الموضوع: اليوم الساعة 6:50 صباحاً أمام سور النادي الأهلي

المشاركة الأصلية كتبت بواسطة bassamhafez

لا يا راجل اوعى تقول كده احسن اللي بيحبوا الكورة يقولوا انك مستفز ولا مكفرهم

كبر دماغك انت بتنفخ في قربه مخرومة

وفي الاخر يطلعلك واحد يقولك انت يتكلم دكتور ولا مش عارف ايه

يا عم والله اللي بيحرق دمه هو احنا مش حدتاني

الموضوع للاسف محتاج ناس بتفهم عشان تدرك المعني الحقيقي للاحنا داخلين عليه

وعلى فكرة انا مش افلاطون ولا بتاع شعارات والكلام ده كله

انا بس زعلان على الحال اللي احنا وصلنا ليه

عشان تبقى عارف الرد بتاعى مش كله على حضرتك انت
و فعلا الموضوع عايز ناس بتفهم معلش احنا مش بنفهم (وفي الاخر يطلعلك واحد يقولك انت يتكلم دكتور ولا مش عارف ايه ) والله انا بتكلم معاك باحترام مش فاهم انت ليه مصمم على الطريقه دى عموما انت حر بس برده عايزك ترد و تفهمنى اصل انا مش بفهم معلش و تقوللى ايه الحاجات المفيده اللى ممكن نعملها و ياريت حضرتك تبدأ تصلح الحال اللى انت زعلان عليه وتقولنا بدأت ازاى عشان نبقى معاك اصلى مش شايف الحل بين السطور يعنى ؟؟؟

والكلام المستفز انا مش قصدى عليك خالص انا قصدى على اللى كان بيقول لو فى حرب محدش هيتجمع, انت ايه رأيك لو فى حرب الناس اللى راحت الماتش و انا واحد منهم مش هيتجمعوا لو مصر هتحارب؟؟

المشاركة الأصلية كتبت بواسطة bassamhafez

والله انا ما قصدي ما احترمكش ولا حاجة انا الحمد لله بحترم كل الناس وعلى فكرة انا شايف ان احنا احتدينا على بعض لان الكلام المكتوب ممكن ينقل انطباع غير الكلام المسموع طبعا وعموما خلينا نبدا صفحة جديدة وانا ببدا اهو يا سيدي وبقولك ما تزعلش لو كلامي ضايقك وهقولك ايه هي وجهة نظري بالظبط (وعلى فكرة انا اللي قلت لو قالولكوا تعالوا حاربو مش هاتتجمعوا)

بص يا سيدي

وجهة نظري في الموضوع هو انه الحماس مبالغ فيه جدا لدرجة انه وصل الي اللي انت اكيد شوفته وسمعته قبل الماتش عشان الناس تاخد التذاكر وبعدالماتش من فوضي وخناق وكلام فارغ زي ما انت عارف

وكمان لما يقفلوا الشوارع علينا عشان الساده المبجليين ريحين الفندق في التجمع واحنا ورانا مصالح وغيرة كتير من الفوضى واللا مبالاة اللي موجوده حاليا

ثانيا انا مش قصدي المعنى الحرفي للحرب بس زي ما انت بتقول البلد مبقاش فيها حاجة تسر لا عدو ولا حبيب وحاميها حراميها زي ما انت عارف لو الناس اللي اتجمعت عشان الماتش دي اتجمعت عشان تقاطع سلعة غليت ولا قانون غير عادل كان زمان حالنا اتصلح من زمان لكن احنا نضرب طبق الفول من 7 الصبح ل 7 بليل ونضرب بعض عشان الاهلي غلب الزمالك ونقفل الشوارع على الناس اللي الله اعلم ظروفها ايه في الوقت ده حد عيان ولا واحده بتولد ولازم توصل بسرعة ويولعوا بجاز عشان الكابتن فولان معدي

يا راجل ده احنا مش عارفين لحد النهارده زويل بينزل مصر امتى ده لو كان اصلا طايق ينزلها

وطبعا مش المقصود بالكلام ده هو انت بالذات لا بس 99 في الميه كده

الملايين اللي بتتصرف في الدعايه والاعلان وروحو شجعوهم عشان تعرفوهم وفي ناس فعلا هما اللي محتاجين نعرفهم عشان نساعدهم بقرش عشان مش لاقيين لقمه حاف يكلوها

انا مش عرابي ولا سعد زغلول بس حالنا بقى مقلوب يا دكتور ومش قفيونة الكورة الفاشلة اصلا بتاعتنا هي اللي هتعدل المايله

هو ده قصدي

انا مع حضرتك جدا كل السلبيات دى موجوده فعلا بس انا واثق ان لو فى هدف الناس تتجمع عليه كده صدقنى محدش هيتأخر ابدا بس الناس محتاجه اللى يحركها و يشجعها , انا بحب الكوره و رحت المانش بس اكيد معترض على اللى بيحصل و على كل اللى حضرتك قلته بس ده مش معناه ان كل اللى بيحب الكوره هايف و المفروض يسيبها و يعمل حاجه مفيده و كده يعنى
عموما انا اسف لو كنت اتكلمت بحده شويه و اتمنى فعلا نفتح صفحه جديده