عازل علبة الشكمان الخلفيه

**semone** · 10-11-2009 04:33 PM

عندى عربيه اوبترا 2007 ولاحظت ان كل مااروح بيها مشوار قريب او بعيد افتح الشنطه من جواها الاقى سخونه شديده فى الجزء الشمال نزلت تحت العربيه لقيت علبة الشمان منها لسقف الشنطه مباشره روحت وريتها لواحد بتاع شكمان قال لى ان فى شريحه بتعزل علبة الشكمان عن جسم العربيه وهى بتعمل عازل حرارى بين علبة الشكمان وجسم العربيه وقال ممكن تكون الومنيوم او صاج او زنك ودورت عليها فى توكيل منصور على مستورى الجمهوريه قالوا القطعه دى غير موجوده نهائى وبتنزل مع العربيه فقط ودور عليها بره ممكن تلاقيها ولذلك انا بستعين بكم لتدلونى هل ممكن تتعمل فى ورشه خراطه وانا شفتها فى عربية نسيبى فوق علبة الشكمان الخلفيه وهى مربعه طولها حوالى 60*60 سم دلونى اسمها ونوع المعدن وهل ممكن انها تتعمل خراطه والمسامير الحامله لها موجوده بالسياره وشكررا ارجو الرد

**MMamdouh** · 10-11-2009 05:43 PM

ملقيتهاش استيراد؟؟

MMamdouh

**samirayad** · 10-11-2009 07:10 PM

شوف حقولك على فكره بسيطه
ممكن تجربها على ما ربنا يسهل وتلاقى شيلد الوقايه ده
ممكن تجيب قطعة صوف حرارى على قد سطح العلبه وتلف عليها قطعة صاج مجلفن بطريقه نظيفه
على ماتلاقى العاكس الحرارى المطلوب
أنا حقيقى لسه مشوفتوش عندى على الطبيعه (اللى هو شيلد الوقايه )
بس دى مجرد فكره ممكن تحاول معاها لحين الحصول على القطعه الأصليه

نزلت تحت العربيه لقيت علبة الشمان منها لسقف الشنطه مباشره

أو حاول بأى شكل مع بتاع الشكمان يبعدلك العلبه شويه عن سطح العربيه من تحت
بحيث تقلل الأنتقال الحرارى لجسم الشنطه (على ماربنا يسهل وتلاقيها )