ازيكم يا وحوش انا ساكن في مدينه نصر ، وهروح اعمل الأسبوع الجاي صيانه ال120 علشان العربية قالت لي change oil coming soon ،
المهم دلوقت اروح اي توكيل هنا في القاهره ، علشان انتوا عارفين ان صيانة ال120 دي كبيره اوي ، انا هعل الصيانه الكلية ، فأروح فين واروح لمين بالظبط هناك ، ياريت تنصحوني
روح توكيل العبور هادى وفاضى و فى نفس الوقت كفاءه عاليه اما فرع المقطم زحمه و بهدله و مش حيظبطوا العربيه فى عز زحمه الشغل عندهم وده عن تجربه اكيده
شكرا يا ليون على الرد ، ومستني رأي باقي الوحوش
رأى الشخصى التوكيل فرع العبور
منتحرمش منك يا شاركي
ممكن برة .... حتبقي ب 2000 جنية
ماهوا الفكره يا مومو هعملها بره فين انا مش اعرف ايه الحاجات اللي هجيبها ومن عند مين ومضمون وكده ، لو تعرف ياريت تفيدني بعد ازنك
فين رد باقي الوحوش يا جماعة
11111111111111+اقتباس:
المشاركة الأصلية كتبت بواسطة momo10000
لو هتضمن الى هيعمل يبقى أوفر وأحسن العربية أقدام عنيك وعارف أيه الى بيحصل فيها
مش ضامن القطع ولا الميكانيكى بيقى على الأقل اعمل الضرورى فى العبور أحسن
بعد معاناة الأخ lion
فى واحد كان شغال فى التوكيل بس ممكن يكون بعيد عليك فاتح فى الهرم
عبور أو مقطم
أيه الأخبار عملت الصيانة ولا ياريت الأفادة
عمل الصيانة إميارح فى العبور
و شفته إمبارح فى الطريق و هو راجع من التوكيل و انا راجع من الشغل :)
أظن الميكانيكيون العرب مكان كويس واسعاره معقولة وكمان عاملين خصم اليومين دول على المصنعية
وعلى فكرة ممكن تشوف عربيتك وهيا بيتعملها صيانة وتقف تتكلم معاهم في كل حاجه
اعتقد انه مكان ممتاز
معلش يا وحوش على التأخير - بس اتلبخت شوية بين الشغل وبين العربية : هقولكم عملت ايه اول امبارح في التوكيل في العبور
انا ساكن في مدينه نصر ، فروحت العبور علشان انتوا فضلتوه ليا ، وبصراحه ماندمتش مع ان الميكانيكون العرب كانوا قريبين وكده ، بس روحت عادي ، المهم انا كنت حاجز ميعاد الساعة 9 الصب ، رحت 8 ونص ، والإستقبال قال لي على المشاكل بتاعت العربية وكده اللي انا بعاني منها : اللي هيا كانت
1- صيانه الـ 120 الف
2- صوت عالي في العربية في الخلف ، حاسس اني راكب طياره
3 - صوت تزيقه في الأبواب والتابلوه داه موجود طبعا في كل الميجان
4 -سحب العربية ضعيف
داه اهم حاجة في العربية ، المهم قالوا لي العربية هتخلص الساعة 4 العصر ، وفعلا كانوا عندي ميعادهم خلصوها 3 ونص ، وانا فضلت مستني هناك الـ 7 ساعات :d ،المهم
عملوا صيانه الـ 120 ، وغيروا 14 حاجة في العربية ، مش فاكرهم بصراحه هكتبهم ليكم بكره هنا بالتفاصيل والأسعار ،المهم التكلفة كانت 2805 بعد الضرائب ، بس بصراحه انا بعد الصيانه حسيت اني راكب عربية تانية ، شعور تاني بجد مش حسيته قبل كده ، المهم احلى صدفة لقيتها وانا ماشي علشان تعرفوا تعاون كل اعضاء منتدى الرينو ، انا كنت مرو على الساعة 5 كده ، لقيت واد معاه رينوا ميجان فضي برده ، ماشي جنبي بيشبه عليا ، وانا استغربت صراحة ( الطريق كان واقف ) فلقيت واحد قال لي حد فيكم بيدخل على نايل موتورز ( رفعت ايدي وقولت أنا ) قال لي انا شاركي ، وانا عمري ماشفت اصلا شاركي او كده ، قولت له انا عملت صيانة الـ 120 الف وسلمت عليه على الماشي ومشيت روحت علشان كنت فاصل بجد ومانمتش في اليوم داه اصلا ، بس بجد احلى صدفة قابلتها في حياتي ، وهعمل موضوع عن الصدفة دي ان شاء الله ( تسلمولي معلش طولت عليكم )
بس حبيت اشرح ليكم كل حاجة