الموضوع: اليوم الساعة 6:50 صباحاً أمام سور النادي الأهلي

اغلب الناس معرفتش تجيب تذاكر اخويا نزل من 7 الصبح رجع7 بليل شكله فظيع ومتبهدل زي ميكون كان بيتخانق وفي الاخر مجابش حاجة ويقولوا انفلونزا خنازير دي الناس كانت فوق بعض كان لازم حد يفرق التجمعات دي بس بعقل مش بضرب
والتذاكر اتسربت سوق سودا من نادي الزمالك والاهلي ونوادي تانية وقبضوا تقريبا علي واحد في نادي الزمالك

المشاركة الأصلية كتبت بواسطة sarah5

والتذاكر اتسربت سوق سودا من نادي الزمالك والاهلي ونوادي تانية وقبضوا تقريبا علي واحد في نادي الزمالك

يعني إشمعنى دي اللي عايزينها تمشي صح

ما هي لازم تمشي زيها زي كل حاجه تانيه ماشية في البلد و بنفس الأسلوب

طالما مفيش رقابة على حد و كل حرامي بيعمل اللي هو عايزة من غير حساب

المشاركة الأصلية كتبت بواسطة zazu

الرد ده مستفز جدا لأ هنتجمع و هنحارب و هننتصر الكوره مش عجباك ماشى ده رأيك لكن تقول كده لأ
واللى بيقول احنا بنستفيد ايه من الكوره انا عن نفسى بستفيد ان فى حاجه بتفرحنى بعد الذل اللى بشوفه فى كل حته فى البلد حكومه ,غلاء ,سرقه , معامله غير ادميه فى اى مكان , ده حتى الكليه بنشوف فيها المر
ممكن حضرتك تحكيلى من وجهت نظرك ايه فى مصر بنستفيد منه وولادنا واهلنا بيستفيدوا منه و انا من بكره هعمل زيك

طيب لو الفريق اللى بتشجعة خسر هتفرح بردة؟
لو الناس اتجمعت ايد واحدة زى مابتتجمع فى الكورة والماتشات مش هيبقى فى غلاء ولا سرقة ولا معاملة غير ادمية

أرسل أصلا بواسطة ahmed anwer
يا جماعة الناس اللي بتقول هنستفيد أيه
و الأخوة اللي هيدخلوا الصلاة و كمان شوية تحرير القدس
ده كلام مش منطقي
مش لازم اللي بيحب الكورة يكون مش بيهتم بالصلاة
مفيش تناقض بين الرياضة و الدين
و عايز أقول أن كنت في مباراة سنة 98 و عادي صلينا جماعة في الاستاد
و فاكر ساعتها الريفيوهات اللي كانت بتيجي في القنوات العالمية كانت مأكده عالنقطة دي و متصوره يعني يعتبر صورة ممتازة للمسلمين
فمعلهشي مادام محدهش بيعمل حاجة حرام فبلاش خلط للأوراق
بخصوص الأخوة اللي بتقول هنستفيد أيه ؟
اللي بيسمع موسيقي عبارة عن خبط و ترزيع و صويت بيستفيد أيه؟
اللي بيحب يتفرج علي لوحة عبارة عن شوية لخابيط هيستفيد أيه ؟
اللي بيقعد علي المنتدي 12 ساعة كل يوم هيستفيد أيه ؟
هواية زي أي هواية و مادام انها هواية مشروعة فهو بيستفيد بيها مش عشان مش هوايتك تسفه منه
و كرة القدم من الهوايات الجميلة اللي بتشوف فيها معاني كفاح و مهارة و موهبة و نصر و هزيمة و ظلم و عدل ،، عشان كده هيا اللعبة الأولي في العالم
مش ذنب محبيها ان غيرهم مش بيحبها و مش بيفهمها
و بالمناسبة لو وصلنا إن شاء الله لكأس العالم الفلوس اللي هناخدها بس من الفيفا هتغطي كل المصاريف اللي مضيقاكم و بمكسب محترم كمان
و اعتقد حتي لو موصلناش فالكورة بتصرف علي نفسها بنسبة كبيرة
زي المطرب اللي بياخد ملايين في ساعتين زمن أو أي صاحب موهبة خاصة
و ده في كل الدنيا مش في مصر بس
أرزاق بقه

كل الكلام اللى اتقال محدش ضد الرياضة وانة يكون عندة هواية بالعكس دة شئ كويس بس اللى مش كويس ان الموضوع يتقلب هوس وجنون عند بعض الناس
انا لما بقعد اسمع موسيقى ولا اتفرج على فيلم او اقعد على النت او حتى العب رياضة الحاجات دى كلها انا بعملها لنفسى انا اللى بعملها وانا اللى هستفيد
انما اية وجة الاستفادة انى اقعد اتفرج على لعيبة بيجروا ورا كورة , انت نفسك لو لعبت كورة مع اصحابك هتستفيد اكتر
اية وجة الاستفادة انى اقعد 90 دقيقة بحرق فى دمى ؟
اية وجة الاستفادة انى ابيت فى الشارع واتبهدل علشان اجيب تذكرة .. مانا لو بحب الكورة اوى ولازم اتفرج على الماتش مقعد فى اى حتة اتفرج (كافية , بيت , اى مكان)
اية وجة الاستفادة ان لو الفرقة اللى بشجعها كسبت انزل ارقص واهيس فى الشارع والشوارع تتقفل اكتر ماهى مقفولة والناس متبقاش عارفة تنام (المشاهد اللى بنشوفها فى الشارع بعد الماتشات)
اية وجة الاستفادة ان لو الفريق اللى بشجعة خسر انزل اشتم واسب والعن وكل واحد يقعد يحلل ويعدل على طريقة اللعب واكمل حرق فى دمى
ايو وجة الاستفادة لو مصر كسبت؟ هتطلع كاس العالم .. اظن كلنا عارفين النتيجة ومش هنضحك على نفسنا ... الملايين اللى بتتصرف على النوادى واللعيبة البلد بتستفيد فيها ازاى
لما يوصل الموضوع انة ممكن يتحول لأزمة سياسية بين بلدين مسلمين يبقى اية الفايدة للبلدين
لما تبقى بلد مديونة وفيها ناس مشردين ومش لاقيين ياكلوا وبتصرف ملايين على الكورة ومعظمها فى حسابات اللعيبة يبقى اسمة اية؟؟
اية شغلة لاعب الكورة؟؟ اية اللى بنستفيدة من وراة علشان ياخد المبالغ دى؟؟ دة انت لو عالم وعايش فى مصر مش هتاخد لا فلوس ولا احترام زى لاعب الكورة
بلاش الناس اللى حاربت والناس اللى استشهدت فى الحرب علشان تدافع عن البلد.. حد يسمع عنهم ؟ اية التكريم اللى اخدوة ؟ حد عملهم حاجة؟
مش عيب ان يكون ليك هواية .. محدش هيقولك حاجة لو عايز تؤذى نفسك انت حر بس متؤذيش حد تانى علشان انت تفرح

المشاركة الأصلية كتبت بواسطة zazu

بس بصراحه فى ردود كتير مستفزه و مطلعين اللى بيتفرجوا على الكوره كفره !!!!!!

محدش قال انهم كفرة بس فى ناس الموضوع زيادة عندهم حبتين تلاتة ولا انت مش معايا؟؟
عايز تتفرج عايز تروح الاستاد انت حر بس متؤذيش حد
هل الماتش ايا كان يستاهل انك تقعد تحرق فى دمك وتتخانق وتزعق؟

دة اللى بنتكلم فية...