تغير الزيت
عرض للطباعة
تغير الزيت
طيب سؤال يا جماعة .. هو تغير الزيت بتاع الفرامل بيتم ازاي ؟؟ ممكن احنا نعمله بنفسانا ولا لازم ميكانيكي ؟؟
وأنت بتغير التيل
خللى الميكانيكى يغيرهولك
وياخد الهواء من مساتر الفرد الأربعه
قبل ما نجاوب على سؤال "نغير ولا لا" نقول الاول تاثير الزمن على الزيت
زيت الفرامل عندة شرة لامتصاص الرطوبة من الجو... حتى حتلاقى على علبة زيت الباكم انك متستعملش زيت من علبة كانت متسابة مفتوحة مدة
طيب ايه القضية فى كدة؟؟؟
زيت الفرامل له درجة غليان و كل ما بيمتص رطوبة درجة الغليلن دى بتقل و بالتالى بيبقى عرضة اكتر للغليان مع مرور الوقت
لاحظوا كمان اننا بنتكلم فى نسب قليلة جدا من الرطوبة بس ليها تاثير كبير على حرارة الغليان زى ما هو موضح فى الرسم البيانى
http://www.aa1car.com/library/bfluid.gif
ماشى برضة فين المشكلة؟؟
المشكلة فا حاجتين... اولا لو الزيت غلى حيطلع فقاقيع هوا... يعنى حيتولد جوة دايرة الفامل بتاعتك هوا نتيجة الغليان و كلنا عارفين التاثير السلبى لوجود هوا فى الفرامل... حتلاقى الدواسة زى السفنجة و العربية متفرملش لان الهوا زية زى اى غاز بيبقى قابل للانظغاط بالتالى لما تكبس فرامل جزء كبير من قوة الفرملة حيروح فى ضغط الهوا اللى جوة الدايرة بدل ما يضغط على مكابس الفرامل و بالتالى التاثير على تيل الفرامل و اجبارة على الاحتكاك بالطنابير
المشكلة التانية ان الرطوبة فى الاساس ميه... و المية بتسبب الصداء... الموضوع مش فارق اوى لو عربيتك مفيهاش ABS... لكن لو فيها ممكن ترسبات الصداء تعمل مشكلة مع بلوف نظام الABS و تسبب انسداد يعوق عمل النظام
اذا من هنا نكتشف ان زيت الفرامل كفائتة بتقل مع الوقت و يجب تغييرة دوريا... و يفضل لما تغير تجيب زيت DOT4 و دة له درجة غليان اعلى من DOT3 بالتالى بيديك امان اكتر
http://www.vacc.com.au/Portals/1/wor...0fluid%20b.JPG
MMamdouh
طيب السؤال بيتغير ازاي عشان ابقى عارف الميكانيكى شغال صح ولا لا
فك خزنة الباكم و ادلق محتواياتها
املا زيت جديد بعد ما تركبها
افتح لاكور الهوا من كل عجلة بالترتيب و افضل فاتحة لحد ما الزيت ينزل صافى (الزيت القديم بيبقى غامق)
MMamdouh
يعنى نفهم من المعلومات الممتازة اللى فى الموضوع ان الزيت لو غلى وباظ لو الواحد جه يدوس على الدواسة الفرامل بتهرب ؟؟
طاب ازاى نفرق بين مستر عمومى بايظ او الزيت اتمله رطوبة وهواء ؟؟
حتغير الزيت وتاخد هواء الفرد الأربعه
أنظبط الحال يبقى العيب من الزيت
طيب لو لسه الأمور مش مظبوطه
يبقى أيه السبب ..........؟
الماستر العمومى مثلا
اصل انا الماستر لما باظ عندى قبل العيد اخدت هواء وفضيت نص الزيت ومليته جديد اتحسن وبقى كويس وقبل ما
يبوض منى على طول كنت طول الطريق -120 كم - بفرمل واخدت فرملتين او 3 جامدين
وقبل ما اغيره بعد العيد عملت 3 مشاوير بيها ومسبتش منى , رغم ان الميكانيكى قالى ده عيب مستر ومكنش فى الدورة اى هواء
وده اقتباس من الموضوع اللى كنت عامله
http://www.nilemotors.net/Nile/95868-a.htmlاقتباس:
اخيرا عاوز اتناقش معاكوا فى كام نقطة وهسرد شوية معلومات :
1- العربية عاملة تقريبا 80250 و مشيت النهاردة مسافة 120 كم قبل ما الفرامل تهرب
2- كبست فرامل 3 مرات جامد من سرعات 120 و 80 و 40 والحمد الله الفرامل كنت ممتازة
3- عند اخر منزل كوبرى العجوزة كنت محمل رجلى حاجة بسيطة لقيت الفرامل بتاخد رجلى وتنزل
4 - طفيت التكيف و كاركت لقيت الفرامل نشفت
5- شغلت التكييف تانى ومشيت حوالى 2كم لقيتها سابت تانى
6- كررت الخطوة 4 مع اطفاء التكييف نهائى و الفرامل مسبتش تانى بعد اطفاء التكييف
7- التكيف شغال اخر 60 كم
عاوز اعرف مش الكيلومترات دى قليلة على تغيير الماستر , وليه الفرامل مسبتش غير مع التكييف