مش عارفة و لا قادرة أتواءم مع السواقة يوميا في الزحمة :N_no[1]:
إمبارح البلد كلها كانت على بعضها و شوارع عمرها ما بتتزحم كانت مقفولة!
خلااااااااااااااااص أعصابي تعبت بجد.إ
أعمل إييييييييييييييييه؟
عرض للطباعة
مش عارفة و لا قادرة أتواءم مع السواقة يوميا في الزحمة :N_no[1]:
إمبارح البلد كلها كانت على بعضها و شوارع عمرها ما بتتزحم كانت مقفولة!
خلااااااااااااااااص أعصابي تعبت بجد.إ
أعمل إييييييييييييييييه؟
ربنا يقويكي البلد فعلاً بقت زي الزفتاقتباس:
مش عارفة و لا قادرة أتواءم مع السواقة يوميا في الزحمة http://www.nilemotors.net/nile/image..._no%5b1%5d.gif
إمبارح البلد كلها كانت على بعضها و شوارع عمرها ما بتتزحم كانت مقفولة!
خلااااااااااااااااص أعصابي تعبت بجد.إ
أعمل إييييييييييييييييه؟
بس الحمد لله قدرت اتغلب على مشوار الشغل
انا ساكن في فيصل و شغلي في ابو رواش
المشكلة و انا راجع بيبقى الطريق زي الزفت المحور بيبقى واقف حوالي 7 كيلو غير بقى لما انزل جامعة الدول و بين السرايات او ميدان الجيزة كنت باخد حوالي ساعتين او ساعتين و ربع
اتغلبت عليه ازاي
أكتشفت طريق من جوة حتة أسمها كرداسة و بطلع منه على حتة أسمها صفط اللبن و بعد كدة ش العشرين في فيصل و بعد كدة شارع اسمه الملكة و بعد كدة حمد الله على السلامة هو الطريق ده محفوف بالمخاطر علشان الطريق فردة واحدة رايح جاي و اغلبة عربيات تريلات و مقطورات بس وفر معايا حوالي ساعة تقريباً
حاولي تدعبسي على طريق مش عمومي تروحي منه علشان غالباً الطرق الداخلية بتبقى ماشية عن الطرق العمومية
ربنا يصبرك و يقويكي
يا أ. علا يا تستحملي يا تركبي مواصلات
واكيد عربيتك ارحملك من اي حاجة تانية
ده غير ان احنا المفروض في الشتا ارحم من حر الصيف في عز الحر
نصيحة حاولي تتعودي ع الموضوع اكنها حاجة عادية
اقفلي ازازك شغلي كاسيتك استجمي ولا اكنك في احلي مصيف
وربنا يعينا
انا عن نفسى بعمل مخطط المشى
يعنى بعرف الشوارع الزحمة وامتى زحمتها
زى كوبرى اكتوبر بيكون زحمة من العصر للمغرب فى اتجاه مدينة نصر
يبقى ابعد عنه
ساعات بفكر قبل مانزل
المشوار سهل ولا صعب والركنة ايه ظروفها
انا اعرف ان شغلك فى احمد عرابى
جربتى تستعملى كوبرى روض الفرج لانه مش زحمة وومكن منه تدخلى على السودان او الكيت كات ثم احمد عرابى
ممكن اعرف الطريق ده
انا اللى اعرفه
1 - مطلع الدائى من صفط ثم المحور
2 - الطريق اللى عند حازم حسن اللى يودى على الدائرى واسكندرية الصراوى لو راجع
3 - وفيه طريق من ميدان الرماية و بيوصل لاخر ابو رواش والقرية الذكية
هوة اوله مطبات وفيه ميكروباصات ونص نقل
بس مش عارف ده اللى قصد حضرتك عليه ولا قصدك حاجة تانية وياريت شرح لو هوة ازاى ادخل منه على العشرين وصفط
والف شكر على مجهودك
ايوة هودهاقتباس:
- وفيه طريق من ميدان الرماية و بيوصل لاخر ابو رواش والقرية الذكية
هوة اوله مطبات وفيه ميكروباصات ونص نقل
