هل استخدمت الكوسه عشان تطلع رخصه السواقه؟

**cpt_shawky** · 19-11-2007 12:43 PM

المشاركة الأصلية كتبت بواسطة Nader

الرخصة طلعت في يوم واحد وربنا باركلي من غير لا رشاوي ولا واسطة.

نادر صباح الفل مبلاش العلم ده لحسن عامل كانه بيقول نايل موتورز هتغرقلك عربيتك :D :D :D :D :D :D :D :D :D

**kh_talaat** · 19-11-2007 12:47 PM

والله موضوع الرخصة في مصر دة شيئ له العجب كنت بشوف ناس بتطلع الرخصة وتدفع رشاوي 400 و500 جنية ومره واحد صاحبي كان عايز يطلع رخصة وواحد قاله هات 500 جنية وأنا أطلعهالك من غير أمتحان ولا أي حاجة ، وأنا طبعا قولتله بلاش كلام فارغ على إية يعني وخليت واحد معرفه يطلعهالة ببلاش يادوب إتصور وإستلم الرخصة ، أنا معاكم إن دة كله غلط ولكن هنعمل إية ياما شوفت ناس مبتلحقش تمتحن ويخلوها تيجي تعيد مرة وأنتين وتلاتة وعطلة على الفاضي ، مفيش نظام ولا في أماتكن أصلا واسعة للإختبار غير في أماكن قليلة

**m_aash** · 19-11-2007 12:51 PM

أساسى , كارت توصية و مبلغ لزوم الشاى و القهوة , ومن غير كده ما كانتش هاتتطلع, لأن 90 % من اللى متقدمين معاهم وسايط , فلازم ينجحوا

**m_aash** · 19-11-2007 12:52 PM

أساسى , كارت توصية و مبلغ لزوم الشاى و القهوة , ومن غير كده ما كانتش هاتتطلع, لأن 90 % من اللى متقدمين معاهم وسايط , فلازم ينجحوا

**TAG_Turbo0** · 19-11-2007 12:53 PM

انا كنت رايح معايا واسطة بس الحمد لله نجحت فى الأختبارات بمجهودى

**ibrahimsaad** · 19-11-2007 01:00 PM

نااشتركت فى المدرسه واتعلمت رغم ان كان فى استطاعتى ان استخرجها بالكوسه

واتعلمت الحمد لله عندهم لكن فى الامتحان سقطوا اللى معهوش كوسه ونجحوا الكوسه قدامى ولذلك سقطونى فى الامتحان من غير مايدونى فرصه للامتحان

فاضطريت اسفا انى استخدم ورقه الكوسه فطلعوها لى فى يوم من غير مااعيد الامتحان

هى دى مصر للاسف

**Falcon** · 19-11-2007 01:02 PM

لا

**ZALABANY** · 19-11-2007 01:10 PM

أنا بأه حكايتي غريبه أوي
أنا جبت واسطه ورحت بكارن ورحت سايق العربية من الهرم لحد عين الصيره ودخلت الإمتحان لقيت في واحد عمال يزعق خش قدام اطلع ورا اعمل مش عارف ايه اعصابي باظت والعربية بطلت مني
وبالتالي سقط بالرغم اني كان معايا واسطه بس الواسطه ادتي فرصة تانية بعد اسبوع
رحت تاني مره وكلمت واسطه تانية حصل نفس اللي حصل وسقط تاني بالرغم من الواسطتين
اخر مره بأه أخدت معايا واحد هايخلص مع ناس هناك بالفلوس راح هناك ماعرفش يعمل اي حاجه والناس هناك عملوا ما يعرفوهوش قالي خش بأه وخلاص ولو سقط المره التالته يبقى يحلها ربنا دخلت الإمتحان وركنت العربية وبعد ما ركنتها قالولى اطلع زي كل مره
رجعت للمسئول بكلمه قالى احنا نجحناك يابني

سافرت قطر بأه دخلت الإمتحان مرتين وسقطوني بالرغم اني بسوق بقالي سنتين بس هناك بصراحة الإمتحان فيه تعسف شدشد حتى ما بيديكش فرصة تعدل عربيتك هي الركنه من داخله واحده فاذا ما كنتش متدرب على المكان اللي بتركن فيه كويس ساقط ساقط
والهدف من ده كله انك تخش مدرسة مش عشان تتعلم سواقه لا عشان تتعلم ازاي تمتحن :

**Falcon** · 19-11-2007 01:15 PM

عاشت مصر .. وعاشت الكوسة
ويبقى انت أكيد أكيد في مصر.

**Nader** · 19-11-2007 01:24 PM

المشاركة الأصلية كتبت بواسطة cpt_shawky

المشاركة الأصلية كتبت بواسطة Nader

الرخصة طلعت في يوم واحد وربنا باركلي من غير لا رشاوي ولا واسطة.

نادر صباح الفل مبلاش العلم ده لحسن عامل كانه بيقول نايل موتورز هتغرقلك عربيتك :D :D :D :D :D :D :D :D :D

مساء الخير علشان الساعة عدت 12

احنا عندنا هنا كل اللي بيتعامل مع المنتدى بيدمنة ويغرق في بحورة، بس متخافش بحورة مش غريقة

مشاهدة نتائج الإستطلاع: هل استخدمت الكوسه عشان تطلع رخصه السواقه؟

الموضوع: هل استخدمت الكوسه عشان تطلع رخصه السواقه؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

بفكر في محاوله عشان اطلع رخصه

سؤال من مبتدئ في السواقه بخصوص السواقه والعربيه((ليجانزا 2002

سؤال من مبتدئ في السواقه بخصوص السواقه والعربيه((ليجانزا 2002

عاوز اطلع رخصه السواقه ب واسطه او بفلوس- أرجوا المساعده ( جبت اخرى )

عقوبه السواقه بدون رخصه قياده اية ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة