ا[size=18]لإلنترا في مدينة جدة كثيرة جدا ..لية مش منتشرة في

التاكسيات في مدينة جدة 50% منها النترا الجديدة و القديمة شغالة هناك بشكل ممتاز جدا علي الرغم من إرتفاع درجة الحرارة لحوالي 46 درجة في الصيف وتشغيل مكيفها صيف وشتا والشوارع الجانبية المكسرة والأهم ان سواقين التاكسي في جدة مش هما ملاك السيارات يعني العربية بتاعه شركة والسواق بيأجر العربية من الشركة بمبلغ مقطوع كل يوم وبالتالي بيبقي عايز يعوض تمن الأيجار وقيمة البنزين يعني تقريبا بيمشي بيها حوالي 400 كيلو كل يوم داخل البلد في الزحمة والإشارات وصيانتها السواق مش مسؤول عنها فتلاقي السواقين بيعاملو السيارات معاملة قاسية جدا ... ومع ذلك موديلات 2002 لسة بتمشي داخل البلد بالإضافة للإلنترا الشكل الجديد اللي أكتسح عالم التاكسيات ..........أية اللي مخلي الألنترا في مصر مش منتشرة الإنتشار اللي علية هنا في جدة ؟؟؟؟؟؟؟؟؟؟؟ :roll:
وشكراً

الموضوع لا سحر ولا شعوذة

إسال على سعرها هناك بكام وشوف فيه إيه تانى بالسعر ده

وايأل عليها هنا بكام وشوف فيه ايه تانى بالسعر ده


هتفهم الفكرة مباشرة

الأوتوماتيك ب42000 ريال شامل اللوحة والأستمارة وتأمين سنة بالإضافة للضمان طبعا يعني صافي تبقي 40000 ريال بس واللانسر القديم ب 42000 موديل 2007 بس علي فكرة السعر هنا مش سبب إنتشارها لأن ال50% التانية من سيارات التاكسي هية كامري و لومينا و الكامري بالذات نسبتة تقارب الألنترا في الشوارع كتاكسي ..........أنا سألت عنها هنا عشان أشتري واحدة فمصر لاقيت الجميع بيشكر فيها جدا .....ولو عندك أختيارات أخري دلني وأكون ليك شاكر بس خلي بالك صالون الألنترا واسع جدا أوسع من اللانسر ودة عنصر مخليها مطلوبة كتاكسي زي الكامري

انت جاي تقارن مصر بالسعودية وكمان في العربيات

احنا عندنا جمارك اكتر وضريبة اعلى وتوكيل حرامي

ياسيدي روح قارن السعودية بالكويت ولا قطر

هوة إحنا بنقارن في الجمارك والأسعار بين البلدين!!!!!!؟؟؟؟؟؟؟؟؟ إحنا بنقارن بين اسعار سيارات مختلفة في كل سوق علي حدة عشان أفهم هية لية الألنترا مش منتشرة في مصر يعني وبوضوح أكثر الألنترا واللانسر نفس السعر في السعودية بس الألنترا مرغوبة عشان صالونها أوسع وصيانتها أرخص .........في مصر الألنترا مش مرغوبة لية عن اللانسر !!!!؟؟؟؟؟ اية اللي دخل الجمارك و قطر والكويت دة أولاً ولو عند حضتك نصيحة بسيارة صيانتها قليلة وبتاعة خدمة شاقة في مصر و صالونها واسع أحب أسمع نصيحتك .........و شكرا

علشان هي اغلى من اللانسر وكمان توكيلها مش كويس ثانيا العربية تعتبر جديدة وعليها حجز كتتير

وناس بتقارنها بانها كوري قدام اللانسر الياباني وعلى فكرة العربية منتشرة في مصر كتتير

وحاجة كمان العربية مش بينزل منها مانيول غير قليل وتوكيل بيجيب اتوماتيك ولو عايز عربية خدمة

