السلام عليكم...
من الآخر..
عندى جراج ونازل مستعجل عشان مشوار مهم جدا ولقيت عربية واقفة ومتعشقة قدام الجراج بالضبط... سألت عن صاحبها ولم أجده.. ولازم أمشى فوراً...
أعمل إيه بقى ؟؟؟؟
هقول لكم عملت إيه بس أعرف أفكاركم الأول...
عرض للطباعة
السلام عليكم...
من الآخر..
عندى جراج ونازل مستعجل عشان مشوار مهم جدا ولقيت عربية واقفة ومتعشقة قدام الجراج بالضبط... سألت عن صاحبها ولم أجده.. ولازم أمشى فوراً...
أعمل إيه بقى ؟؟؟؟
هقول لكم عملت إيه بس أعرف أفكاركم الأول...
لو مفيش طريقه انها تتزق قدام او ورا لو فى مكان فاضى (حتى لو معشقه 2 يرفعو العربيه من ورا من الناحيه اللى فرامل اليد ماسكه فيها و يزقو)
غير كده اخد تاكسى بس بعد منيمله عجله عشان يحرم يقفل على الناس
أسيب له ورقه مكتوب فيها كلام زى الزفت على زجاج العربيه
أو أستنى ليوم يكون راكن فى الشارع و أركن وراه
بص بقى الموضوع ده بعانى منه كتير برده لأنى عندى جراج شخصى و كتير حصلت معايا المواضيع دى ,,,,, و هاقولك عملت ايه فى كل مره بطريقه شكل :
-مره رجعت لقيت عربيه واقفه قدام الجراج ........... رحت علشان اجيب ونش المرور من اول الشارع مالاقتوش , قمت رايح القسم جابولى بوكس و ربطوا العربيه و واخدينها ,,,, بعد شويه جه صاحبها و قعد فى القسم 5 ساعات علشان ياخدها و ماشوفتوش فى الشارع كله بعد كده (و طبعا كل ده مش لله , بس علشان ساكن معانا سفير و قلتلهم الجراج بتاعه هههههه)
- من كام يوم سمعت صوت حد بيخبط فى باب الجراج قلت شويه و انزل ابص مين بيعمل كده , لقيت عربيه واقفه و مدخله بوزها فى الباب و ماحدش يعرف يدخل او يخرج ..... المهم رحت جايب 2 معايا و شلنا العربيه و حططها فى نص الشارع و قعدت مستنى صاحب العربيه علشان يتربى شويه ,,,, المهم فات ساعتين و ماجاش رحت مسمى و جايب اول كاوتشه على الأرض ..... و بعدين دخلت على اساس شويه و اسمى و اجيب الكاوتشه التنايه بس لقيت واحده و مامتها جايين فقولت خلاص بقه كفايه عليهم كده ,,, و ان العربيه تدور مابدرش .... بعد ما زقناها اكتشفت انها اوتوماتيك .... ان ما تدور مابتدرش و كل ده مش واخدين بالهم من الكاوتش ..... شويه و العربيه دارت و مشيوا و طبعا ماحسوش بموضوع الكاوتش ده ( واحده اللى سايه و عادى مش هاتحس بأى حاجه )
- كان فيه رتبه ساكنه قدامنا و كتافها تقيله اوى اوى و كان غاوى يركن عربيته قدام الجراج برده و ماحرمش الا بعد لما كانوا الأربع فرد على الأرض هههههههههه و من ساعتها بطل يركنها كده .
