الموضوع: 65 مترا ليه

حكومتنا تتبع مبدأ الحل الأسهل هو الحل الأوحد

بمعنى :: بدلًا من أن ُتنمي حكومتنا الرشيدة الشعب المصري تنمية تجعل منه شعبًا متحضرًا وتكون الزيادة السكانية لنا لا علينا تحس الشعب المصري على تنظيم النسل حتى إذا ظهرت أي مشكلة كان سببها هو الشعب الذي لم يسمع كلام حكومته

طبعا بالنسبة للحكومة فده هو الحل الأسهل..إنما تنمية واستثمار في البشر وإتاحة فرص عمل وإنتاج حقيقية فده كله وجع دماغ والحكومة مش ناقصة..يعني هي حتصرف على الشباب ولا حتدفع مرتبات فلكية لمن لايستحق وتستفيد بعمولات فلكية تحت وفوق الترابيزة..الأمر لله

النقطة التانية
يعني مثلا اللي عنده طفل واحد فقط أو مخلفش أصلا ليس له حق في بيت متسع- مع افتراض أن ١٠٠ متر متسع أصلا- يعني ليس له حق في إنه ياخد نفس براحته ويكون عنده غرفة نوم وأخرى للاستقبال وأخرى للمعيشة أو غرفة يضع فيها مكتبه ومكتبته وأجهزته الخاصة
أو على الأقل حينما يدخل إلى بيته ويريد أن يمد رجليه قليلا للراحة من عناء اليوم لا يضطر ساعتها إلى أن يخرج رجله خارج الشباك أو البلكونة ونظام (لا مؤاخذة أصل عاوز أفرد رجلي شوية يا جاري العزيز)
مما جاء في الأثر أن من أسباب سعادة المرء الدار الواسعة
أحيانا كثيرة أشعر بالضيق البالغ من علب الكبريت التي نعيش فيها والتي تسد على الإنسان طريق التأمل وصفاء الذهن بمساحتها الضيقة وأسقفها الخفيضة وازدحامها بقطع الأثاث الضرورية - بالمناسبة أنا لا أتكلم عن أكداس الأثاث التي لا داعي لها-
طيب أنا مثلا من أحلامي إني أعمل في أوضة عندي مربوعة عرباوي زي اللي عند البدو أو سكان مطروح مثلا..يا سلام حاجة دماغ جدا وروقان ما بعده روقان

يعني طالما الموضوع صحراء في صحراء ومدن جديدة مواصلات بعيدة كده كده ليه المساحات متبقاش مناسبة ومخططة بطريقة جيدة بحيث تكون البيوت أماكن راحة حقيقية للإنسان بعد عناء العمل فيقل الضغط العصبي والانفعال والتوتر
ربنا يوسع علينا جميعا

المشكلة مش فى65متر بس المشكلة فى الاسعار النار و نقص المرافق والتشطيب الزبالة وكل حاجة وفى كل حاجة
ولو الحكومة بتفكر فى تحديد النسل تخلى الشقة 90 او 100 متر وكده كده النسل هيتحدد الشباب قعدة مش شغالة ولو اشتغلت مرتب قليل ميكفيش عيش حاف ومواصلات

المشاركة الأصلية كتبت بواسطة sab3aawy

مهو يا عم انا صحتى على ادى، وياما شفت بهدلة فىالمنتدى الاجتماعى دى، انا بطلت اعرض وجهة نظرى فى اى حاجة، انا عرضت وجهة نظر الحكومة ووجهة النظر الشعبية، اللى عايز يرد على وجهة نظر معينة يرد على صاحبها ، لكن انا رأييى الخاص احتفظت بيه لنفسى علشان انا راجل غلبان لا انا حمل قفا من الحكومة ولا حمل اتهام بالكفر والعلمانية والماسونية والصهيونية من محتكرى الحقيقة على المستوى الشعبى،

ههههههههههه

ربنا يديك الصحة يا باشمهندس