طلب نصيحه سيفيا 1999

**mohammed_roby** · 10-11-2009 07:24 PM

بسم الله الرحمن الرحيم
اخوانى الاعزاء ارجو النصيحه منكم
انا الحمد لله اشتريت كيا سيفيا اوتوماتك موديل 1999 كورى
و انا مليش فى العربيات خالص و دى اول عربيه اشتريها

كنت بس عايز اعرف منكم ايه قطع الغيار اللى المفروض تتغير بصفه دوريه وكل كام كيلو

و ايه اللى المفروض ابص عليه كل فتره و بعد كل كام كيلو

علما بان العربيه عامله 180.000 كيلو

شكرا

**mohammed_roby** · 11-11-2009 11:14 PM

any update???

**max_ziro** · 12-11-2009 03:03 PM

كلة فى السيفياوية يا باشا
انا رديت على اسألة حضرتك و مبروك عليك العربية يا باشا
و انشاء الله اى حاجة متعلقة ب السيفيا بنكتبها كلنا فى السيفياوية ..
اهلا بيك فى معانا يا باشا ..

**ahit** · 03-12-2009 06:20 AM

بعد مساء الخير..
بالنسب لسيارتك و بما انك لسة شاريها فى حاجات مهمة لازم تكشف عليها و حاجات لازم تغيرها مبدئيا:
أ) لازم تكشف على الاتى:
1- زيت افتيس
2- الكبالن
3- كاوتش الكبالن الداخلى و الخارجى
4- مجموعة الفتيس لو كانت مانيوال ( دسك - اسطوانة - رومان بلى )و ده من غير ما تحل الجير بوكس كالأتى:
- لو فى صوت شخشخة او خشونة و انت دايس دبرياج و بيروح لما تسيب الدبرياج ده معناه ان بلية الدبرياج محتاجة تغيير
- لو فى كركرة او وررة فى بدايه حركة السيارة ده معناه ان الديسك محتاج تغيير
- لو السيارة سحبها ضعيف خصوصا فى الطلعايات او المطبات الصناعية مثلا تبقى محتاجة اسطوانة
بس انت سيارتك اتوماتيك مش محتاجة الكلام ده
5- زيت الفتيس و يجب اختباره لو فى اى شوائب لازم يتغير
6- رومان بلى الاكسات
7- تيل الفرامل و الطنابيرالامامية و الخلفية
8-فلتر البزين
9-سير الدينامو و الباور لانه سير واحد
10- بلية شداد التقسيمة الثابتة و المتحركه لانها ممكن تقطع سير التقسيمة لو بايظة
11- العفشة عموما لانها ممكن تبوظ الكاوتش
12- التكييف
13- الجكمان لانه ممكن يخنق العربيه و يسخنها لو فى عيب
14- الحساسات و ده عن طريق الكمبيوتر
15- سلك البوجيهات لانه ممكن يخلى العربية تقطع و تتلت و ماتبقاس مضبوطه
ب) لازم تغير الاتى:
1- زيت الموتور و فلتر الزيت
2-سير التقسيمة و تاخد قراية العداد لانك لازم تغيره تانى بعد 40000 كم (يجب اختيار ميكانيكى كويس علشان ما يخلف لك القسيمه او ياخرها لك
3- فلتر الهواء
و اخيرا يارب اكون افدتك و ربنا يبارك لك فيها

بسم الله ما شاء الله
رد شافى و ممتاز من خبير سيفيا
بارك الله فيك