لأ كده مش هيستفيدوا حاجة
هما عايزين يبيعوا كده مش هيبيعوا
يعنى ارمى عربيتى القديمه علشان اخد تخفيض فى ضريبه الترخيص والكارته اللى على الطرق ( واتزنق انا واولادى علشان نوفر تمن القسط اكتر من الزنقه اللى بسبب انفلات الاسعار بدون رقيب ولا حسيب) علشان خاطر البهوات الكبار يزدادو غنى على حساب الشعب ( وطبعا الدعوه اننا نحافظ على مصر )
ولو مش عاجبنى كلام البهوات استحمل بقى قرف زياده ضريبه الترخيص والقرف اللى انا متاكد هيزيد على العربيات القديمه عند الفحص( والاحلال اختيارى خد بالك )
محدش يعرف لى جنسيه تانيه ممدكن اخدها واسيب البلد يمكن الكبار يستريحوا واحنا كمان يمكن نبقى بنى ادمين بجد زى البلاد التانيه
ياجماعة متفرحوش اوى كدة الموضوع ومافية انهم بيدحكوا على الناس بمعنى انهم حياخدو اللى قللوة الضرائب والجمارك حيتعوض فى قسط العربية حيرفعو تمنها ثانيا حيفرضو مبلغ على الناس عند التجديد والفحص وحيطلعو القطط الفطسانة وفى نفس الوقت الموضوع مش اجبارى بيريحو الناس وحيعملو اللى فى دماغهم
الصراحه المشروع فيه مميزات
مش اجبارى
وتقسط على عشر سنين
بس الخوف انهم يرخموا على العربيات القديمه علشان يدخلوا التكهين وهى دى هتبقى المشكله
واكيد العربيات المجمعه محليا كلها هتخش المشروع والنيسان الصنى والتيجو و m11
هما بيلعبو بينا كل شوية مرة يقولو بندرس الفكرة ومرة تانيه يقولو اتأجلت الى اجل غير مسمى ......... عجبى
مش التغيرات الوزارية الاخيرة المفروض نتائجها ان المشروع ده يكون اتنسي
كل شوية الحكومه تطلع لينا بتصريحات متضاربة "مبدأ محدش عارف حاجه" نصدق مين ونكذب مين؟
ط§ظ„ظ…طµط±ظ‰ ط§ظ„ظٹظˆظ…
الحكومة تجمد مشروع «إحلال الملاكى» ومسؤول: نخشى الاعتراضات الشعبية المصري اليوم 15/10/2009
ط§ظ„ظ…طµط±ظ‰ ط§ظ„ظٹظˆظ…
«التجارة» تبحث مقترحات مصنعى السيارات لإحلال «الملاكى» اختيارياً المصري اليوم 10/11/2009
*فى هذا التصريح يوجد اقتراح بزياده رسوم تراخيص السيارات القديمه ( تضييق الخناق على اصحاب السيارات لتوجيهم الى مشروع الاحلال )
تصريحين الفاصل الزمنى بينهم اسبوعين
وملاحظ ان فى التصريح الثانى هناك اقتراح واضح وصريح يحرض على تضييق الخناق على اصحاب السيارات القديمه بواسطه زياده رسوم التراخيص وكذلك بتقليل الكميات المطروحه من بنزين 80
فالنتيجه المتوقعه هي ان الاحلال يكون اختيارى الشكل الزامى الجوهر ( حد فاكر مسرحيه محمد صبحى لما كان عامل دور هتلر وبيسئل مواطن " هانى رمزى" عن انه راضى ولا لأ)
ان الذى حدث مع التاكسيات " سيارات تشغليها يعود على مالكها بالنقود والمكاسب " غير عادل ان يحدث مع السيارات الملاكى " سيارات خاصه لا يجني صاحبها من تشغليها نقود او مكاسب"
وكما نشاهد فى الدول التى نحاول ان نحذوا حذوها ان الحاله الاقتصادية والمعيشية للمواطنين لا تقارن بما لدينا وبما نحن فيه من غلاء وبطاله و تدنى مستوى معيشة . فهل وضعنا الأن يشجع على إقرار هذا التشريع؟
