الموضوع: انا فى حيره وعايز رايكم بجد لانى زهقت

ياجماعه انا روحت لسمير ريان وحجزت السيراتو الهاى لاين الخليجى وطبعا انا هدفع جزء وهقسط جزء وكنت طالب تقسيط بالنظام الاسلامى طبعا
المهم قالى فى بنك ابو ظبى الاسلامى بيتعامل معاه ومن اليوم ده وانا فى قرف متناهى لدرجه انا قولت مش مشترى عربيات بجد
البنك مطلع عينى ولحد دلوقتى مفيش جديد وكل يوم ورق شكل وكلام يقرف فى حين ان فىى اماكن كتير مريحه عن كده بس معاملتهم مش سليمه شرعا

ومن ناحيه تانيه انا كنت روحت للمحمل من شهر تقريبا ولسه متصل بيا النهارده وجابلى السيراتو وكيل اللى قبل الهاى لاين وعايز يديهالى باوفر طبعا ب 125 الف وجاهزه

فهل اروح للمحمل واخلص نفسى ولا اخلينى مع سمير فى حين انه بيقولى هشترى ضمان من AAA
ولازم فى اول 500 كيلو ولا بعد كده مش هينفع اشترى ضمان خالص

فايه رايكم فى الكلام ده ولو حد مكانى يعمل ايه لانى كل يوم دماغى بتاكلنى ومش عارف اعمل ايه
وحاسس ان العربيه الخليجى من جوه انضف معرفش ليه وشكلها محترم ومتقفل كويس جدا
وارجع اقول لا وكيل احسن وارخص اهى اروح اجيب هاى لاين اغلى ليه فمش عارف بقا
ياريت حد يشاركنى برايه وينصحنى اعمل ايه مع العلم عارف ان الوكيل احسن طبعا لكن عايز رايكم طبعا

المشاركة الأصلية كتبت بواسطة beeso

وكيل over price طبعاً لسة محدش غارب موضوع ضمان aaa دة وطبعاً أهم من دة كلو صلي استخاره وشوف ربنا حيساهلك أنهي وحدة

كلام سليم وربنا يقدم اللى فيه الخير ان شاء الله