- الحمد لله الشارع كله عارف انى مايهمنيش و بفسى الكاوتش على طوول فماحدش بيقف الا الغريب عن المنطقه و ده بصبر عليه و اديله كلمتين محترمين الا لو اتأخر قوى و مش هامه اللى هو حابسه جوه الجراج او بره الجراج و مش عارف يدخل .
a7'ook
Sherif
مافيش حل انك تزق العربية
وبعدين تفسى الاربع فرد كاوتش علشان مايتحركش على ما انت ترجع
تحاول بمساعدة اخرين ان تزقها لنص الشارع وتتركها --اللى جاى واللى رايح يخبط فيها-
الحقيقة موضوع زقها لنص الشارع ده مقدرش أعمله علشان حرام وضع الأذى فى الطريق ، ثانيا أنا اتعلمت أن أى حاجة وحشة هعملها فى عربية غيرى من خربشة أو تهوية الكاوتش وخلافه لازم ألاقى جزاتها فى عربيتى ، لاااازم يعنى لازم بدون استثناء لحد ماحرمت أعاقب السيارات اللى بتغيظنى....
بخصوص زق العربية مع رفعها طبعا بهدلة ما بعدها بهدلة لكنه حل يستلزم وجود شباب أشداء معديين فى نفس اللحظة..وفعلا اضطريت له أكتر من مرة
لكن كان فيه أكتر من مرة اتصرفت تصرف جديد جدا..
ايه هو يا دكتور علشان الواحد يستفيد و يعمله لو عجبنىاقتباس:
لكن كان فيه أكتر من مرة اتصرفت تصرف جديد جدا..
a7'ook
Sherif
أقولك أنا يا دكتور
الحل الأمثل إنك هاتقول حسبنا الله ونعم الوكيل وهتاخد تاكسي وتروح مشوارك وخلاص
إيه رأيك؟
والله يا أستاذ شريف هو بيعتمد على افتراض مابيجيش فى دماغنا فى الأول...اقتباس:
ايه هو يا دكتور علشان الواحد يستفيد و يعمله لو عجبنى
a7'ook
Sherif
مش العربية متعشقة ؟ ماشى .. ما انا لو فتحتها هفك التعشيق وازقها (أزقها بس.. وبعدين أقفلها تانى) ، وهذا ما حصل 3 مرات مع 3 عربيات موديلات تسعينات وتمانينات..... الزجاج غير محكم الغلق، توجد مساحة صغيرة لمرور السلك المشهور الذى يمكن أن أرفع بع المسوجر وأفتح العربية... آدى واحدة، التانية باستخدام بعض القوة استطعت فتح مسافة فى الزجاج تكفى لمرور ذراع بنت أختى (6 سنوات) والتى فتحت لى باب السيارة ، وفى التالتة العربية مكانتش مسوجرة أساسا....
كل مرة كنت باحرك العربية للمسافة اللى تطلعنى وأقفلها تانى وساعات كنت برجعها تانى لو لقيتنى زقيتها فى وضع يضيق الطريق ، وفى كل مرة كنت بانسى أسيب رسالة داخل السيارة لصاحبها المقرف...
وعلى فكرة أنا جربت أحط قالبين طوب أسمنت كبار من بتوع الأرصفة على جانبى فتحة الجراج... ولاد الحلال خدوهم رغم انهم كانوا تقال جدا..
وزرعت عمودين حديد برضه على حدود الجراج ، العربيات فرمتهم..
والله يا د.احمد حضرتك بتتصرف باحترام زيادة شوية مع ناس ما تستهلش الاحترام ده
انا اعرف واحد زرع عمودين حديد بالاسمنت وبينهم سلسلة وكهرب السلسلة ومن ساعتها مشافش اى عربية قدامه :D
ههههههههههههههههههههههههه هههههههه ايه يا عم دة هوا عايش فى جوانتنامو ولا ايهاقتباس:
المشاركة الأصلية كتبت بواسطة Midzy
بالنسبالى الحمدلله مش بعانى من الموضوع دة كتير لانى بركن قدام بيتنا ومفيش داعى للجراج وحتى لو حبيت اجرش مش هينفع لان الجراج صغير بس زمان كان عندى 127 توب وكنت بجرجها وحصل موقف زى دة كدة وطبعا لفيت على بيوت الشارع بيت بيت لحد ما جبته من قفاه وخليته يشيلها من امام الجراج ( الراجل اتحسر لما شاف ال 127 قالى كنت شيلتها وعديتها وخلاص ) .