هل انتهت كافة المشاكل (البطاله – العنوسة – تلوث الطعام – تلوث المياه - الخ...) التى تواجه المواطن المصرى ولم يتبق إلا ضمان رفاهيه المواطن بتسيره الى امتلاك سيارة حديثة؟
السيارات دى اصحابها محتفظين بيها ليه؟
سببين مفيش تالت
الاول: الحاله الماديه مش تقدر على اكتر من كده والعربية بتشيلهم وقت اللزوم
الثانى : العربية مفيش منها مشاكل ومفيش داعى للتغيير
من المفترض والمعمول به ان قرار تكهين السيارة او اهلاكها لا يخضع لسنه صنعها وانما يتخذ بناءً على حالتها الفنيه بواسطه الفحص الفنى العادل
وارد ان نجد سيارة موديل السنه الحاليه وصاحبها غير معتنى بها وغير مهتم بصيانتها فبالتالى حالتها الفنيه ستكون سيئة
وارد ان نجد سيارة موديل الستينات و السبعينات ( مرسيدس مثلا او فى حالتي فيات ) سيارة متصانه و لا يوجد ضغط عليها ومراعى فيها كل اصول الصيانه فبالتالى السيارة حالتها الفنية جيده
وارد ايضا ان نجد سيارة موديل السبعينات والستينات ( مدخنه وبتحرق بنزين وزيت وكل ما تمشى حته تقع منها ) هذه قد يمكن ان ندرجها من ضمن السيارات الخاضعه للاحلال( الاختيارى) ان تعزر على مالكها اصلاحها
ولكن متى ؟
يجب ان يطبق بعد تنفيذ الخطوات الأتية "وليس قبلها ":
احلال المواصلات والمرافق العامه لترقى لاستعمال الانسان ( اتوبيس - مينى باص - ميكرو باص - ...)
الاهتمام بجوده أسفلت الشوارع
ازالة المطبات والمقبات الصناعية العشوائية الغير مطابقة للمواصفات والتى تؤثر بالسلب على السيارات العابرة
التخلص من ظاهرة عدم التزام بعض رجال المرور بالسلوكيات الواجبة وسعيهم الى التربح والتكسب غير الشرعى باستخدام سلطات وظائفهم
دخل المواطن يكون مناسب للمعيشة الكريمه
هذه وجهه نظر احد أصحاب السيارات القديمة
اما عن وجهه نظر المواطنين العاملين فى ورش الصيانه ( الميكانيكى- الكهربائى – السمكرى ) هل نتوقع لهم مزيداً من البطاله نظراً لأن معظمهم لا يتعامل مع السيارات الحديثة
عن نفسى اول المتضررين من إصدار تشريع بإحلال الملاكى لان السيارة اللتى تمتلكها الأسرة حالياً ( فيات 131 موديل 1979 1600 سى سي " ملك لوالدى رحمه الله") الذى كان يستخدمها قليلاً وكانت ومازالت محل اهتمام وحالتها يشهد لها الجميع وهي الأن سيارة العائلة وهى سيارة موفرة قليلة الإعطال غير ملوثة للبيئة وهى كافية للعائلة و لى ونستخدمها فى قضاء مصالح العائلة بدلا من الاحتياج الى وسائل المواصلات العامه الغير ادميه وبلطجه الميكروباصات وذل التاكسيات وامكانياتى ووضعى الحالي ( شاب فى بداية الحياة محتاج الى تكوين نفسة و يراوده حلم الزواج ) لا يسمحان لى بشراء سيارة مماثله لها فما بالك بتحمل أعباء شراء سيارة حديثة وتحمل اقساط وقطع غيار غاليه وكل هذه المصاريف