بولو سيدان ولا سبيرانزا a516?

**BLOODY_STONE** · 11-11-2009 11:13 AM

ارجوكم يا جماعة تفيدومي مين احسن ... و لو في عربيات تانية في نفس رينج السعر ده قولولي

**FaWzY86** · 11-11-2009 12:48 PM

أنا شخصيا لو هاشتري هاجيب A516
و بعدين البولو سيدان مش في نفس رينج الA516
العربيات اللي في رينج الA516 هي الفيرنا و اللانوس والرينو لوجان
اما لو الرينج بتاعك لحد ال80 الف يبقى عندك التيجو 1600 و الGen 2 H أو البيرسونا و الرينو سيمبول و أول فئة من الفيات لينيا، أو الM11

**BLOODY_STONE** · 11-11-2009 07:26 PM

طب لو فرضنا اني معايا تمن البولو السيدان ... مجبهاش ليه؟

**FaWzY86** · 11-11-2009 10:48 PM

مشكلتي مع البولو سيدان قد تكون فردية، و هي نفس العيب اللي في البيجو 206 سيدان
العربية مصممة على انها هاتشباك أساسا و معدلة لتكون سيدان، و بالتالي بيظهر الفرق في الشكل و الأداء

معنى ان عربية من فولكس بالسعر ده يبقى أكيد فيها حاجة لأن ده مش رينج الفولكس الألماني نهائي، دي حتى أرخص من السوران اللي هي برازيلي أصلا و مصممة للعالم الثالث

أهم سبب لاستبعاد البولو سيدان هو عدم انتشارها اللى بيؤدي الى عدم توفر قطع غيارها و ارتفاع سعرها، و كده كده أسعار قطع غيارها لازم تكون في مستوى أسعار قطع غيار الفولكس الطبيعي

عموما دي كلها اسباب ممكن تكون عادية في وجهة نظرك، و لكنها كفيلة انها تخليني أنا شخصيا استبعدها، و مستحيل أفكر فيها لمجرد انه يبقى اسمي راكب فولكس، و زي ما قولتك انه في نظري انا شخصيا التيجو شكلا أقيم كتير من البولو سيدان، و لكنها مسألة أذواق طبعا

**BLOODY_STONE** · 12-11-2009 01:26 AM

طب هي التييجو 1600 حلوة؟؟

**BLOODY_STONE** · 12-11-2009 01:30 AM

و هي دفع رباعى ولا خلفي ولا ايه؟

**FaWzY86** · 12-11-2009 09:20 AM

أنا لحد النهارده مش متأكد اذا كان موتور 1600 كويس على التيجو ولا لأ، بس هو نظريا كويس و كافي جدا، بس أكيد أي حد من ملاك التيجو 1600 يقدر يفيدك اكتر مني

بخصوص الدفع، ال1600 دفع أمامي فقط