مرة من المرات ركنت عند بيت واحد صاحبى وكنت طالع اجيب منه حاجات ونزلت لقيت فردتين كاوتش واخدين سكينتين محترمين ( اى والله ضربات سكين ) وطبعا معرفتش مين الى عمل كدة قمت مبلغ الشرطة وعملت فيلم كدة وخلص الموضوع وبرضة معرفتش مين الى عملها :(
فييييييييييييييييييييين ؟؟؟؟ ههههههههههههههههههههههههه هاقتباس:
مرة من المرات ركنت عند بيت واحد صاحبى وكنت طالع اجيب منه حاجات ونزلت لقيت فردتين كاوتش واخدين سكينتين محترمين ( اى والله ضربات سكين ) وطبعا معرفتش مين الى عمل كدة قمت مبلغ الشرطة وعملت فيلم كدة وخلص الموضوع وبرضة معرفتش مين الى عملها
يا راجل ده انا قلت انك هاتقول حل عبقرى ماحدش عمله قبل كده و لا هيعمله تانى ههههههههههههههاقتباس:
والله يا أستاذ شريف هو بيعتمد على افتراض مابيجيش فى دماغنا فى الأول...
مش العربية متعشقة ؟ ماشى .. ما انا لو فتحتها هفك التعشيق وازقها (أزقها بس.. وبعدين أقفلها تانى) ، وهذا ما حصل 3 مرات مع 3 عربيات موديلات تسعينات وتمانينات..... الزجاج غير محكم الغلق، توجد مساحة صغيرة لمرور السلك المشهور الذى يمكن أن أرفع بع المسوجر وأفتح العربية... آدى واحدة، التانية باستخدام بعض القوة استطعت فتح مسافة فى الزجاج تكفى لمرور ذراع بنت أختى (6 سنوات) والتى فتحت لى باب السيارة ، وفى التالتة العربية مكانتش مسوجرة أساسا....
ما هو ده الطبيعى يا دكتور ان الواحد يلف حوالين العربيه يشوف لو فيه باب مفتوح او قزاز يعرف يفتحه و بعد كده لو ملاقش و ده الطبيعى بيتصرف
a7'ook
Sherif
for sh_masry
حرام اللي انت بتقولة دة علي فكرة والحاجات اللي انت بتعملها
دي متتعملش غير مع حد قاصد يعمل معاك كدة لكن مع اي حد كدة
واحدة ومامتها ومرة تجيب الونش دة مع احترامي اسلوب مش بحبة
حراام اووي
مش معني كدة اني اركن امام جراج لا طبعا بس الوضع انك تحط في دماغك
انة ممكن يكون مش عارف او مخدش بالة او اي حاجة كدة
وحضرتك بتقول زقيت عربية البنت ومامتها في نصف الشرع وفسيت كاوتش
وكنت جتفسي التاني بس صعبت عليك :!:
واللي حرق دمي في رسالتك ان العربية كانت اتوماتيك يعني ممكن بزق حضرتك الجميل دة
وهيا معشقة علي ال p تجيبلها جير بوكس محترم ب 40 او 50 الف
وجتي لو كانت علي ال n وفي عربيات اتوماتيك كتير مش بيطع المفتاح علي ال n
زي عربيتي اللة يرحمها قبل ما تتسرق (الحمد للة )
وكمان حضرتك مش تقولها ان الكاوتش متفسي مثلا
لا مقولتش ومبسوط انها ست ومش فاهمة ومشيت بيها كدة وممكن تسافر بيها كدة مثلا
وتعمل حادثة ويبقي ذنبها في رقبة حضرتك
كل دة عشان تعلمها الادب
طب تعمل ايه لو انت اللي ركنت علي عربية تانية وسيبت العربية ممورة وجيت لقيتة راميهالك في نص الشارع وبوزها مخبوط !!؟
ما هو دة اللي انا بقولة
اللي متردهوش علي نفسك متردهوش علي غيرك
For mohamed el hussien
اولا ده جراج خاص و عليه عباره تسد عين الشمس جراج خاص ممنوع الوقوف
ثانيا : باين جدا انه جراج علشان جراج بجنينه فى فيلا يعنى مش محل او ما شابه .