بس و انت راجع بقى مش بتكمل للأخر لحد ميدان الرماية
في ميدان كدة على ناصيتة تمثال بتاع حصان واقف كدة ( حصان جبس ) بتدخل منه شمال تفضل ماشي على طول لحد ما تلاقي تمثال بتاع حصان تاني نفس الشكل تدخل منه يمين لحد ما تلاقي كوبري على ايدك الشمال تدخل من الكوبري ده و تفضل ماشي على طول لحد صفط اللبن و تقوم داخل يمين و تفضل ماشي على طول لحد ما تلاقي ش الملكة و منه لشارع العشرين و حمد الله
على السلامة
طبعاً انت أكيد توهت صح
انا كنت كدة في الاول ما اعرفش امشي في الطريق ده لوحدي
لحد ما علمته بالحصانين دول و الحمد لله دلوقتي
لازم حد من كرداسة يبقى معاك اول مرتين ثلاثة و بعد كدة توكل على الله لوحدك
هو الطريق مقرف مطبات و تريلات و نص نقل بس مش بيقف خالص و دي ميزة
علشان انا عندي استعداد امشي في طريق مكسر بس سالك و اوصل بسرعة
لو لقيت خريطة على جوجل ايرث هنزلهالك
ربنا يحفظنا جميعاً
ممكن التنويع..... يعنى شوية عربية، ومع زيادة الاحساس بالخنقة اليومية، يتم استخدام التاكسى كام يوم حتى تستريح الاعصاب من عناء القيادة ثم الرجوع الى السيارة، وهكذا.....
فعلاً البلد وشوارعها بقت تحرق الدم والناس
مش عايزة تتحرك كله عينه على اكصدام اللى امامه
ويتحرق الشارع
أنا اتعودت خلاص علي الزحمه
للأسف الموضوع مالوش حل
انا مش هقول غير الحمد لله ان عندي عربية علي الاقل اترحمت من زحمة المواصلات هي دي بقي البهدلة علي حق
بالنسبة لزحمة البلد والسواقة فخلاص بجد الواحد اتعود وبالذات اللي ساكنين في فيصل والهرم بقي عندنا حصانة ضد الزحمة
ظباط المرور حفظوني وانا حفظتهم من كتر ما بقف قدامهم بالساعة علي متفتح الاشارة
انا كنت عصبية جدا قبل ما اسوق الزحمة عملت معايا نتيجة عكسية بدل ما اتعصب اكتر بقيت اهدي شوية يعني استفادت
وكل اللي تقدري تعمليه انك تنزلي قبل ساعتين او تلاتة من معادك بمنتهي الهدوء
او تكبري دماغك وتنزلي براحتك وبرده بمنتهي الهدوء اتعودي
لاء ده كوبري صغير كدة فوق ترعة و تمشي فيه على طول هتلاقي الدائري الجديد الي لسة ما خلصش بتاع صفط ( الجديد الي جاي من شارع السودان )اقتباس:
لف شكر ليك على التعب والمجهود
سؤال
اطلع الكوبرى يعنى
وهل ده الدائرى ولا كوبرى تانى
نصيحة بلاش اول مرة تعملها لوحدك
لو عايزني استناك في يوم و اوريك الطريق ده انا تحت امرك
انا بخلص شغلي الساعة 5
اه والله يا علا دي بقت حاجه تخنق
من كام يوم كنت في مشوار وراجع من وسط البلد واخدت بتاع ربع ساعه زياده من كتر الزحمه :Ka_che1[1]:
وبرضه ابقي ماشي علي الكرونيش لوحدي بالعربيه ومفيش حد ورايا ولا قدامي
وتلاقي واحد معدي بسرعه من جنبي ومفيش فرق 10 سنتي بين عربيتي وعربيته
السواقه في اسكندريه بقت حاجه ممله
(ايموشن واحد شمتان وغلس )
بجد ربنا يكون في عون سكان القاهره حاجه تقرف انا عن نفسي لما بيكون ليه مشوار بحاول يكون مشواري جمب محطه مترو وبركن عربيتي واركب مترو صحيح بتطحن فيه بس والله اسرع واسهل من السواقه في القاهره
