حسبى الله ونعم الوكيل فى الى دخل الموتسيكلات والتكاتك الصينى مصر
حسبى الله ونعم الوكيل
فى الى دخل التكاتك والموتسيكلات الصينى مصر
انا من شويه واحد بتاع موتوسيكل صينى داخل فيا وانا واقف
داخل شارع فى تقاطع شارع فاضى و خارجه منه عربيه وعاطى الاشاره وبتاع العربيه كمان وقف لحد ما ادخل يعنى براحتنا الشارع فاضى وانا داخل الشارع ومعايا 3 فى العربيه لقيت واحد جاى على اعلى سرعه وداخل فى العربيه يعنى مش شايف نور العربيه ولا الاشاره ولا العربيه الى خارجه ولا عارف يلم نفسه فى باقى الشارع الشارع كبير بوظلى كبوت العربيه و الاكصدام كله
انا تقريبا كنت واقف لانى داخل الملف تخيلوا لو كنت ماشى شويه كان ايه الى حصله مش كان مات وارتحنا
نزل رجله بتوجعه و بيمثل وطبعا الكل غلطه بس هو عايش فى دور المكسح ورجلى وانا طبيب وبفهم فى شغل العظام وشفته مفيش فيه اى حاجه و شغل تمثيل وقرف
ومشيت رحت عشان اسمكر واهى العمليه هتدخل فى 600 او 700 جنيه ان ما زادتش
اتحمل انا كده ليه بدون ذنب
قدر الله وماشاء فعل والحمد لله على كل شىء
بس الحياه فى مصر بقت لا تطاق
السواقه بقت اشبه بمعركه وطول الوقت الواحد قاعد يتفادى فى خطا توكتوك بيهرج او واحد ماشى بيدلع او واحد مش فارقه معاه
وبتوع الموتسيكلات الى بيبقوا طايرين تخيلوا لما ابقى راكب العربيه وسايق على الطريق وبعدى مطب وانا نازل من المطب الاقى الموتسيكل بيشد معايا
الواحد زهق وكره البلد والناس الى فى البلد
لو جت الفرصه والله منا قاعد ولا راجع تانى
حسبى الله ونعم الوكيل