انتوا طبعا عارفين معاناتى السابقة الى لسة ماخلصتش والى عاوز يعرفها يشوف سلسة (حصل ف ...)
المهم انا النهاردة كان عندى امتحان فيزياء ورحت متأخر حوالى 4 دقايق بس وماكانش لسة وزع الورق ولقيت الدكتور بيقولى مش هاتدخل (دة نفس الدكتور الى عمل معايا مشكلة اول يوم دراسة وانا كتبت عنة موضوع)
بس مش دى المشكلة
المشكلة انى طلعت فى دماغى انى اروح جاد اجيب شاورمة وبيبسى وشيكولاتـــــــــــــــــ ــــــــــــة كتيييير واطلع على نادى 6 اكتوبر افطر على حمام السباحة واخدت معايا ورق الرياضة علشان اذاكر
برضة مش دى المشكلة
المهم انى رحت واكلت كلة وتمااااااااام وابتديت اذاكر وفجأة لقيت واحدة (محترمة جدااااااا وامورة اوى) هيا معايا فى المعهد بس انا ماكلمتهاش قبل كدة خاللللللللص ولا اعرف حتى رقم الجرب بتاعها كام
برضة مش دى المشكلة
ولقيتها قعدت فى الترابيزة الى قصادى وبعد 5 دقايق مذاكرة لقيتها بتقولى ممكن اله حاسبة ..... قلتلها طبعا واديتها الالة الحاسبة
برضة مش دى المشكلة
وبعد شوية طلبت نسكافية والكافتيريا كانت لسة فاتحة ومفيش فكة فطلبت منى فكة اديتها
برضة مش دى المشكلة
بعد شوية طلبت منها الالة الحاسبة بتاعتى وكملت مذاكرتى لقيتها بتقولى هوة الماتش امتى ؟؟؟؟؟؟؟
قلتلها انا عموما ماليش فى الكورة بس انا اعرفة يوم السبت الساعة 7 تفقريبا
برضة مش دى المشكلة
قالتلى طيب انت اية هواياتك ؟؟؟؟؟؟؟؟؟؟ (عارف انة سؤال غريب جدااااااا) وعملت نفسى اهبل وماردتش وعملت نفسى دحيح وب اذاكر
وبعد حوالى ربع ساعة لقيتها بتقولى انا اسمى (........*) وانت ؟ قلتلها محمد
قالتى انت بتذاكر هنا كل يوم؟؟؟؟؟ فقلتلها اة (مع انى مش باروح النادى دة غير كل اسبوع ولا حاجة)
اتعرفنا على بعض (تعارف زمالة مش اكتر )
برضة مش دى المشكلة
وقعدنا على ترابيزة واحدة وكملنا مذاكرة عادى جداااااااااا برضة لحد دلوقتى مفيش مشكلة
واحنا ماشيين قالتلى انت هاتيجى بكرة؟ فقلت اة
قالتلى طيب هات رقم تليفونك علشان لو اتأخر اكلمك (مش عارف بصفتها اية ؟؟)
انا حاولت اعمل نفسى مشغول بس فى الاخر اخدت الرقم منى
برضة مش دى المشكلة
و روحت ونسيت كل حاجة وعادى جدااااااا
برضة دى مش مشكلة
من حوالى نص ساعة لقيتها بعتالى رسالة (دة نصها
لو غابت الكلمات حضرت الاشواق ولو غابت الاشواق تراسل الاحباب )
المهم دماغى قلبت وبقيت مش مركز وافتكرت الذى مضى
وبعتلها رسالة دة نصها ( اسمع كلامي بدون تفكير بلاش تكمل تعليم واسرح بجرجير احسنلك
بهزر معاكى طبعا)
فبعدها بكام دقيقة ردت عليا برسالة (انا طبعا مش هاقول النص بس المعنى انها مش صديقة لا اكتر شوية وهاتقابلنى بكرة ومش هانذاكر لا هانتكلم شوية )
هى دى بقا المشكلة اعمل ايييييييييييييييييييييييي ييييييية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
اروح واشوفها يمكن يكون فية مستقبل ولا اقعد فى البيت ؟ (بس هافضل افكر فيهاا)
انا لسة من شوية كنت باكلم ايفو على الميل وحكيتلة عنها اول ما قفل معايا دى بدأت تبعتلى رسايل ههههههههه لتكون مراقبانى
انا كتبت الموضع علشان عاوزكم تساعدونى اعمل اية ؟؟؟
المفضلات