انا كتير برضه ابقى زهقان جدا جدا من كتر الزحمة
بس امبارح بالتحديد حسيت ان زحمة القاهرة دي من رحمة ربنا بينا .. كنت على كوبري الساحل قادم من امبابة لشبرا وشفت على الناحية التانية عربية بتخبط سواق تاكسي كان راكن على جنب فوق الكوبري وواقف فاتح الكبوت من الجنب وبيصلح عربيته
حسيت ساعتها ان الزحمة دي رحمة بينا لأن الناس اتجننت في سواقتها وكل واحد بيلاقي 100 متر فاضيين بيطير فيهم والحوادث كترت جدا جدا سواء عربيات مع عربيات او عربيات بتخبط مشاه .. حاجة تعقد .. ربنا يرحمنا برحمته
الظاهر ان الواحد المفروض يتعود على إن الزحمة هو الوضع الطبيعي و غير ذلك هو استثناء.
النهاردة العملية في مدينة نصر كانت مووووت بمعنى الكلمة مش عارف ليه يمكن عشام تذاكر الماتش !! مش عارف
جاتلي اخبار دلوقتي ان المحور مقفول و ميدان لبنان و المهندسين كله زي الزفت
انا لسة في الشغل و شكلي هروح من الطريق اللولبي بتاعي ده
هو كان كده فعلا و انا راجعة من الشغل يعني ع الساعة 4 و نص تقريبا. معقولة لسه مقفول لحد دلوقتي؟ :U_thin1[1]:
كل ده بسبب بيع تذاكر الماتش في نادي الزمالك. و انا معدية من قدامه النهاردة كان فيه أمن مركزي و إزاز متكسر و أمواج من البشر واقفين قدام بوابته.
:stink[1]::stink[1]:اقتباس:
هو كان كده فعلا و انا راجعة من الشغل يعني ع الساعة 4 و نص تقريبا. معقولة لسه مقفول لحد دلوقتي؟ http://www.nilemotors.net/Nile/image...in1%5B1%5D.gif
كل ده بسبب بيع تذاكر الماتش في نادي الزمالك. و انا معدية من قدامه النهاردة كان فيه أمن مركزي و إزاز متكسر و أمواج من البشر واقفين قدام بوابته.
أنا عايز اروح
ماشى من الشغل فى الجيزة الساعة خمسة إلا عشرة
أوصل مدينة نصر الساعة 7 و من الدائرى............ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
يا بلد تيييييييييييييييييييييييي ييييييييييييييييييييييييي يت
اطلع على الصحراوى
وخش من جنب حازم حسن
وهتلاقى طريق واسع
كمل فيه هتلاقى نفق
عدى من تحته ثم شمال ( انت كدة بتعدى من تحت الدائرى )
وهتلاقى نفسك على وصلة الدائرى اللى بتنزل على الصحراوى
بس ما تحدفش شمال لان نزلة الصحراوى يمين وانت هتنزلها واليمين بيكون ماشى عن الشمال
بس
لو الدائرى واقف دى بتكون واقفة
بس هيا مش طويلة
وممكن تاخد المحور
وتطلع الدائرى لحد منزل صفط اللبن
تنزل منزل صفط
وترجع من تحت الدائرى وتدخل يمين
هتدخل على كفر طهرمس ومنه تقدر تروح ش فيصل او ش الملكة
انا عن نفسى بقفل الزجاج واشغل موسيقى كلاسيك واعيش مع نفسى علشان متخنئش من الزحمه ولا اعد اقول يابن التييييييت لسواقين الميكروبصات وغيرهم على المهازل اللى بتحصل طول منا ماشى واخرج راسى من الازاز واقل ادبى بئفل واسيب السيرك شغال بفكراته المتعدده
استحملى وامرك الى الله وحاولى تخدى الطريق اكنك راحة رحلة مش روتين بتعمليه كل يوم واستمتعى وصدئينى هتتعلمى كل يوم حاجه جديده من السيرك وتتفرجى على فكرات هتعجبك وبلاش كمان