شاقة خليك في الياباني او الاوربي عموما بس لو عايز عربية لطرق مصر هات جيب كوماندر او هامر H1 اوH2

دول بس يسدوا في الطرق هنا :-) انا خايف لايفشلوا هما كمان :D :D :D

حلوة... يا أخي هقولك حاجة و محدش يزعل مني ..... كل جاجة فمصر متعبة حتي لما تيجي تشتري عربية وتدفع فيها دم قلبك برضة هتتعب .... الظاهر ان مفيش راحة غير الراحة الكبيرة قوي الأخيرة دي ..... وربنا يفرجها :cry:

اقتباس:

---

:cry:

---

يا باشا بكل اختصار

عشان إحنا عندنا عقد و كلاكيع نفسية متحجرة من الزمان الفنجوري ،،

بمعني اخر مبنردضاش ندفع اكتر من 150 الف في عربية ياباني

و مبنرضاش ندفع اكتر من 100 الف في عربية كوري

و عشان كده الطرازات الفاخرة عندنا البي إم و المرسيدس و معرفناش اللكزس و اخواتها

رغم إن كوري و ياباني في كل العالم بيدرجوهم تحت تصنيف اسيوي

لكن عندنا فاكرين إن الفرق بينهم بيقدر بالسنوات الضوئية و يسيب عربية تحفة زي الإلنترا و يجيب اللانسر البومة اللي شكلها و تقفيلها و ادائها أقل من العادي عشان ياباني ،، رغم إن ميتسوبيشي دي مالهاش أي اسم بره

و الفكرة دي مش هتتغير أبدا ،، قياسا علي تقييمنا للأوروبي علي إنه أعلي من الياباني حتي لو الياباني بيطير حتي الآن

بالإضافة لزيادة سعر الهيونداي ( الموديلات الحديثة ) و اصبح اسعارها مقارب لأسعار الياباني ،،

فالناس بتفضل الياباني مادام فرق السعر مش مغري

يعني لو حطيت للإلنترا الأوبشنز اللي غبور منفضها منها هتلاقي سعرها مقارب للكورولا الجديدة و السيفيك

واضح ان الأخ أحمد بيأيد الألنترا ومش شايف سبب وجية يخليني ماخدوهاش .....هل في حد عندة سبب غير الكوري والياباني يمنع يا أعضاء ولا هوة دة السبب الوحيد .............. يعني في حد عن تجربة وخبرة مش بينصح بالألنترا ....وشكرا للجميع

يا با شا انا جارك هنا فى مكة المكرمة عمرى ما عملت مقارنة بين مصر والسعودية فى مجال السيارات والعربية الى انصحك بيها فى مصر هى الماتريكس من رايى الشخصى وفى الاخر مهما نلف وندور ونسافر نرجع نقول عمار يا مصر

اقتباس:

---

واضح ان الأخ أحمد بيأيد الألنترا ومش شايف سبب وجية يخليني ماخدوهاش .....هل في حد عندة سبب غير الكوري والياباني يمنع يا أعضاء ولا هوة دة السبب الوحيد .............. يعني في حد عن تجربة وخبرة مش بينصح بالألنترا ....وشكرا للجميع

---

اعتقد في سبب اخر

إن في الفئات الأعلي شوية في مصر سعر إعادة البيع للياباني هيكون أفضل من الكوري

يعني لو ناوي تجيب أعلي إلنترا اللي ب 122 الف

يبقي الأفضل تجيب سيفيك ب 140 الف أو كورولا الجديدة ب 130 الف

يعني بصراحة حكم السوق في مصر إن الكوري توبه الفيرنا و الماتريكس مش اكتر من كده

و اسأل برده بقية الأخوة يمكن ليهم رأي تاني

و عموما مفيش شكوي عامة من الإلنترا

اقتباس:

---

المشاركة الأصلية كتبت بواسطة abouzaid2000

واضح ان الأخ أحمد بيأيد الألنترا ومش شايف سبب وجية يخليني ماخدوهاش .....هل في حد عندة سبب غير الكوري والياباني يمنع يا أعضاء ولا هوة دة السبب الوحيد .............. يعني في حد عن تجربة وخبرة مش بينصح بالألنترا ....وشكرا للجميع

---

انا مع أ/ أحمد فى الكلام اللى قاله
انا معايا النترا 2007 وشايف انها فوق الممتازة وعامل بيها لغاية دلوقتى 9000 كيلو ومفيش اى مشاكل والحمد لله
وبصراحة العربية ادائها فوق ما كنت متخيل

انا كان معايا قبل كده لانسر وكورسا وفليشيا واسترا وشايف ان الألمانى هو اللى مميز جدا جدا عن اى حاجة تانية

اقتباس:

---

وشايف ان الألمانى هو اللى مميز جدا جدا عن اى حاجة تانية

---

+ 1000

بصراحة برده عن تجربة الكوري و الياباني واحد ..........في إحساس السواقة

لما تركب الألماني و عائلته بس تحس بالعربية كده مكلبشة في الطريق و تحس إن صناعتها مكلفة .......و حاجة محترمة و تقيلة

كلامكم سليم بس الألماني بأستثناء المرسيدس صيانتة مش سهلة وقطع غيارة غالية ..... بالنسبة للكوري و الياباني ...كنت راكب سيارة اكسنت 2003 بتاعه صديق والحقيقة مكانش في اي فرق بينها وبين كثير من الياباني لأن الياباني كلة مش زي بعضة طبعاً.........وعلي كل حال عمار يا مصر بس برضة الشراء هنا أسهل كثير ....صح ولا أنت مش معايا

اقتباس:

---

الشراء هنا أسهل كثير ....صح ولا أنت مش معايا

---

اعتقد لو حسبت تكاليف الشحن و الجمارك و خلافه ،،،

هتلاقيها محصلة بعدها ،،،

و يبقي تجيبها من مصر أفضل و تستفيد بالضمان و خلافه

فكرة إن أنا أشتري من هنا و أشحن لمصر مش واردة أنا هشتري من مصر بس عملية الشراء نفسها هنا أسهل من مصر كثير جدا بس طبعا عندك حق الشراء من مصر أفضل بس مش أسهل و أمتع من هنا

فكرة إن أنا أشتري من هنا و أشحن لمصر مش واردة أنا هشتري من مصر بس عملية الشراء نفسها هنا أسهل من مصر كثير جدا بس طبعا عندك حق الشراء من مصر أفضل بس مش أسهل و أمتع من هنا

أحب أضيف إن الألنترا عربية ممتازة و أنا كان عندي لانسر 2002 و راحت في الأعصار و لما فكرت في شراء عربية مرة أخري في مسقط أشتريت ألنترا رغم كانت نفس سعر اللانسر 2007 و أنا مرتاح معاها جدا في مصر و في مسقط و العربية واسعة و ثابتة وناعمة جدا في السواقة ولم يكن في أي صعوبة في الشراء في مصر بالذات لو حتشتري كاش أنا دفعت الساعة العاشرة صباحا و أستلمت فورا من موزع معتمد و خلص لي الأوراق و كنت مركب النمر الساعة 2 ظهرا تقريبا في نفس اليوم لا أعلم ما المقصود بالصعوبة في الشراء في مصر

الاستاذ ابو زياد انا فاهم معنى صعوبة الشراء من مصر وهو ارتفاع الاسعار عن هنا فى السعودية + اختلاف المواصفات وهى المواصفات الخليجية التى تتحمل الخدمة الشاقة على فكرة انا لسة راجع من توكيل عبد اللطيف جميل للتويوتا كنا بنجيب تويوتا كرولا 2007 لواحد صحبى الشكل القديم مونيوال زجاج كهربا 45 الف بس ؟؟؟؟؟؟؟؟؟؟؟؟؟؟؟؟؟

بس نرجع ونقول لو مافيش فرق السعر ده والجمارك ده كانت المصانع الى بتشغل الاف الشباب قفلت والصناعات التكميليه الى قايمة عليها كذلك قفلت العملية فى الاخر نسبة وتناسب وياريت حضرتك تشرفنا فى مكة ونتعرف عليك.......................

