واحد صاحبي من اسكندرية قاعد عند باب النادى لحد دقولتى من امبارح الصبح ..
التذاكر بتتباع بالدفتر سوق سوداء و كله بيسرق و يغش و مسئولين اتحاد الكرة بيبيعوا التذاكر بمعرفتهم و الناس اللى جت من المحافظات باتت على الرصيف .
عرض للطباعة
واحد صاحبي من اسكندرية قاعد عند باب النادى لحد دقولتى من امبارح الصبح ..
التذاكر بتتباع بالدفتر سوق سوداء و كله بيسرق و يغش و مسئولين اتحاد الكرة بيبيعوا التذاكر بمعرفتهم و الناس اللى جت من المحافظات باتت على الرصيف .
حتة كوره بيشوطها واحد فتجرى لأخر الملعب ... كاهم يجروا وراها
ييجى واحد ابن حلال يكون واقف أخر الملعب يشوطها يرجعها لأول الملعب ... هوب تلاقى كله راجع وراها
احنا شعب فاضى وناقصين دين للأسف .
الرد ده مستفز جدا لأ هنتجمع و هنحارب و هننتصر الكوره مش عجباك ماشى ده رأيك لكن تقول كده لأ
واللى بيقول احنا بنستفيد ايه من الكوره انا عن نفسى بستفيد ان فى حاجه بتفرحنى بعد الذل اللى بشوفه فى كل حته فى البلد حكومه ,غلاء ,سرقه , معامله غير ادميه فى اى مكان , ده حتى الكليه بنشوف فيها المر
ممكن حضرتك تحكيلى من وجهت نظرك ايه فى مصر بنستفيد منه وولادنا واهلنا بيستفيدوا منه و انا من بكره هعمل زيك
يا جماعة الناس اللي بتقول هنستفيد أيه
و الأخوة اللي هيدخلوا الصلاة و كمان شوية تحرير القدس
ده كلام مش منطقي
مش لازم اللي بيحب الكورة يكون مش بيهتم بالصلاة
مفيش تناقض بين الرياضة و الدين
و عايز أقول أن كنت في مباراة سنة 98 و عادي صلينا جماعة في الاستاد
و فاكر ساعتها الريفيوهات اللي كانت بتيجي في القنوات العالمية كانت مأكده عالنقطة دي و متصوره يعني يعتبر صورة ممتازة للمسلمين
فمعلهشي مادام محدهش بيعمل حاجة حرام فبلاش خلط للأوراق
بخصوص الأخوة اللي بتقول هنستفيد أيه ؟
اللي بيسمع موسيقي عبارة عن خبط و ترزيع و صويت بيستفيد أيه؟
اللي بيحب يتفرج علي لوحة عبارة عن شوية لخابيط هيستفيد أيه ؟
اللي بيقعد علي المنتدي 12 ساعة كل يوم هيستفيد أيه ؟
هواية زي أي هواية و مادام انها هواية مشروعة فهو بيستفيد بيها مش عشان مش هوايتك تسفه منه
و كرة القدم من الهوايات الجميلة اللي بتشوف فيها معاني كفاح و مهارة و موهبة و نصر و هزيمة و ظلم و عدل ،، عشان كده هيا اللعبة الأولي في العالم
مش ذنب محبيها ان غيرهم مش بيحبها و مش بيفهمها
و بالمناسبة لو وصلنا إن شاء الله لكأس العالم الفلوس اللي هناخدها بس من الفيفا هتغطي كل المصاريف اللي مضيقاكم و بمكسب محترم كمان
و اعتقد حتي لو موصلناش فالكورة بتصرف علي نفسها بنسبة كبيرة
زي المطرب اللي بياخد ملايين في ساعتين زمن أو أي صاحب موهبة خاصة
و ده في كل الدنيا مش في مصر بس
أرزاق بقه
من موقع BBC
بالصور: حول العالم
http://www.bbc.co.uk/worldservice/as...ickets_afp.jpg
مشجعو الفريق القومي بمصر يتزاحمون لشراء تذاكر المباراة بين مصر والجزائر يوم 14 تشرين الثاني/نوفمبر والتي تقرر نتيجتها أيا من الفريقين سيتأهل لنهائيات كأس العالم في جنوب افريقيا عام 2010.
--------------------------------------------
http://www.bbc.co.uk/worldservice/as...ticket_afp.jpg
أحد الفائزين بتذكرة المباراة بين مصر والجزائر يوم 14 تشرين الثاني/نوفمبر والتي تقرر نتيجتها أيا من الفريقين سيتأهل لنهائيات كأس العالم في جنوب افريقيا عام 2010.
طيب بعد كل البهدلة اللي الناس دي شافوها في الحصول على تذاكر و البهدلة طبعا يوم الماتش في الاستاد و الأرف ده كله و الحماس ده كله و التشجيع و حرقة الأعصاب و الانتظار أكتر من شهر كامل للمباراة دي..و الحلم و الأمل.. ماذا لو صعدت الجزائر لكاس العالم و لم تصعد مصر؟
بالمبدأ ده مافيش ولا مشجع هايروح يتفرج على ماتش خوفا من الإنتكاسة اللي هاتحصل ..
الماتش ده يعتبر أهم ماتش في تاريخ الكرة المصرية و عادي إن يبقى فيه تهافت على التذاكر ..إلى الآن اللي حضر ماتش الجزائر سنة ٨٩ يشعر بالفخر و بأنه شارك في الحدث بشكل أو بأخر ..
و عموما أنا هاتفرج في البيت العمر مش بعزقه