمح بقى لينا منهم صادره
مع ان ارضنا بالقمح كانت مثمره وبالخير معمره
دلوقت عايشين على فتات امريكا الفاجره
بشويه قمح مزروعين فى اراضى مشعه ومسرطنه
وبيهم بيمنوا علينا وفينا بيتحكموا
لامتى يامصرى هنرضى بالذل والهاويه
والله لولا ان الواحد أخلاقة لا تسمح كان قاتل كلمة وحشة
ربنا يكون فى عونا
طب كويس اصل كنت فاكر غير كده