ثالثا : فيه بلوكين طوب كبير علشان ماحدش يقف , دى بقا داخله بوش العربيه فى الباب ؟
رابعا و الأهم : افرض ان فيه حد تعب من عندى و لازم اوديه للدكتور او اى ان كانت الظروف اللى بتحصل و لازم الواحد ينزل فى التو و اللحظه ........ هندور على الأستاذ صاحب العربيه ؟؟؟؟؟؟
..... و لازم الناس تفوق قبل ما تغلط علشان الغلطان بيتحمل نتيجه غلطه ...............
مش هاستنى انا ساعتين وللا تلاته علشان صاحب العربيه يتكرم و يطلعنى من جراجى
a7'ook
Sherif
فعلا المجتمع المصري بقي فيه طناش مقترن ببلضجة علي تكبير دماغ علي متدقش
فيه ناس كتير بقت مبتفكرش في غيرها هيا بتفكر في اللي هيا عايزاه بس
انا شايف ان الناس ديه لازم تتعامل بقسوة بس احنا داخلين علي مرحلة تقريبا غالبية الناس كده يبقي هنتخانق مع كل الناس !!
لو عندك استطاعة تعفوا وتصفح وتكتفي بانك تفسيله 3 عجلات بس ماشي
لو مكانش يبقي عليك وعلي ونش النجده ( بجد فكره جامدة ) بس ابقي سلفني السفير بتاعكو يا شريف
معاك حق يا شريف طبعا. الغلطان يتحمل غلطه عشان انت عملت الى عليك و كاتب ممنوع الوقوف والناس برده بتقف .
هههههههههههههههههه ما مات يا خويا اول السنادى ههههههههههههه
بس علي فكره في ناس بتستهبل.....يعني احنا مثلا بتنا علي ناصيه و بركن العربيه قدام البيت و عربيه تانيه....يعني المفروض كل واحد يركن قدام بيته
و الجنب التاني عربيات الشارع التاني ركنه...مافيش اي مشاكل...
بس اجي الاقي كمان واحد راكن مكاني....و كمان ساكن جنبي و عارف ان ده مكاني يبقي بيستهبل
و قلتله كذا مره.... و برضه يجي يركن......
بس بصراحه ولا نيمت الكوتش ولا حاجه....شلنا الغطا بتاعه و رمنهاله جنب العربيه
والله عندكم بعض الحق والظاهر طلع معنديش خبرة..
عموما أنا فعلا كاتب أمام الجراج بخط كبير جدا وبالعربى والانجليزى وعلى الصاج وعلى لوحة تانية انه جراج خاص وممنوع الوقوف .. يبقى أعمل ايه تانى؟ اكتبها بالهيروغليفى أو بالعبرى يمكن يقروها ؟؟؟
هو الموضوع عندى بيتكرر لأن جنب باب بيتى باب مستشفى خاص فالحركة كتير ، دا حتى والله ساعات ناس بتخش بيتنا وفاكرينه المستشفى.. لدرجة ان ساعات بافكر أفتح عيادة فى بيتى من غير ما أكتب أسمى ولا أى حاجة غير انى أكتب على باب العمارة : المدخل الرئيسى
اهو انا كده مش معاك لأن ده شارع و ممكن اى حد يركن حتى لو غريب عن المنطقه !!!! طالما ليس فى نطاق خاص بك او ملكك !!! صح ؟اقتباس:
بس اجي الاقي كمان واحد راكن مكاني....و كمان ساكن جنبي و عارف ان ده مكاني يبقي بيستهبل
و قلتله كذا مره.... و برضه يجي يركن......