ربنا يكون فى عونك البلد بقت زحمة جدا الحل ان يرخصو العربيات الطائرة بس برضو حنلاقى السما زحمة
اقتباس:
لو ناوي تروح الشغل بكرة انا شايفة انك تخليك في الشغل أحسن.. كلها كام ساعة و تلاقي نفسك مضطر تروح المشوار ده تاني.. هو بس سواد الليل، قضيه في الشغل و خلاص
أنا روحت و جيت تاني :36_1_58[1]:اقتباس:
اطلع على الصحراوى
وخش من جنب حازم حسن
وهتلاقى طريق واسع
كمل فيه هتلاقى نفق
عدى من تحته ثم شمال ( انت كدة بتعدى من تحت الدائرى )
وهتلاقى نفسك على وصلة الدائرى اللى بتنزل على الصحراوى
بس ما تحدفش شمال لان نزلة الصحراوى يمين وانت هتنزلها واليمين بيكون ماشى عن الشمال
بس
لو الدائرى واقف دى بتكون واقفة
بس هيا مش طويلة
وممكن تاخد المحور
وتطلع الدائرى لحد منزل صفط اللبن
تنزل منزل صفط
وترجع من تحت الدائرى وتدخل يمين
هتدخل على كفر طهرمس ومنه تقدر تروح ش فيصل او ش الملكة
بس قعدت اتدلع شوية في بنزينة أمارات مصر
يعني فولت و ظبط الكاوتش ( ده لوحده نص ساعة علشان كان زحمة) و دخلت شربت لاتيه و مشيت من أمارات مصر على الساعة 9.5 و وصلت بيتنا الساعة 11 من المحور و المهندسين
الحمد لله
ربنا يقويني انهاردة علشان همشي من الشغل الساعة 5 و المشكلة و انا جاي من عند نادي الزمالك دلوقتي كان فيه طوابير انا بقول كدة علشان الي ناوي ياخد المحور في اتجاه ميدان لبنان يبقى عامل حسابة انه ممكن يبات بره
كنت عايز احط بنزين و ازود العجل في امارات مصراقتباس:
ما دخلتش من الدائرى ليه
ونزلت من صفط
و كسلت ارجع الطريق ده كله تاني ( كلام في سرك الطريق ده باليل يخوف ) احنا في واحد بندفعله اتاوة في المصنع كل شهر 700 جنيه علشان يحمينا بس مع ان عندنا في المصنع طقم أمن كامل و كاميرات مراقبة و كدة
و كان في قصة سمعتها اول ما المصنع فتح الراجل ده جه و ما رضيوش يدوله حاجة
تاني يوم لاقوا مكنة مسروقة تمنها 860000 جنيه
تعرف ايه الي حصل
اشتروها منه بـ 50000
اه و الله
يعني لو ما مشتش قبل الساعة 7 اخاف امشي في الطريق ده
لا انا مش قصدى ده
انا قصدى تطلع المحور
ثم الدائرى
وتنزل منزل صفط
وترجع من تحت الدائرى وتدخل يمين
هتدخل على كفر طهرمس ومنه تقدر تروح ش فيصل او ش الملكة
البلد كانت وحشة جدا جدا الاربعاء و خاصة اكتوبر و صلاح سالم
انا كل مشكلتي في المحور بنسبة 80% و المهندسين بنسبة 20%اقتباس:
لا انا مش قصدى ده
انا قصدى تطلع المحور
ثم الدائرى
وتنزل منزل صفط
وترجع من تحت الدائرى وتدخل يمين
هتدخل على كفر طهرمس ومنه تقدر تروح ش فيصل او ش الملكة
يعني لو عديت المحور بعتبر نفسي روحت ( أنا ساكن في اول فيصل من ناحية الكوبري )
انا مجربتش اطلع الدائري بعد المحور بحس انها حتبقى لفة كبيرة
لما بروح من المحور بنزل المهندسين او شارع السودان
الزحام في مصر- والقاهرة الكبرى بصفة خاصة- اصبح امر واقع...
