شكرا على المعلومات
رقم العضوية : 209
تاريخ التسجيل : 25Apr2007
المشاركات : 137
النوع : ذكر
الاقامة : Cairo
السيارة: ---
السيارة[2]: Toyota Corolla 2005
دراجة بخارية: NO
الحالة :
بعد مازاد الهلع في الفترة الأخيرة بسبب انفلونزا H1N1 و اللي بنسمعه يوميا من معلومات بعضها مفيد و اخر اما متضارب او غير واضح حبيت اعمل الموضوع ده ليغطي كل ما تريد معرفته عن انفلونزا H1N1 (طبعا على قدر علمنا وعلى قدر ما وصل اليه العلم)
الموضوع غير منقول و ياريت اللي عنده معلومة مايبخلشي بيها علينا و كذلك اللي عنده اي استفساريقوله و هنحاول اننا نجاوبه إن شاء الله
قبل ما نبدأ نتكلم عن انفلونزا H1N1 احب ابدأ بمقدمة بسيطة عن الانفلونزا و الفيروسات.
influence الانفلونزا واحد من اقدم الامراض و اسمها جاي من الكلمة الايطالية بمعني تأتير لانه كان من المعنقد ان الشخص المصاب واقع تحت تأثر الجن و الاشباح و النجوم. اما الفيروسات فتعد من اصغر المسببات للامراض (حجم الفيروس 1/10 من حجم البكتريا و 1/100 من حجم كرة دم حمراء واحدة الي بنمقق عنينا عشان نشوفها تحت الميكروسكوب)
والفيروس يتكون من حامض نووي ( DNA/RNA) و غلاف بيحيط بيه.
الفيروس ماعندوش القدرة على التكاثر الا اذا كان داخل خلية كائن حي اخر (العائل). علشان الفيروس يتكاثر ببساطة بيفتح الغلاف بتاعه و الحامض النووي يبدأ يتقطع و يكتر و بعدين يكون الاف السلاسل من الاحماض النووية مرة تانية كل سلسلة تحاط بغشاء مستخدما محتويات الخلية من بروتين و خلافه ليكون الاف الفيروسات لتخرج تصيب الاف الخلايا و هكذا بس طبعا الموضوع هيستمر لو مافيش جهاز مناعة يقدر يتعامل معاه و ديه مشكلة الفيروس (مش الوحيدة زي ما هنشوف) ان مقاومته بتعتمد على جهاز المناعة في المقام الاول مش زي البكتريا ممكن ناخد مضادات حيوية تقضي عليها و ان كان فيه بعض مضادات الفيروسات الا انها اما مازالت تحت التجريب او ثمنها باهظ جدا او محدودة الفايدة مما يخرجها دائما من الذكر خاصة اذا كنا بنتعامل مع فيروسات وبائية زي الانفلونزا.
يبقى الحل الوحيد اننا نقوي جهاز المناعة بتاعنا ازاي؟؟ بطريقتين اول حاجة بتقوية غير نوعية بالظبط زي مايكون جيش زودناه بشوية مسدسات و مدافع بس مافيش مضادات الصواريخ و لا ردارات فالجيش كويس لكن قدرته محدودة يقدر يتعامل مع اعداء ضعاف مدغشقر على غانا على جيبوتي حاجة كده بس لكن عشان تحارب عدو قوي اسرائيل ولا امريكا انت مجتاج تعرف ايه الاسلحة اللي عندهم و يبقى عندك ردارات تكشفهم في وقت مناسب و اسلحة تقضي عليهم و عشان كده بيبقى في مضادات صوارخ مختلفة لمختلف الصوارخ طيب مع الفيروس نعمل ايه؟؟
نفس الفكرة نعَرف الجسم بالفيروس و الجسم جواه مصنع حربي رباني (مابيصنعشي تلاجات) متخصص قوي بمجرد ما يتعرف علي الفيروس ايام و يصنع سلاح ردع مناسب يفضل معاه مدد مختلفة. طيب ازاي نعرفهم ببعض و نرتاح؟؟ هي ديه المشكلة المكلفة و هي صناعة الامصال لأنه مش ممكن نحقن الجسم بفيروس مفترس و نقول ادينا بنعرفهم لازم اما نقتل الفيروس الاول او نضَعفه بحيث مايكونش له تأثير ممرض للإنسان و ديه عملية معقدة جداااا.