الطريقة اللي اشتريت بيها يا استاذصلاح دي مريحة جدا بس باقي الأعضاء شايفهم بيشتكو من مواعيد التسليم شكاوي كثير جدا بس لو زي انت ما بتوصف اكيد هتبقي سهلة جدا .... هنا في الوكالات بتعمل تيست درايف والسعر محدد مفيش فية فصال أو أختلاف بين المعارض و الوكالات زي ما الأعضاء بيحكوا عن تجاربهم الشخصية ...و أكيد انت قرأت من ناس كثير بتدور وتلف بين المعارض عشان تاخد بأفضل سعر في مصر.... هنا السعر محدد وزيك زي باقي الناس بدون لف ولا بحث هتروح الوكالة تشتري وتستلم بسعر محدد ووقت محدد ولو حصل تأخير بيبقي إستثناء لكن مش القاعدة

سيدي الفاضل أنل حكيت لك تجربة شخصية كانت أول شهر يوليو و لكن هناك فرق بين سوق الخليج و السوق في مصر و خاصة بالنسبة للهيونداي أول سعر التوكيل هو سعر للحجز و ليس للأستلام الفوري و هنا يحدث الكثير من المشاكل مع الناس زي التأخير أو السعر زاد أو أستلموا العربية بها خربشة و مش نظيفة و هناك سعر آخر للموزع المعتمد مقابل إنك بتدفع و تستلم فورا العربية و تعاين العربية قبل الشراء و تكون نظيفة و بدون خربوش واحد و طبعا السعر يكون زايد و لك حرية التصرف في الشراء أنا كنت نازل من مسقط و محتاج العربية فورا و مش ناقص صداع مع غبور فرحت و كيل معتمد يوجد أفاضل من الموقع كانوا رشحوه لي و أشتريت فورا و كانوا ناس محترمة جدا وحتي رفضوا أي بقشيش , أما بالنسبة للخليج فأنا أشتريت من مسقط بنفس الطريقة التي توصفها ولكن هناك طبعا فيصال في السعر النهائي في العربية

الفرق الوحيد اللى مخلى الالنترا مش منتشرة هى العقلية المصرية اللى بتقول ياعم ده كورى وده يبانى زى ما يكونوا بيقرنوا الشعوب ببعض وفكرين ان باليبانى حيطيروا من على الارض

لكن فى السعودية بيركبوا العربية واللى تعجبه ويعجبه سعرها يخدها ويفكرش كتير

وفى حاجة تانية فى مصر اللى بيشترى بيبئه عايز العربية تعيش معاه بقيت عمره وبينسى ان العربية سلعة استهلاكية ولو حصل وباظ حاجة بسيطة يقول عربية وحشة وهو اساسا مهمل فيها يعنى زى واحد صحبى معاه اكسل ومحطش فيها زيت فترة طويلة جدا ولما الموتور ضرب عاب فى العربية واعد يشتيم فى الهاينداى (عقول مصرية)

طب منتا عندك فى شرم تاكسيات لانسر و كورلا و ركبتهم اكتر من مرة هناك و الفيرنا فول اوبشن اتوماتيك تاكسى فى بورسعيد و دمياط والاسماعليلية هى بس القاهرة والاسكندرية وطنطا اللى التاكسيات فيها قديمه وكمان منتا عندك تاكسى العاصمة الاصفر ما فى منه النترا اصل اخوك لفف مصر دى كلها زقه زقة