الموضوع: لماذا يرى الحمار الشياطين ويرى الديك الملائكة؟؟؟

المشاركة الأصلية كتبت بواسطة MoToRiZeR

بص بصراحة انا مش مقتنع .
لأن النور أو الضوء بيضم جميع أنواع الأشعة فوق الحمراء و تحت الخضراء و بين البنفسجية و فوق المحشية .
كما أن المفروض الجن مخلوق من نار و لكن إحنا منعرفش ماهيته .. يعني ممسكناش جن قبل كدة و عملنا عليه كونسولتو تشريحي و لقينا إنه لا يري إلا لمن يري الأشعة تحت الحمراء .. بلاش .. الأجهزة اللي بتكشف الأشعة تحت الحمراء المفروض كدة بتشوف الجن !؟
و مش شرط يعني .. إحنا المفروض مخلوقين من طين بس لو حطيت في شعري بذرة و بليته و قعدت في الشمس مش هصحي ألاقي وردة طالعة من دماغي .

+1

المشاركة الأصلية كتبت بواسطة m.mostafa80

سؤال صغير بعد اذن حضرتك ايه اللى انت مش مقتنع بيه الشيطان فعلا مخلوق من النار والملائكه من النور ورسول الله لا يكذب مدام الحديث صحيح ما هو وجه أعتراضك

طبعا مقتنعين بس انا مش مقتنع ان الجن اشعة تحت حمراء و لا الملائكة اشعة فوق بنفسجية

مفيش حاجة في القرآن و لا السنة و لا علم الاحياء و لا علم الفيزياء بيقول الكلام الفارغ ده
و الاستنتاج العلمي اللي في الموضوع هش و سهل تكسيره

انا عندي كاميرا فيها Night Vision بتشوف بالاشعة تحت الحمراء ..... هل كده انا ممكن اصور جن؟؟؟؟؟؟؟؟؟

المشاركة الأصلية كتبت بواسطة human12

انا مش فاهم جدوى التعامل مع الحديث و القران الكريم زى مايكونوا كتاب فيزياء او اننا مستنيين حد يقولنا انهم صح

طيب فيه نضارات اشعه تحت حمراء يعنى حضرتك ييجى واحد بالعلم برضه يقولك انا مش شايف شياطين و يقولك يبقى كده الحديث باطل
و ييجى واحد يقولك احنا عملنا كاميرا فوق البنفسجيه و مش بنشوف ملايكه

ايه لازمه التفسير الفيزيائى فى حاجه روحانيه؟!!

ربنا قاللنا نستعيذ و قالنا نشكره امتى

يبقى نسمع الكلام من غير مانقعد نقول حمراء و بنفسجيه و ندى لاعداء الدين فرصه انهم يخشوا فى جدال لا طائل منه

+1

المشاركة الأصلية كتبت بواسطة CryptonX

اه ... موضوع 200 حيبدأ .

يا جماعة بلاش الربط بين الدين و الفزياء .. لو ده حديث صحيح تامن بيه و تصدقه من غير ماتشك و لا تفكر و هو ده الايمان .. انما بلاش ربطه بالعلم .

علشان مع كل احترامي لكاتب الموضوع ( الجين احمر يبقش اشعة تحت الحمراء و الملايكة بنفسجي ) ده كلام ميدخلش عقل طفل !

و بما اننا في منتدى عربيات , ال S-class و ال 7 Series فيهم اشعة تحت حمراء باليل علشان تشوف الناس ... هل العربيات دي حتشوف الجين و الشياطين ؟

انا مش بتريق .. بس ليه دايما الناس بتحاول تثبت حاجات طالما احنا واخدهندا مسلم بيها طول منت مؤمن .

+1