بس بصراحه ولا نيمت الكوتش ولا حاجه....شلنا الغطا بتاعه و رمنهاله جنب العربيه
a7'ook
Sherif
الناس فى مصر من اصحاب السيارات لو عندها وعى و بتحترم الأخرين ماكنش ده حالنا
لكن كل واحد بيفكر فى نفسه و مصلحته و بس
حصلت كتير معايا و كنت بزق العربيه او افتحها و لو مفاتيحها فيها هدورها و ابعدها
للأسف فعلآ الأحترام منعدم فى مصر و عندنا عقده اسمها ( انت ماتعرفش بتكلم مين ! )
يارب نشفى منها بقى
و انا التمرجى طالما معاك يا دكتور و ممكن بعد شويه ترقينى و تخلينى دكتور متخصص فى (بعدين بقى ابقى اقولك علشان المشرفين مايشلوهاش) ههههههههههاقتباس:
هو الموضوع عندى بيتكرر لأن جنب باب بيتى باب مستشفى خاص فالحركة كتير ، دا حتى والله ساعات ناس بتخش بيتنا وفاكرينه المستشفى.. لدرجة ان ساعات بافكر أفتح عيادة فى بيتى من غير ما أكتب أسمى ولا أى حاجة غير انى أكتب على باب العمارة : المدخل الرئيسى
a7'ook
Sherif
أكيد تقصد دكتور نفسية وعصبية تخصص مناخوليا مزمنة .. دا احنا نكسب دهب وفى نفس الوقت ماحدش يقدر يكلمنا.. هو احنا قلنا انها عيادة؟اقتباس:
المشاركة الأصلية كتبت بواسطة sh_masry
لأ ,,, هما اللى داخلين لوحدهم ................محدش قال حاجه و على الأقل معانا ثانويه عامه مش اعداديه بس ههههههههاقتباس:
هو احنا قلنا انها عيادة؟
انا معايا كومبريوراقتباس:
المشاركة الأصلية كتبت بواسطة sh_masry
يعني 10 دقايق واملا اللاربع فرد وامش
ها ها
اما لو وصلت لسكينة في الكاوتش
هايبقي في قلة ادب بجد
اقتباس:
المشاركة الأصلية كتبت بواسطة 3mr Farrag
إزاى الكلام اللى إنت بتقولوا دا يا باشا دا شارع و من حق أى حد يركن قدام العمارة بتاعتك حتى لو حد غريب مش اللى ساكن قدامك :)
لو عندك جراج من حقك تقفش على اللى يركن قدامه لكن لو فى الشارع يبقى أى حد ممكن يركن :wink:
بكل صراحة يا استاذ sh_masry
لو انت عملت معايا حاجة من اللى انت قولتها دول بأمانة ومن غير زعل انا هفضل أدعى عليك من قلبى لحد ربنا ماينتقم لى منك
افرض يا اخى ان الى ركن العربية دى سواء راجل او ست ماشافش اليافطة المحترمة اللى حضرتك كاتبها
او كان فعلا مستعجل لظرف طارىء بجد وملقاش ركنة
يبقى جزاته يتعمل فيه كده عشان عطل سعادة الباشا عن مشواره
انا ممكن اعزرك فى حالة واحدة لو فعلا عندك ظرف طارىء ولازم تطلع بالعربية
وكمان ساعتها مش لازم يعنى تبهدل عربيتى البهدلة دى هو انت بتنتقم يعنى يعنى انت زقيت عربية الست وخدت حقك لازمته ايه بقى تفسى العجل
بالامانة انت ترضاها على نفسك
او بلاش انت مش وارد اى حد عندك سواء والدتك او بنتك او زوجتك يتعمل معاها الموقف ده ساعتها كان هيبقى وضعك ايه
بجد انا فى قلبى كلام كتير عايز اقوله بس كفاية كده النهارده لاتزعل
واعذرنى فى اسلوبى المتحامل عليك بس بامانة انت قدرت تنرفزنى وتحرق دمى وانا بقرا اللى انت عملته
:evil: :evil: :evil:
استاذ شاركي....مع حضرتك حق ان اي حد يركن في الشارع....
