الموضوع: الفرح باظ بسبب مخالفه مرور

انا شايف ان الظابط غلطان
ايه يعنى وقف صف تانى
مش دفع المخالفة على الج........
فية اية بقى
دا اكيد ظابط ......
انا عن نفسى لما ظابط يكتر معايا فى الكلام و انا شايف انى مش غلطان بقولة المخالفة
اتفضل
مالوش غير كده
شكرا

المشاركة الأصلية كتبت بواسطة mahamedaraby

مش عارف اقول ايه

ماهو الصح فى البلد دى مش صح

لو كنا فى بلد تانيه كنت قولت برفوا لامين الشرطه ده ويستاهل وسام ولازم حقه يجى ونحفظله كرمته وده بيعمل شغله ولما الشارع يقف هنكلمه هو والكلام الحلو ده

لكن المشكله اننا فى مصر

واللى للاسف لو ده ظابط او هيئه قضائيه اى حاجه من دى يعنى

كان قاله امين الشرطه الف مبروك ياباشا وكان وقفله الشارع لحد مايتصور ويخلص كمان

فعشان كده الصح فى بلدنا مش دايما هو الصح

+ 100 100

اللى يقف صف تانى ويعمل نفسه شاطر ويقل أدبه يستاهل أكتر من كده
وأساسا موكب الفرح دا مخالفة لوحده
يعنى شوية مخالفات راكبة بعضها وبرضه نعامل بقلة أدب
أنا المرة دى مع الشرطة اللى لازم تحترم بالعافية لو مش بالذوق وإلا نلغى الدولة ونقعد فى الغابة أحسن.

الخبر ده دايقني بشدة لسببين :
- الضابط الي في الموضوع ده أعرفه شخصياً ، وهو محترم جداً وأنا مش مصدق إنه يقول كلام زي ده ، وكمان في الدستور وهما جايبين الخبر بيقولوا إن الضابط ضرب العروسة بالقلم -واسعة أوي دي-
فغالباً حد قل أدبه جامد أو مد إيده على الظابط عشان يتحول بالطريقة دي

- تاني حاجة العروسة والعريس صعبانين عليا أوي ، دي ليلة فرحهم يقضوها في القسم ، أكيد حد من الي كان معاهم حب يتشملل على الظابط فبوظلهم الفرح

المشاركة الأصلية كتبت بواسطة abdo_eldesokey

الخبر ده دايقني بشدة لسببين :
- الضابط الي في الموضوع ده أعرفه شخصياً ، وهو محترم جداً وأنا مش مصدق إنه يقول كلام زي ده ، وكمان في الدستور وهما جايبين الخبر بيقولوا إن الضابط ضرب العروسة بالقلم -واسعة أوي دي-
فغالباً حد قل أدبه جامد أو مد إيده على الظابط عشان يتحول بالطريقة دي

- تاني حاجة العروسة والعريس صعبانين عليا أوي ، دي ليلة فرحهم يقضوها في القسم ، أكيد حد من الي كان معاهم حب يتشملل على الظابط فبوظلهم الفرح

انا بما أني جارك ومعاك في نفس الشارع
فانا ايضا اعرف الظابط معرفة من بعيد
وكل تجاربي معاه سيئة ومع اللي اعرفهم
فهو ممكن على المستوى الشخصي او تعامل اصحاب يبقى عادي ماهو صحبك
اما على مستوى التعامل معا الناس في الشارع فهو مش جيد بالمره
وعلى فكره انا اعرف اقارب له وفي الشرطة ايضا وهما نفسهم مش عاجبهم اللي عمله

هو انا متأكد ان الموضوع مش زي ما بيتحكي لأن الشعب بتاعنا عاطفي جدا ومش هيطلع العريس والعروسة وحشين ولكن أنا متاكد ان التعنت كان من الجانبين ده شئ أكيد

وبعدين مروريا المفروض الاوامر بتاعتهم بتقول انك لما توقف زفة متوقفشي عربية العريس والعروسة وقف اخر عربيه فيها
والظابط لو كان عاوز ياخد حق المرور كان اخده بدون ان يتعرض او يتحدث مع أحد

انا مش عارف ليه العسكري او امين الشرطة او الظابط أساسا بيدخل في حوار مع الناس
المفروض شاف غلط يكتب مخالفة وخلص الموضوع
لأ
تلاقي الامين راح يكلم الراجل ويشد معاه في الكلام وانت عملت وسويت وده كله أظن انه علشان السبوبة
المفروض ان الداخلية تعطي اوامر صارمة بان مفيش حد يتكلم مع احد في المخالفة
فيه مخالفة اكتبها واعمل اللي انت عاوزه اما تدخل معاه في حوارات مالهاش لازمة لأ

فعلا الظابط ده بيحب يغلس على الناس حتى قرايب الظباط أصحابه ..!!
هو معروف في المنصورة و كان بيقف ناحية كوبري طلخا كده و هو أبيضاني و رفيع كده و مشهور بإسم تاني غير اللي اتكتب هنا م-ص

و أكرر لو ظابط ملو هدومه و محترم عمر الموضوع كان هايوصل لكده ..لكن فعلا كل اللي يعرفه بيميل لتغليطه