انت عايز ايه؟
شكلك عايز تروح! انا لو مكانك هاروح واشوف بس اهم حاجة انك تبقى مركز انها ماتقلبش منك مصلحة اياً كانت ان شاله حتى نص جنية تجيب بيه لب!
مين عارف يمكن تكون زميله جيدة وربنا يوفقك بعدين!
انت عايز ايه؟
شكلك عايز تروح! انا لو مكانك هاروح واشوف بس اهم حاجة انك تبقى مركز انها ماتقلبش منك مصلحة اياً كانت ان شاله حتى نص جنية تجيب بيه لب!
مين عارف يمكن تكون زميله جيدة وربنا يوفقك بعدين!
اية يا عم فلانتينوا اية خلاص يعنى البنات ها تموت بعضها عليك ماشى يا اوكتوووو عمال انت تلعب وسيباب اخوك قاعد يقشر بصل هنا اما اشوفك بس يا اوكتوووو ها اعمل معاك احلى واجب :3mla::3mla:
صاحبها و خليك صديق ليها و شوف هيا عايزة ايه
مش لازم يعني يبقي ارتباط عشان يبقي في كلام
لو عاوز تتفسح وتروح سينيمات وشارع ابو الفدا والكورنيش وتضيع وقت .. دي هتنفعك جداً ، واهو بالمره تضيع مستقبلك ، لو عاوز تحب وتعمل مستقبل يبقى سيبك من دي ومن غيرها حتى لو كويسه ، لأن مش دي المرحلة بتاعة الأرتباط اللي بجد والحب اللي يجي بعده جواز ، فحتى لو قابلت واحده محترمة وحب ومشاعر ونجوم وفجر وسندوتشات كفته وتفاح ، بردو في الآخر مش هيكمل وهتوجع قلبك على الفاضي ، فركز في مستقبلك احسنلك وكله هيجي في وقته .. ومتزعلش مني الكلمتين اللي هقولهملك دول كأخ خايف عليك .. ( بلاش سهوكة ونحنحة واصبر على نفسك شوية ) .. يلا ادخل ذاكر بقه واقفل تليفونك خالص
و بعدين يا اوكتو انا افتكرتك حتتكلم عالامتحان الي مدخلتوش ههههههههههههههههههههههههه ه ههههههههههههههههههههههههه
جرب شوفها عايزة ايه مش هاتخسر حاجة...بس خليك راسي كده وماتوهمش نفسك بحاجة لانك لسة مكلمتهاش
واهو يمكن تكسب صديقة الله اعلم
وربنا معاك.....وعايز الاقي رافع راية نايل موتورز ومشرفنا
ههههههه ( انا بهرج طبعا )
ركز فى مذاكرتك
هى مش هتنفعك
مستقبلك اهم منها
عيش حياتك ياما هتشوف
وسيف قالك المفيد
تهامي بية معلم:36_1_1[1]: بجد نفس الكلمتين اللي كنت هاكتبهم و من الواضح كدة أنك سنك معدي ال25 سنة لان السن لية حكمة وتجاربة برضة يا كبير أوكتوو أسمع الكلمتين دوااااااااال فيهم المفيد لان أنا شايف أن أنت رومانسي أوي زيادة عن اللزوم ومسالم لكل بنت تقابلها علي أساس أنها هي دية اللي ممكن تتجوزها و تعيش معاها و الكلام داة لسة بدري أوي عاليك مش علشان أنت صغير و لا حاجة متفهامنيش غلط بس علشان أنت لسة العمر أدامك كبير و لسة يامة هاتشوف وهاتقابل و لو كل واحد هاتقابلها هتاخود العلاقة علي قلبك أوي كدة يبقي مش هاتخلص ياصاحبي و هاتيتجرح كتير أوي و هاتيتعب كتير أوي و هاتيكتبلنا قصايد كتيررر أوي أوي جمد قلبك شوية كدة و ماتخلهوش مفتوح عالبحري لاي حد علشان متيتعابش عن تجاااااااااارب كتير و أنشاء الله ربنا يكرمك ببنت الحلال عن قريب بس ماتيتسرعش و خد وقتك و أنت لسة سنك صغير وقدامك المستقبل كبير
بص يا سيدى, عشان انتا بتفكرنى بنفسى و انا صغير(معأنى معرفش ايه حكايتك لأنى مقرتلكش مواضيع تانية) لكن واضح انك خارك من قصة مش ولابد و تعباك شوية.
