يعنى العملية بالخبرة و صوت المكنة!!!!
معلش هنتعب حضرتك معانا ازاى أعرف ان الكهربا مقدمة أو مأخرة ?
وهل فيه اختبار معين?
عرض للطباعة
يعنى العملية بالخبرة و صوت المكنة!!!!
معلش هنتعب حضرتك معانا ازاى أعرف ان الكهربا مقدمة أو مأخرة ?
وهل فيه اختبار معين?
الموضوع ده اللى الأخت الفاضله طرحته باين عليه حيحلو :3mla:
شوف يا أبو حنفى
وأقرأ الكلام ده بعنايه فائقه
العوامل المؤثره على توقيت الأشعال بالمحرك
1- الحمل على المحرك
مع أنخفاض الحمل يلزم تقديم الأشعال ومع زيادة الحمل يلزم تأخير الأشعال عن ذى قبل
وده بيتم أوتوماتيك بدون تدخل العنصر البشرى
(من خلال جهاز داخل الأسبراتير ) يطلق عليه بالعاميه (الأوتوماتيك أو الفاكيوم )
اللى بيقولوا عليه الأفانس
2- سرعة المحرك
يلزم التقديم مع زيادة السرعه وبالعكس يلزم التأخير مع أنخفاض سرعة المكنه
وده جهاز برضه جوه الأسبراتير
يطلق عليه بالعاميه (الجفرنر أو الحدافات ) وليه قصه أيضا
بتتم العمليه دى أوتوماتيك برضه
3- نوع الوقود (رقم الأوكتان )
يتم تأخير الشراره للوقود ذو رقم الأوكتان الأعلى من المصمم عليه المحرك
ويتم تقديم الشراره عند أستعمال وقود ذو رقم أوكتان منخفض عن المصمم عليه المحرك
وليها جهاز برضه (موجود فى بعض أنواع السيارات ) للتحكم فى تقديم أو تأخير الشراره
حسب البنزين المستخدم
فيه حاجات أو عوامل تانيه بتتحكم فى زمن أو توقيت الأشعال فى المحرك
مثل قوة خليط الهواء والبنزين ونسبة الأنضغاط فى المحرك وقطر أسطوانة المحرك ودرجة حرارة الجو والمحرك
عاوزين نعرف بأه أيه اللى ممكن يحصل لو أردنا نحرك الأسبراتير للتأثير على موعد الشراره
وده المقصود من سؤالك
أولا : التقديم الزائد للشراره وأثره على آداء المحرك
هنا تنطلق الشراره قبل موعد أنطلاقها فى التوقيت الأمثل ويؤدى ذلك الى الآتى :
1- ظاهرة الصفع detonation بالمحرك وقد تؤدى الى كسر البستم أو التواء ذراع التوصيل (البيل )
2- ضوضاء وأرتجاف بالمحرك خاصة عند الحمل والتعجيل (التسارع )
3- أنخفاض فى قدرة المحرك ....يعنى العربيه متسحبش كويس
4- سخونه زائده بالمحرك
ثانيا :التأخير الزائد للشراره وأثره على المحرك
هنا تنطلق الشراره بعد موعد أنطلاقها فى التوقيت الأمثل للشراره
وقد يحدث أن تنطلق الشراره بعد هبوط البستم فى شوط التمدد (التأخير الزائد عن الحد )
ويؤدى ذلك الى
1- سخونه زائده للمحرك ولسائل التبريد ولغازات العادم
2- أنخفاض فى قدرة المحرك
من هنا بأه نعرف أيه
التأخير الزائد غير مطلوب وكذلك التقديم الزائد غير مطلوب
ومن صوت المكنه وثباتها على سلانسيه طبيعى وأداء أمثل للمحرك ووضع معقول للحراره
هو ده المطلوب
[gdwl]
علشان كده بنلاقى الميكانيكى لما بيحرك الأسبراتير بيحركه سنه بسيطه للغايه
[/gdwl]
يا باشا و الله مش عارف نشكرك على ايه ولا ايه
على الذوق ولا العلم ولا الخبرة ولا تبسيط المعلومة
معلش كدة برة الموضوع ده كان عندى مشكلة فى الكبالن لها موضوع فى الورشة
http://www.nilemotors.net/Nile/105062-a.html
أن شاء الله
حعلق عليه فى قسم الورشه
بعد ما أعمل مشوار بسيط
نظرا لوجود أختلاف بين نوعية الموضوعين
يا هندسة والله مش عارف اقولك اية علي المواضيع الجامدة والمجهود دة كلة
ربنا يكرمك
و ليا استفسار
العربية عندي احتمال التسقيف فيها عالي قوي لما بتكون سخنة مش عارف لية ولازم اكون حساس معاها ، هيا اقصي حاجة بتوصلها في الحرارة ان الأمبير يكون علي النص و دة بيكون في وسط البلد والمشي المتقطع ، لكن في المشي السريع بتكون الحرارة اقل من الربع
هل الكربيراتير لية علاقة بالموضوع دة ؟
مع العلم اني منضفتوش خالص من ساعة ما جبت العربية من خمس شهور و العربية لما بتكون باردة بتكون مخنوقة لازم اسخنها دقيقتين ، و احيانا بحس بتنتيش خفيف جدا مش عارف سببة الكاربيراتير برضو ولا إية لأن شغل الكهربا كلة متظبط ، أو يمكن البوبينة مش عارف
إية رأيك ؟
أكشف على البوجيهات أو غيرها
وأطمن على فلترى الهواء والبنزين
أو غيرهم وجرب الأول
بس أهم حاجه البوجيهات
عاوزين نشوف أيه نظامها