هل استخدمت الكوسه عشان تطلع رخصه السواقه؟

**youssefmustang** · 07-11-2008 01:56 PM

انا صليت صلاة الحاجة (ركعتين) وكان يوم خميس وقفت 5 ساعات على رجلى عشان اخش امتحن النظرى المهم دخلت وامتحنت ونجحت بنسبة 95.7% الحمد لله المهم الظابط اللى غرق الورقة اختام قالى روح عشان تمتحن العملى رحت امتحن العملى واحد قالى فى 20 جنيه عشان تأجير العربية قولت عادى طلعت الذى منه واديتهولو قالى اركب واستنى 5 دقائق الغريب بقى ان العربية كانت 128 والفتيس بتاعها عامل زى العمود المسلح لا راضى يجى يمين ولا شمال ولا فوق ولا تحت انا اترعبت انا قولت انهم هيسقطونى كان معايا واحد صاحبى معايا قالى اهدا كدا وسمى الله واصبر ..المهم صاحبنا جه وقالى روح هات دستة جاتوه قلوتلو نعم قالى بهزر معاك وراح فتح ايده رحت اديتو 20 جنيه تانى جه وقت الاختبار انا قولت بقى انهم حيحطو اقماع عشان اعدى بينهم لاقيتو بيقولى روح عند المهندس وارجع بظهرك (بينى وبين المهندس 10 متر) رحت عند المهندس ورجعت ..المهندس قاله ايه ظروفه قالى ناجح يا باشا ... بس كده
رحت عشان اتصور قالولى تعالى يوم السبت عشان انهارده الخميس ونص يوم ...رحت يوم السبت وقفت على رجلى 5 ساعات المهم جه دورى واتصورت ووقفت ساعتين تانى عقبال ما طلعت..
والحمد لله انها طلعت كدا الف الف حمد ليك يا رب انها جت على قد كدا
دا فى ناس بتطلع من الامتحان النظرى يضلو بقولو انت هتسقط اللى جوه هيسقطوك ويبفضلو يحبطو فيك ......
الحمد لله على كل حال
اخوكم يوسف

**EslaM_NagY** · 07-11-2008 02:25 PM

مرور مدينة نصر بالتجمع الخامس

رحت فى رمضان يوم خميس
الساعة 9 خلصت الرخصة فى جيبى 11.30
بدون جنيه حلالالالاوة
اصل عيب لما اكون بسوق بقال 6 سنين بدون رخصة واسقط فى الامتحان
:k28:

**shanodaa** · 07-11-2008 06:47 PM

بدون وبدون وبدون طلعت بكل سهوله

**human** · 07-11-2008 08:39 PM

واحد صحبى وكيل نيابه بعتنى لواحد فى امن الدوله بعت معايا واحد و قعدت باشا و امتحنت و مالمستش اى قمع حاجه و شويه قاللى تعالى اتصور
خمس دقايق و كنت ماشى
و مرضاش ياخد فلوس خالص

انب بكره الكوسه بس بكره الروتين و الملل اكتر

**omardeneo** · 07-11-2008 08:52 PM

انا رحت مرور مدينة نصر اللى فى التجمع و كنت باسوق بدون رخصه 4 شهور قبلها بس كنت قلقان فاخدت معايا جواب من عميد من مرور الدراسه صاحب خالى المهم اديت الضابط اللى فى الوحده الجواب و بعدين قاللى استنى و لقيته بيقولى لو وراك مشوار روح و تعالى الساعه 12 المهم مشيت و رجعت الساعه 12 و لقيته بيقولى خش مكان الامتحان بالعربيه و اخرج من الباب التانى و بعديها جه معايا اتصورت و مشيت و معايا الرخصه بس احلى حاجه انى ما امتحنتش الكومبيوتر

:k52:

**Rafraf** · 07-11-2008 08:57 PM

الوسطة مش معناها انك مش بتعرف تسوق :)

الوسطه لانك بتتخنق من الزحمة و لو معكش واسطة هيستلمك و يتلككلك على اى غلطة عشان يأخذ فلوس و يسقطك فى الامتحان

انا رحت معايا واسطة حلوة و صلت المرور الساعة 11.30 خرجت منه بالرخصة 12.15!! ولا عملت اى حاجة الا الاختبار و مالمستش ولا قمع بس فرق الوسطة فى الراحة و انك تقعد مرتاح و العسكرى يلف يجيب لك كل المطلوب و يصور الورق و يعمل كل شئ هو دا الفرق و كمان عشان ما تتلطعش يعنى قبل ما استخدم الوسطة سألت امتى هخش الامتحان قال لى 12.30! تخيلو دخلت و خلصت قبل 12.30 :)

**yuyu0000yuyu** · 07-11-2008 09:02 PM

انا بأى بفالى اكثر من 5 شهو بطلع فى رخسه عشان معيش وكوسه على الرغم انا بسوق بقالى اكثر من 4 سناااااات بس معيش وسطه

**omardeneo** · 07-11-2008 09:37 PM

المشاركة الأصلية كتبت بواسطة yuyu0000yuyu

انا بأى بفالى اكثر من 5 شهو بطلع فى رخسه عشان معيش وكوسه على الرغم انا بسوق بقالى اكثر من 4 سناااااات بس معيش وسطه

انت تبع مرور ايه؟

**نور القمر** · 07-11-2008 11:52 PM

ايه رأيكم لو عرفتوا ان في واحد قريبي طلع رخصة سواقه قبل ما يبلغ السن القانوني
وواحد قريبي تاني بيسوق طول عمره من غير رخصة عربية او رخصة سواقه او حتى بطاقة رقم قومي