الحل...
1- الطرق الفرعية البديلة...يعني انا مثلا بعدي من تحت كوبري فيصل بجانب شركة الشرقية للدخان ومنه لشارع الهرم لكي اتجنب ميدان الجيزة
2- اختيار الوقت المناسب للتحرك وتجنب اوقات الذروة...ممكن مثلا توصل قبل معاد شغلك بساعة...ممكن تستغل الوقت ده في اي حاجة...تفطر...تقرا الجرايد...تقرا قرآن...تدخل على النت لو معاك لاب توب...اي حاجة تستغل بيها الوقت...و الوقت ده كده كده كان هيضيع في الزحام والشد العصبي...
3- اذا كان ولابد تتحرك في وقت زحمة...يبقى برضه تستفيد من الوقت...انا مثلا بعمل مكالماتي خلال الطريق- باستخدام السماعة طبعا- ممكن لو بتدرس تجيب محاضرات تسمعها على كاسيت العربية...
عارفين يا جماعة لو قدرنا نستغل وقتنا ونستفيد منه اظن الوضع هيبقى احسن بكتير...يعني الواحد يحاول يتعايش مع الأمر الواقع ويخرج منه مستفيد كمان.
بالمناسبة...
في ناشيونال جيوجرافيك بيقولوا ان معدل الحركة داخل لندن بجلالة قدرها,لا يزيد عن 12كم في الساعة
الزحمه وضع قائم ولا محاله للتغير لانه ياما يصلحوا الطرق وقبلها لازم نصلح سلوكنا فى السواقه لازم نتثقف مروريا وده مستحيل
يبقى نتاقلم على كده وربنا يعيننا على ما بالانا
يا سلام عليك يا أخ asbeats , بتعجبنى دماغك .. انت بتحلق فين ؟؟؟
بهزر معاك طبعاً , بس بجد بتعجبنى أرائك فعلاً ..
عين العقل فى موضوع الزحمه ...
و بمناسبة أن الشئ بالشئ يذكر أحب أقولك إن أنا كمان مغرم متيم بقناة ناشيونال جيوجرافيك و من قبلها الجزيره دكيومنت - آى والله غاوى من زمان ..
وعلى قد ما بكون مستمتع و منفصل عن الواقع أثناء بمشاهدة القنوات دى , على قد ما بكون حزين على حالنا ...
أكيد فاهمنى .. برامج عملاقه - تصليحات ضخمه - و كل البرامج العلميه اللى من النوع ده ... يلا نصيبنا كده نتفرج و بس...
فعلا ناشيونال جيوجرافيك جميلة اوي
ههههههههههههههههههههههههه هههه
شكرا على الكلمتين الحلوين دول...ربنا يريح بالك يا رب
وبمناسبة ناشيونال جيوجرافيك...القناة دي فعلا تستحق ان الواحد يتسمر قدامها طول اليوم...بجد ضربة معلم من ابو ظبي...قناة محترمة وسط طوفان من القذارة المرئية والمسموعة
صحيح جابتلي كلاكيع نفسية كتيييييير...بس الواحد بيحاول يتعلم من الناس دي ازاي يجتهد ويفكر بطريقة عملية...ويحاول يطبق كده في حياته
+111111111111111111111111