بس كل واحد برضوا ليه اولويه في الركن ...يعني يكون بتنا علي شارعين و كل المنطقه يركنوا ذي البشوات و انا بقي ادور
ما كل واحد يركن تحت بيته ...و انا مالي
غير اني اتكلمت مع الراجل و هو بيتعمد
يبقي معندوش ادني زوق
ولا ايه؟؟؟؟؟؟؟؟؟؟؟؟؟؟
يا عمرو باشا يعنى قصدك مكانك قدام البيت يفضل محجوز لحد ما إنت تيجى من مشوارك
و لو أى حد جه و ملقاش مكان قدام بيته و لقى مكانك فاضى ما يركنش قدام بيتك ؟؟؟
يا باشا ينفع الكلام دا برضه :)
للاسف تصرف أستاذ 3mr Farrag
بيفكرني بواحد ساكن في عماره هنا جنب شغلي
طبيعي أنه ينزل الصبح ياخد عربيته اللي مركونه قدام بيته في الشارع عادي ويروح شغله
وطبيعي جدا لما ييجي أي حد من زمايلي ويلاقي ان المكان فاضي يركن فيه
لكن لأ
الباشا عاييز المكان يفضل فاضي لغايه لما سيادته يرجع الساعه 5
ويسلام لو لقي عربيه راكنه مكانه - ينيم الكاوتش علي طول
قمه قله الأدب والسفاله للأسف الناس فهمه حقوقها غلط أو بتستهبل
حاجه تانيه بترفزني جدا وهي العواميد الحديد والسلاسل اللي الناس بتحطها بدون وجه حق
واللي ياما رشقت في إكصدامات ورفارف الضحايا اللي تجرأو وحاولو يركنو عربياتهم :evil:
انا ولا بنيم كاوتش ولا بأذي حد....ولا قلت اجي من بره الاقي المكان فاضي ذي الباشا
منا باجي من بره كيتير و ساعات الاقي حد راكن...مافيش مشاكل
بس الفكره انا كنت باقول اننا بركن تحت بتنا علشان المنطقه هاديه اوي بليل....يعني بركنها في النور ولو ركنتها في حته تانيه عربيات ساعات بتتسرق.......
يعني يبقي الراجل يجي يركن ذي الباشا تحت اللمبه اللي حطنها و احنا طظ في عربيتنا
كل الموضوع ان المنطقه كلهههههههههههها ..كل واحد عارف مكان ركنته و ما فيش مشاكل
مايجيش واحد تاني يستكرده علشان يجي يبيت العربيه تحت بتنا .....و انا بقي طظ في العربيه تتسرق
انا كلامي شايفه مافيش اي مشاكل.......لأن اكيد الاولويه كل واحد يركن تحت بيته
و في الناصيه التانيه مش بركن فيها.........يبقي عيب ان يسيب مكانين ركن للعماره و يجي تلات اماكن فاضيه تانيه؟؟؟؟؟؟؟؟؟ :evil:
السلام عليكم
يا عمرو باشا واضح إن بيحب يركن عندك علشان اللمبة اللى إنت حطيتها علشان السرقة زى مابتقول رغم إن الحافظ هو الله مش اللمبة
بس من الأخر شيل اللمبة اللى عندكم و أكيد حيبطل يركن عندك لإن كدة الشارع كله بقى زى بعضه :lol: