بارومة .. في الفيفا 2008

**A_Gamaledeen** · 10-11-2009 09:07 AM

المشاركة الأصلية كتبت بواسطة tweety26980

حماية المستهلك

تحياتي

**A_Gamaledeen** · 10-11-2009 09:13 AM

المشاركة الأصلية كتبت بواسطة maka

اطلع عدل على حماية المستهلك واعمل شكوى ومتسبش حقك , يعنى ايه عربية فيها سوء صناعة و عاوزينك كمان تدفع

جهاز حمايه المستهلك

ناس في التوكيل قالوا لي:حماية المستهلك هتبعت لنا الشكوى وطالما عندنا إمكانية تصليح العيب مش هيكون فيه حل تاني.

**A_Gamaledeen** · 10-11-2009 09:18 AM

المشاركة الأصلية كتبت بواسطة mada121977

مش ممكن !! عربيه 2008 ويظهر فيها بارومه بالشكل ده
فين الاخ اللى بيشكر فى غبور فى كل مشاركه له ييجى يتفرج ولا ممكن يقولك ده سوء استخدام من مالك العربيه .. كان الله فى العون يا اخى الفاضل ومتسكتش على حقك

أشكرك يا أخ أحمد,المهم حتى لو رضيت بالإصلاح وحبيت أبيع العربية,هاخد ذنب شاريها الجديد

**A_Gamaledeen** · 10-11-2009 09:24 AM

المشاركة الأصلية كتبت بواسطة dr_smart

ده عيب صناعه واضح جدا يا ريت حضرتك تعمل شكوى في حماية المستهلك

لأن موضوع المرمات ده معتقدش انه هيكون الحل بالعكس

وربنا معاك ان شاء الله

تصدق حضرتك إنهم في التوكيل بيحاولوا يقنعوني بإنها بسيطة ..مش عارف أنهي عيب عندهم غير ده اللي بيغيروا العربية علشانوه

**hdabawy** · 10-11-2009 10:47 AM

جرب مع حماية المستهلك وسيبك من كلامهم فى التوكيل واتمسك بحقك
اصل التوكيل لازم يقول كدة علشان تستسلم للأمر الواقع

**M.Gamaledeen** · 10-11-2009 02:05 PM

المشاركة الأصلية كتبت بواسطة A_Gamaledeen

ناس في التوكيل قالوا لي:حماية المستهلك هتبعت لنا الشكوى وطالما عندنا إمكانية تصليح العيب مش هيكون فيه حل تاني.

أنا شايف ان ده عيب غير قابل للتصليح
وكمان مش ذنبك انك تدفع تمن استهلاك العربية بعد سنة واحدة بس

هو لو واحد اشترى قطعة ملابس من محل معين وطلع فيها عيب (كش مثلا أو الألوان بهتت) هايدفعة ثمن لبسه في الكام مرة دي وبعد كده يبقوا يغيروه !!!!!!

**wael_adel31** · 10-11-2009 02:49 PM

ربنا معاك يا دكتور, هو الموضوع بايخ فعلا بس احنا لازم نحط كل الاحتمالات بمعنى نفترض اننا فشلنا مع جهاز حماية المستهلك ( اللى متهيألى انه هياخد فترة طويلة عقبال ميوصل لنتيجة ) وهنسلم بسياسة الاستبدال يبقى السؤال: هتعمل كام السنة الاستهلاك ديه؟ وهل يمكن استبدالها بموديل تانى؟أو بانتاج مختلف 2009 مثلا؟وهل يمكن استلام فرق الفلوس (ومش عايزين حاجة من وشهم)؟

**El Prince** · 10-11-2009 03:15 PM

عليك و على جهاز حماية المستهلك - و لا تفرط فى حقك
لازم يتعلموا يعملوا الصح بالزوق و ان ماكانش يبقى بالعافيه ..

**maka** · 10-11-2009 05:41 PM

المشاركة الأصلية كتبت بواسطة a_gamaledeen

تصدق حضرتك إنهم في التوكيل بيحاولوا يقنعوني بإنها بسيطة ..مش عارف أنهي عيب عندهم غير ده اللي بيغيروا العربية علشانوه

ده كلام بيقوله بس علشان يكتفوك ويمتصوا تفكيرك , عيب الصناعة واضح وصريح وهياثر عليك بالسلب لما تحب تبيع وعمره ما هيتعالج

نصيحة منى اتمسك بحقك ومتسبوش هم بس فالحين يجنوا الارباح والمكاسب وساعة الحق يفتح الله

ولو حضرتك تعرف صحفى فى اى جريدة يبقى خير وبركة اديله الصور والورق اللى يثبت انك مالك العربية و تقرير

التوكيل , لو متعرفش اطلع بورقك على اى جرنال معارضة :: المصرى اليوم , اليوم السابع , الوفد :: وهما اكيد

هيهتموا لانه موضوع كامل متكامل جى لحد عندهم

ولما تقدم شكوى فى حماية المستهلك فهمهم ان حتى لو العيب هيتصلح هياثر عليك بعد كده لو حبيت تبيع ومحدش

هيعوضك وانك خايف للبارومة تظهر بعد كده فى اى حتة تانية والعربية تبقى مصفة

انا مش بسخنك عليها لكن ده حقك وفلوسك وتعبك وانا لو مكانك هعمل كده ومش هسيب حقى

هما معتمدين انهم الاقوى والمستهلك هو الضعيف علشان كده بيضغطوا عليك للاصلاح وخلاص

وكمان العيار اللى ميصبش يدوش بمعنى ان الشركة رفضت الاستبدال بدون دفع فرق

القلق اللى انت هتعمله لهم ممكن يخليهم يقللوا المبلغ او دفع تعويض

واخيرا لا ضاع حق وراءه مطالب , وربنا يكرمك ويوفقك

**r0xer** · 10-11-2009 11:43 PM

السلام عليكم،

أنا رأي حضرتك تشوف الأول المبلغ اللي عايزين يدفعهولك مقابل السنة دي هيطلع كام؟ لو لحد 5 ألالاف تبقى صفقة رابحة لانك هتاخد عربية موديل 2010.

وحاول تحلها بالطرق الودية طالما هما تجاوبوا معاك، خلي حماية المستهلك هو أخر حلولك ياريت لانهم بياخدو وقت طويل جدا.ولذلك خليهم أخر حلولك.