الموضوع: اصحاب العربيات السوداء افيدونى,,

والله انت لو حسبتها هتلاقي كل لون له عيوب ومميزات

أولا هقولك على قواعد عامه كده

لو عربيه صغيرة الحجم اللون الفاتح بكبرها اكتر
لو كبيره اللون الأسود بيعملها فخامه جامده


-----------------

انا اشتريت اسمر لعدة اسباب منها
1- اللون الاسمر الميتالك في عربيتي والكورولا جميل جدا في كسر زجاج بيعمل لمعه خطيره بصراحه
2- الاكصدامات ..... أكيد هتتخربش في بلدنا دي ودي الميزة الجميله في اللون الغامق انها لما تتجرح او تتخربش مش بتبان زي اي لون تاني فاتح
وإيمانا مني ان العربيه الاكصدام اكيد هيخبط في الرصيف من الامام او الخلف عند الركنات او اي حد هيريح عليه في هذه البلد وده كنت مجربه في النوبيرا كان عجبني جدا
فعلشان كده اشتريت اسمر
3- شكله على العربيه بتاعتي حلو

------------------

مشاكله
1- بيبان فيه التراب .............. ةبيني ةبينك كل العربيات في البلد دي بيبان عليها تراب صحيح الاسمر اكتر ولكن التراب موجود موجود
2- الخرابيش بتبان برضه اكتر من اي عربيه تانيه لما تبقى في صاج العربيه
3- طبعا بيشد حراره في الحر اكترمن العربيات الفاتحه وبلتالي بيصعب الامر على التكييف في اول تشغيله بس بعد شويه من تشغيل التكييف مش بتفرق خلاص لكن هو في اول التشغيل فقط


وبرضه في النهايه الموضوع بيرجع لشكل العربيه ومدى ملائمة اللون عليها

بصراحة انا احلى لون عندى فى اى عربية صغيرة او كبيرة هو الأسود

و زى ما قال ابو عبد الله علية من مميزات و عيوب

اشكر كل الاخوة على الردود