أولا أنا لما حصلى كده كان عندى 18 سنة و غلبان شويتين, فطلعت موضوع الصحوبية و الارتباط ده من دماغى خالص.
لكن......... ده مش معناه انى معرفش بنات بالعكس بقيت أتعرف على اى بنت (بس بنات كويسة الى حد كبير طبعا)تيجى قصادى و أتعامل مع أى واحدة على انها صديقة مش أكتر و لو الموضوع زاد شوية ممكن نبقى أنتيم مش مشكلة, لكن أهم حاجة محطش فى بالى تماما ان فى واحدة منهم معجبة بية و لو أكتر من صديق عشان دماغى متعودش تشتغل و أفكر بيها (رغم ان كذا واحدة الموضوع زاد عندهم عن مجرد صداقة لكن ديه مش مشكلتى لأنى محاولتش اشتغل حد ولا أحور على حد)و حتى لو فضلت ترمى كلام و لو بهزار أعمل عبيط لانهم عرفيين انى مبصحبش ولا برتبط (بينى و بينك مكونتش لقيت التستاهل لسه) و يمكن ده خلا علاقتى بكل البنات العرفتهم علاقة جيدة الى حد كبير, و أكتر من كد فهمنى الى حد ما البنات بتفكر ازاى و بتكون عاوزة ايه و ازاى تتعامل معاهم (معأنى مقتنع ان عمر ماحد هيتمكن من فهم الأنثى بشكل كامل), و فضلت كده أحاول المقاومة (طبعا كان فى بعض السقطات و التعرض لبعض البنات الأخلاقهم مش أد كده و هنا يجى مركز قوتك هتعرف تقاوم ولا لأ لازم انتا تعرف نفسك لأن الشيطان أشطر من أى بنى أدم).
و الحمد لله استمرت الجياة لغاية ما ربنا وفقنى ببنت الحلال و أدينى متجوز بتاع 4 شهور أهو الحمد لله.
بردو لازم أقولك ان أكبر مشكلة هتواجهك ساعتها ازاى تقفل علاقتك مع كل البنات و ازاى تتأقلم انك تعرف بنت واحدة بس.
أهم من كل ده باه متعودش تشرد لنفسك بالطريقة ديه و تحكى مواضيعك الشخصية لناس تعرفك و لو لزم و محتاج تفضفض خش أى منتدى غرامى و احكى زى منتى عاوز اهم حاجة ميكونش فيه حد يعرفك جوه (فلتفترض ان البنت القدامك ديه طلعت فعلن كويسة "مجرد افتراض" و أخلاقها تمام مين عارف الله أعلم ساعتها شوف كمية الناس القالوا عليها هنا انها مش تمام ساعتها كلام زى ده هيخليك تبعد عنها غصبن عنك يمكن عشان منظرك كمان "بردو عسى أن تكرهوا شيئا, ربنا بيسبب الأسباب ,محدش يعرف الغيب" ياما تبعد عن كل العارف بداية الموضوع, وأحسن من كل ده تشوفلك واحد أو اثنين بتثق فيهم تماما و فى خبرتهم أو ارائهم, و اكتفى بيهم لكن متهيألى اكبر غلط أن تفضل تتكلم عن حياتك الشخصية قدام كل الناس و كمان تاخذ رايهم, لأن عمرك ماهتاخد رأى نهائى كل واحد ليه أفكار و شخصية و معتقدات.
ربنا يوفقك فى امتحاناتك أهم حاجة و خلى المواضيع تمشى smooth يعنى لا تنفض الا لو لقيت سبب وجيه و لا تنطلق فى علاقة قوية, و فى الأول و لاأخر انتا اللازم تتعود ازاى تتحكم فى العلاقة ديه