المشاركة الأصلية كتبت بواسطة CryptonX
ياجماعة .. نصيحة اخوية .. انا بتعامل مع اوماترا من 2006 و اول واحد يستلم سيارة فيات باليو في مصر في 2006 من اوماترا .
و علي مر السنين ,, و مدى القرف الي شفته في الاول و الي اتحسنوا فيه كتير بصراحة خلال السنة الي فاتت .
متسمعوش كلام بتوع المبيعات من اصغرهم لاكبرهم .. لان الموضوع ماشي بالصدفة عندهم !
انا في معرض اوتماك و لا الاهرام مش فاكر اسمه ايه .. بسال واحد شكله مسؤول كبير كدة و واقف عمال يوجه .. بقوله حتعمله ايه في مصنع فيات الي في الصين ده حيقفل خلاص ( ده خبر نشر ساعتها في كل مجلات السيارات العالمية ) .. قالي لآ لآلآ مين قالك كدة ؟ المصنع ماشي و كله تمام .. و طبعا قفل المصنع تماما الان و كل موديلات الباليو و السيينا الصيني موديلات قديمة و بواقي !
جات الفيات 500 .. سالت حتنزل امتى ؟ اترد عليا انها مش حتنزل اصلا علشان مش حيكون عليها اقبال في مصر .. بعد 3 شهور نزلت !
جت اللينيا التربو .. سالت في التوكيل .. ياجماعة منزلتوش التربو ليه ! الناس كلها بتشتكي من محرك ال 77 حصان .
رد عليا احد العاملين بفرع وزارة الزراعة ده ولا شارع الزراعة ..
قالي انهم سمعوا عنها بس مفيش اي معلومات لسة عنها ! قفلت معاه اتصلت بمعرض موزع لفيات ! قالي انها موجودة و تمنها كمان !!
فمتضيعوش وقتكم بصراحة مع المبيعات الا اذا كان مدير او رئيس كبير في اوماترا غير كدة كله اي كلام في اي كلام .