:ask:
عرض للطباعة
جرب مع حماية المستهلك وسيبك من كلامهم فى التوكيل واتمسك بحقك
اصل التوكيل لازم يقول كدة علشان تستسلم للأمر الواقع
أنا شايف ان ده عيب غير قابل للتصليح
وكمان مش ذنبك انك تدفع تمن استهلاك العربية بعد سنة واحدة بس
هو لو واحد اشترى قطعة ملابس من محل معين وطلع فيها عيب (كش مثلا أو الألوان بهتت) هايدفعة ثمن لبسه في الكام مرة دي وبعد كده يبقوا يغيروه !!!!!!:majd(4)::_Alshmokh08[1]::_Alshmokh08[1]::_Alshmokh08[1]:
ربنا معاك يا دكتور, هو الموضوع بايخ فعلا بس احنا لازم نحط كل الاحتمالات بمعنى نفترض اننا فشلنا مع جهاز حماية المستهلك ( اللى متهيألى انه هياخد فترة طويلة عقبال ميوصل لنتيجة ) وهنسلم بسياسة الاستبدال يبقى السؤال: هتعمل كام السنة الاستهلاك ديه؟ وهل يمكن استبدالها بموديل تانى؟أو بانتاج مختلف 2009 مثلا؟وهل يمكن استلام فرق الفلوس (ومش عايزين حاجة من وشهم)؟
عليك و على جهاز حماية المستهلك - و لا تفرط فى حقك
لازم يتعلموا يعملوا الصح بالزوق و ان ماكانش يبقى بالعافيه ..
ده كلام بيقوله بس علشان يكتفوك ويمتصوا تفكيرك , عيب الصناعة واضح وصريح وهياثر عليك بالسلب لما تحب تبيع وعمره ما هيتعالج
نصيحة منى اتمسك بحقك ومتسبوش هم بس فالحين يجنوا الارباح والمكاسب وساعة الحق يفتح الله
ولو حضرتك تعرف صحفى فى اى جريدة يبقى خير وبركة اديله الصور والورق اللى يثبت انك مالك العربية و تقرير
التوكيل , لو متعرفش اطلع بورقك على اى جرنال معارضة :: المصرى اليوم , اليوم السابع , الوفد :: وهما اكيد
هيهتموا لانه موضوع كامل متكامل جى لحد عندهم
ولما تقدم شكوى فى حماية المستهلك فهمهم ان حتى لو العيب هيتصلح هياثر عليك بعد كده لو حبيت تبيع ومحدش
هيعوضك وانك خايف للبارومة تظهر بعد كده فى اى حتة تانية والعربية تبقى مصفة
انا مش بسخنك عليها لكن ده حقك وفلوسك وتعبك وانا لو مكانك هعمل كده ومش هسيب حقى
هما معتمدين انهم الاقوى والمستهلك هو الضعيف علشان كده بيضغطوا عليك للاصلاح وخلاص
وكمان العيار اللى ميصبش يدوش بمعنى ان الشركة رفضت الاستبدال بدون دفع فرق
القلق اللى انت هتعمله لهم ممكن يخليهم يقللوا المبلغ او دفع تعويض
واخيرا لا ضاع حق وراءه مطالب , وربنا يكرمك ويوفقك
السلام عليكم،
أنا رأي حضرتك تشوف الأول المبلغ اللي عايزين يدفعهولك مقابل السنة دي هيطلع كام؟ لو لحد 5 ألالاف تبقى صفقة رابحة لانك هتاخد عربية موديل 2010.
وحاول تحلها بالطرق الودية طالما هما تجاوبوا معاك، خلي حماية المستهلك هو أخر حلولك ياريت لانهم بياخدو وقت طويل جدا.ولذلك خليهم أخر حلولك.