السلام عليكم ورحمة الله وبركاته
كل سنه وانتم طيبين وزي اليومين دول نكون جمعا في عرفات
ارجو من اخواني البيتلزاويه الافاده في عداد البيتلز او امبير البنزين اللي جوه العداد هل هو بيتباع لوحده ولا العداد كامل ولو كده او كده يبقي تقريبا لو كامل منين وعند مين وسعره تفريبا يكون بكام وارجو من اخواتي في الله اماكن اللي ممكن بيتباع فيهم بالتفصيل وهل هو في منه جديد ولا استيراد واكون شاكر ليكو جدا جدا
وكل سنه وانتم طيبين
[info]تم تغيير العنوان ليتناسب مع محتوى الموضوع
مشرف الأوروبى 2[/info]
السلام عليكم
انا كنت اشتريت واحد استيراد من شارع فيصل
من حوالى سنتين كان عامل 80جنيه عداد كامل
وماينفعش بنزين لواحده
بس بصراحه مش فاكر اسم المحل
لكن انت لو روحت هناك فى بتوع قطع غيار
فولكس كتير وان شاء الله هتلاقيه
كمان انا شوفته جديد عند خطاب اللى جنب محمد
على الميكانيكى بس ماعرفش سعره كام
وعلى فكره انت ممكن تلاقى عند الميكانيكى واحد مستعمل
اقتباس:
المشاركة الأصلية كتبت بواسطة hashem1999
والله يا ابوهاشم الواحد يشكر حضرتك ازاي بجد والله الواحد عاجز وشكرا لمعلومه حضرتك وكل سنه وانت طيب
ممكن تكون المشكله فى العوامه مش أمبير البنزين
اقتباس:
المشاركة الأصلية كتبت بواسطة ahit
شكرا لردك ولمورورك
بس انا كشفت عليها وطلعت العوامه سليمه والامبير هو اللي بايظ
انا عندى نفس المشكلة دى بس حضرتك اتأكدت منين ان العوامة سليمة والامبير هو اللى بايظ !
اقتباس:
المشاركة الأصلية كتبت بواسطة semam
انا فكيت يا باشا العوامه وجربتها عند الكهربائي وهو قالي انها سليمه
وبعدين لما قفلنا علي الامبير ما وصلش للفول اصلا وده معناه ان العوامه سليمه والامبير هو اللي بايظ علشان كده مش بيوصل الي الاخر اول ما تعمل عليه قفله
على فكره انا كان عندى نفس المشكله ورحت للكهربائى وقام فاصل العوامه وقاعد يقولى بص على العداد لقيته عملو فول وبعد كده جابه على الاخر المهم انو العيب طلع فى العوامه من غير ما يجرب العوامه على عربيه تانيه
نفس المشكله دى كانت عندى
وروحت لكوستا بتاع العدادات 3مرات
ومافيش حل وفى الاخر عودت نفسى على كده
وبقيت من الممارسه بعرف التانك فيه قد ايه
اقتباس:
المشاركة الأصلية كتبت بواسطة shreef79
انا المشكلة دى مازالت قائمة عندى وتقريبا سعر العوامة 100 جنية بس لسة مغيرتهاش لحد دلوقتى
انا بفكر اعمل زي ابو هاشم لاني تقريبا ممكن اروح اديها بنزين كل ما امشي 200 ك وافولها تاخد مره 22 لتر ومره 26 لتر علي حسب بقي والحمد لله ماشيه بدل سعر العداد كامل
والله كده احسن وهتريح دماغك
و ده اللى انا بعمله دلوقتى بعد ما زهقت من بتوع العدادات و العوامات
الحمد لله مش لوحدي اخوانا البيتلزاويه الكبار انا طلعت بعمل زيهم
انا عندى العداد بيقيس غلط يعنى ممكن يكون فى النص بالظبط والعربيه تكون ناقصه 12 لتر ولا حاجه -- ده عيب العداد ولا عيب عوامه ياجماعه؟؟
مشكوووووور والله يعطيك الف عافيه
غالباً ملف العوامه عاوز يتلف تانىاقتباس:
انا عندى العداد بيقيس غلط يعنى ممكن يكون فى النص بالظبط والعربيه تكون ناقصه 12 لتر ولا حاجه -- ده عيب العداد ولا عيب عوامه ياجماعه؟؟
ممكن السلكه بتاعت العوامه تكون متنيه وعاوزه تتفرد وتكون عدلهاقتباس:
المشاركة الأصلية كتبت بواسطة ramremo
الله ينور عليكو يا بشوات
طبعا بعد كلام اخونا الاستاذ احمد والاستاذ هاشم مفيش كلام يتقال خالص
جزاك الله خيراً يا أحمد يا جلال
العداد بتباع فى شارع فيصل عند الشيخ محمد فى شارع المساكن نهايه كوبرى فيصل او عند الحاج سعيد اوفه وثمنه فى حدود 100 جنيه
جزاك الله كل خير
جزاك الله خيراًاقتباس:
العداد بتباع فى شارع فيصل عند الشيخ محمد فى شارع المساكن نهايه كوبرى فيصل او عند الحاج سعيد اوفه وثمنه فى حدود 100 جنيه
و يا ترى العوامه عنده بكام ؟؟؟