السلام عليكم و رحمة الله

ازيكم جميعا يا اهل المنتدى و احلى سلام مخصوص لقسم رينو الجميل

انا محتار فى تركيب الانذار للوجان .... للاسف العربية الرفرف الامامى انبعج مرتين بسبب البشر اللى بتركن و تنام على العربية و هى واقفة .... و مفيش فايدة اول مرة فكيت العجلة الامامية و الكرتيرة بنفسى و عدلت الرفرف .... بس الموقف اتكرر تانى .... انا لسا مكملتش 70 كيلو بالعربية ....

و نزلت اشتريت انذار عشان البنى ادمين تبعد عنها شوية ... بس قولت قبل ما اركبه اسأل التوكيل ... الغلاسة انهم رفضوا يركبوه و اتصلت بمركز صيانة معتمد فى فيصل ... قال ما بنركبش اسال الوكيل ... اتصلت بالمقطم قسم الورش و قطع الغيار نفس الاجابة ولا بيبيعوا اجهزة ولا بيركبوا...
قلت له ازاى يعنى العربية جيدة و انا عاوز آ امنها ازاى يعنى.... قال اصلها ممنوع نركبه و ها يأثر على الكهرباء

و دلوقتى اعمل ايه .... اركبه بره ... خايف ان الكهربائية لسا مش اتعرفوا على اللوجان كويس و يعكوا فيها .... انا عاوز اركبه بنفسى لو ينفع و اعمله بنظافة و اخليه سهل التركيب بكلبسات عشان ما بهدلش العربية

الجهاز spy one way

هل من نصيحة؟
حد عنده مخطط كهرباء السيارة ؟
او حد عنده كهربائى يعمل زى ما انا عاوز؟

شكرا مقدماً