_______________
رقم العضوية : 19101
تاريخ التسجيل : 15Sep2008
المشاركات : 1,583
النوع : ذكر
الاقامة : السويس
السيارة: فيات131
السيارة[2]: فيات125
دراجة بخارية: vesba
الحالة :
شكرا على المعلومات
رقم العضوية : 209
تاريخ التسجيل : 25Apr2007
المشاركات : 137
النوع : ذكر
الاقامة : Cairo
السيارة: ---
السيارة[2]: Toyota Corolla 2005
دراجة بخارية: NO
الحالة :
نرجع للموضوع بتاعنا انفلونزا H1N1اللي كانت متسمية بانفلونزا الخنازير طيب ليه سموها انفلونزا خنازير و ليه غيروها؟؟؟
زي ما قولنا ان الفيروس ماعندوش القدرة على التكاثر الا داخل خلية العائل اللي حصل في المكسيك ان فيه خنزير وكان عائل (أي والله) لفيروس انفلونزا بس مش واحد لا فيه مراكز بتقول 3 و ناس بتقول 5 ماعلينا المهم هما توليفة واتجمعوا في عائل واحد مش كده و بس لا في خلية واحدة و كالعادة بدأ كل فيروس عملية التكاتر و انتشر الحمض النووي للفيروسات المختلفة و عند اعادة التجميع ظهر فيروس جديد واخد صفات من عدد من الفيروسات و اهم صفة تهمنا انه له القدرة انه ينتقل من الخنزير للانسان في تلك المرحلة سميت الانفلونزا بالخنازير (زي انفلونزا الطيور كده) ولحد هنا ماكنش هيبقى فيه مشكله وباء عالمي كان هيفضل يتنقل من الخنزير للانسان لمدة و مكافحته هتكون اسهل القضاء على الخنزير او التعامل معها بحرص أو التوصل لتطعيم وخلاص لكن المشكلة انه تأكد قدرة الفيروس على الانتقال من انسان لاخر هنا الكارثة معني كدة توافرت الثلاث الشروط لحدوت جائحة (وباء) عالمية و الشروط ديه اولا وجود ميكروب جديد (مافيش جيش داخلي يقدر يتعامل معاه) ثانيا انه يتنقل من انسان الي انسان (مفيش حواجز في ساعات ممكن انسان مصاب يلف العالم حتي قبل ما تظهر عليه اعراض) و اخيرا له القدرة على احدات امراض (في بدايته كانت نسبة الوفيات عالية جدا) و هنا بدأت منظمة الصحة العالمية رفع درجات الخطر الواحدة تلو الخري الى ان وصلنا الى الدرجة السادسة القصوى.
المهم بعد ما تأكد ان الخطر القائم هو انتقاله من الانسان للانسان و ليس من الخنزير و حتى لا يصاب العالم بخوف غير مبرر من الخنزير (طيبين و الله الخوجات دول) كان لازم تبرئة الخنزير من هذا المرض.
من المعتاد ان يتم تسمية الامراض اما بمكان اكتشافها (كحمى الوادي المتصدع و حمي غرب النيل و الانفلونزا الاسبانية و الصينية) او باسم الميكروب المسبب لها و بالطبع تمت الموافقة على الاختيار التاني و هو تسميته باسم الفيروس حتى لا يلتصق باي دولة مسببا اثارا اقتصادية سالبة.
_______________
رقم العضوية : 209
تاريخ التسجيل : 25Apr2007
المشاركات : 137
النوع : ذكر
الاقامة : Cairo
السيارة: ---
السيارة[2]: Toyota Corolla 2005
دراجة بخارية: NO
الحالة :
يعني ايه H1N1؟؟؟
لو نفتكر تركيب الفيروس عبارة عن خامض نووي و غلاف. الحامض النووي مسئول عن الشفرة الوراثية اللي بتنقل من جيل لجيل و الغلاف مسئول عن حفظ الحامض النووي و اعطاء الشكل للفيروس. الغلاف ده مش املس ده بيبقى عليه مئات الزوائد شكل المسامير.
هذه الزوائد تنقسم الى نوعين نوع اسمه هيماجلوتينين وده مسئول عن قدرة الفيروس علي الالتصاق بالخلية و دخولها وفيه منه 15 نوع فرعي H1, H2, H3, …..
و النوع التاني من الزوائد اسمة نيورامينيديز و ده مسئول عن خروج الفيروسات الناضجة من الخلية و مسئول على شراسة المرض و فيه منه 9 انواع فرعية N1, N2, N3,….. و على فكرة N1 بتاع الخنازير في الغالب اقل قدرة في الاماتة بكثير من N5 بتاع الطيور (وعلى فكرة فيروس الانفلونزا لديه قدرة قوية على تطوير نفسة و تغيير سلوكه فمحدش يقدر يتوقع ايه اللي ممكن يعمله بكرة).
كل فيروس انفلونزا بيبقى فيه نوع واحد من H و واحد من N عشان يعمل توليفة زي H1N1, H1N5 (avian flue), H2N2, H3N2,………
_______________
رقم العضوية : 24178
تاريخ التسجيل : 05Nov2008
المشاركات : 470
النوع : ذكر
الاقامة : ksa
السيارة: clio
السيارة[2]: toyota
دراجة بخارية: ما\ون
الحالة :
شكرا لحضرتك شرح رائع جزاك الله خير والله يزيل الغمه ان شاء الله ويحفظ المسلمين
تقبل مروري / ابو خالد
المفضلات