65 مترا ليه

**Dr Zezo** · 10-11-2009 01:26 PM

منا قلت من الاول دى وجهة نظر الحكومة مش وجهة نظرى، انا ماليش دعوة اللى عايز يرد يرد على الحكومة مش عليا

**Ghamrawy** · 10-11-2009 01:42 PM

لاول مرة أقدر اقول ان الحكومة كان عندها حكمة فى الموضوع ده
الاهم من كترة العيال هو تربيتهم
معناها ايه اخلف 3 عيال و يطلعوا زبالة ؟؟ اخلف واحد و اربيه و اعلمه صح و توتة توتة خلصت الحدوته

**sab3aawy** · 10-11-2009 01:54 PM

المشاركة الأصلية كتبت بواسطة dr zezo

مهو يا عم انا صحتى على ادى، وياما شفت بهدلة فىالمنتدى الاجتماعى دى، انا بطلت اعرض وجهة نظرى فى اى حاجة، انا عرضت وجهة نظر الحكومة ووجهة النظر الشعبية، اللى عايز يرد على وجهة نظر معينة يرد على صاحبها ، لكن انا رأييى الخاص احتفظت بيه لنفسى علشان انا راجل غلبان لا انا حمل قفا من الحكومة ولا حمل اتهام بالكفر والعلمانية والماسونية والصهيونية من محتكرى الحقيقة على المستوى الشعبى،

**ahmed76** · 10-11-2009 01:56 PM

المشاركة الأصلية كتبت بواسطة sab3aawy

كفايه عليه عيل واحد يلعب بيه على قد فلوسه

بجد انا هاموت من الضحك من الجمله دى

وكمان فيه هدفين من الشقه ال 45 متر

1- لما حد ييجى يزورك يبقى قاعد وشايف كل الشقه الحمام و اوضه النوم ومافيش اسرار بقه
2- ( الترب دلوقتى اصبحت 40 متر ) علشان بعد ما الواحد يموت ما يزعلش تبقى نفس المساحه تقريبا وما يحسش بفرق انه ترك نعيم الدنيا

**TIMODAX** · 10-11-2009 02:20 PM

المشاركة الأصلية كتبت بواسطة ahmed76

2- ( الترب دلوقتى اصبحت 40 متر ) علشان بعد ما الواحد يموت ما يزعلش تبقى نفس المساحه تقريبا وما يحسش بفرق انه ترك نعيم الدنيا

**zaza_lanos** · 10-11-2009 02:53 PM

متشكر جدا لردودكم
خصوصا تكريم سبعاوى باشا

بس هل ممكن تربط حياتكك بطفل واحد
يذهب ضحية للاهمال الطبى او حادث اليم او مختل عقليا يفجر نفسه
الاعمار بيد الله بس الموروث الشعبى بيقولك فى التهنئة
عقبال ماتخويه
وبعدين البشر فى اى بلد مبتفهمش بيعتبروها ثروة قومية
الغباء هو عدم استغللها وده نوع من انواع الخيبة
والتى تتمثل فى عدم حماية الصناعات الصغيرة
وفرض اتاوات عليها بالعبيط
ومسئولين مشغولين بالنهب والسرقة
كم من المشاريع والابحاث فى مراكز البحوث
مش عايز اقول بالعبيط لان ده الواقع شعب مشكله كتير بيبقى فى حلول كتير
وابتكارات اكتر واكتر

**Terrible_DaRsH** · 10-11-2009 02:59 PM

الواحد بيشوف بلاوى فى البلد دى .

كله بيخلف و يرمي و يخلف و يرمى , و المصيبة ان اساسا اخلاق الناس بقت فى الارض .

واحد مش متربي اتجوز و خلف هيعرف يربي اولاده !! لا ده كمان بيخلف فوق ال 4 و ال 5 و يقولك اصل العيال عزوة .

خلااااااااص عصر العزوة انتهى من زمان يا ناس , الدنيا بتتطور و مفيش حاجة بقي اسمها عزوة غير فى مصر و خصوصا فى الصعيد .

دلوقتى القاهرة بقت نصفها عمالة من الصعيد و الارياف , سواء مدرسين او عمال او موظفين او او او .. كله بيهاجر على القاهرة ..

على راى الاعلان , عيلين متربين كويس افضل من 100 مش لاقين ياكلوا يا بشر .

و حتى لو معاك فلوس تكفيهم لغاية لما يكبروا , تربية طفل او اتنين او 3 بالكتير اوى اوى مش زى ما تربي 5 و 6 و 7 ..

**El Prince** · 10-11-2009 03:40 PM

إجابة السؤال : علشان يجيله أحباط نفسى ..

للأسف أصبح واقعنا محزن و من السئ إلى الأسوأ ...

**الطنطاوي** · 10-11-2009 03:54 PM

في ناس كتير ساكنة في غرفة واحدة أو غرفتين وفي عشش صفيح ومعهم عشر عيال

وفي ناس ساكنة في قصر ومعاهم عيل واحد أو مامعهم ولا عيل

**zaza_lanos** · 10-11-2009 03:58 PM

انا اقعدت اكتر من 6 شهور علشان اعرف افرش الشقة ازاى
مع العلم انها مودرن
ملحوظة فرش على الرسم لسه الحقيقة
وكل قطعة فى الفرش ليها موصفاتها الخاصة من مقاسات وخلافه
علشان معارض الاثاث بتتعامل مع القصور مش اكشاك 65 متر
الحمد لله اهو احسن من مافيش