أسعار الجنوط التايواني في أحمد سعيد

**tommys** · 11-11-2009 09:43 PM

أمبارح نزلت شارع أحمد سعيد عشان أشتري طقم جنوط 15 تايواني .. أول محل دخلته مركز الفردوس ولاقيت عنده تشكيله جميلة من الجنوط التايواني ومكتوب عليها made in taiwan بس أسعاره غاليه كان بيتكلم في 2350 للطقم وصلت معاه لغاية 2150 بعد الخناق ... المهم أتمشيت لغاية أخر الشارع لاقيت محل أسمه بهجت فوزي شكل المحل لفت نظري من كتر الجنوط ألي فيه نزلت أسعر الجنوط لاقيت الطقم ب 1700 قبل الفصال و ماركه أدفانتاج وبيقول إنها تايواني بس المشكلة مش مكتوب عليها made in taiwan بس فرق السعر كبير يوصل ل 550 جنية بين المحلين ألي دخلتهم . أيه رأي الأعضاء في الكلام ده وياريت ألي عنده خلفية عن المحلين دول يقولي بما يرضي الله عشان مش عارف أخد قرار الشراء ومش عارف أثق في مين فيهم في وجود الغش التجاري ألي مالي السوق اليومين دول .. وشكرا قوي ليكم

**hhhmmmzzzz** · 11-11-2009 10:06 PM

ياريت بس تكون ماركة وتتاكد من بلد الصنع افضل
انت مش بتركب جنوط كل يوم وفرق السعر مش كبير ولو لاقيت ماركة احسن وقدرت تزنق نفسك فى300:500ج كمان مش خسارة لان هناك انواع رديئة شكل فقط وبمجرد ما تاخد مطب او حفرة علي سرعة غصب عنك وما اكثرها فى مصر تلاقى الجنط اتكسر(واسال مجرب) وساعتها يا تشترى طقم كامل جديد يا تصلح الجنط وتبقى ماشى خايف تدوس علي قطة
اللهم قد بلغت اللهم فاشهد

**tommys** · 11-11-2009 10:28 PM

في ملحوظه نسيت أقولها .. في المحل التاني ألي بيقول الجنط ب 1700 ... الجنط ملزوق علية ورقه في داير الجنط من جوه معناها بالعربي الضمان سنة واحده وفي حالة إزالة هذا الأستيكر بيتلغي الضمان

**Moe86** · 11-11-2009 11:31 PM

أنا اشتريت جنوط اندونيسى من سنتين و اتشرخوا منى مرتين
خلى بالك

**lolita** · 12-11-2009 01:23 AM

انا اشتريت جنوط للفيرنا صينى ب 850 رائعة و بلبس مطبات وهمية و بجرى على 190 مدد طويلة و باقلها سنة عندى وزى الفل و انسى اى مشاكل

**crazylambada** · 12-11-2009 12:37 PM

انا حطيت عندي قبل كده اندونيسي بس كان تقيل اوي و شيلته
و معايا الصيني دلوقتي و بسم الله ما شاء الله مستحمل و مش تقيل زي الاول
بص روح الرومانس حتلاقي عنده الصيني عامل الطقم 1200 و حيبقى حلو و جامد

**zanativich** · 12-11-2009 12:50 PM

انا عندى الاندونبسى بقاله اكتر من سنه وما شى عليه 43000كم

**M_Nabil** · 12-11-2009 07:10 PM

طيب ما تنزل الحي السادس في مدينة نصر عندهم تشكيله جنوط 15 جامدة اشهرهم اشرفكو وفاست وبركات لسه كنت جايب طقم من اسبوعين من هناك وفي واحد برضه كويس وعندة تشكيلة كبيرة عند قصر عابدين اسمه عمرو الجميل

**M_Nabil** · 12-11-2009 10:27 PM

نسيت أقولك الأسعار الجنوط التايواني 15 أخر سعرها 2075 جنية متزدش عن كدة وممكن اقل شوية، ونازل جنوط مومو صينى شكلها حلو بس غالية شوية وهتلقيها عند اربكوم وفي السادس كمان بس معرفش كفاءتها نظامها ايه

**tommys** · 13-11-2009 01:17 AM

طب الجنوط ألي ب 1700 مش مكتوب عليها تايوان ولاحاجة وصاحب المحل بيقول تايواني ..هل ده سعر التايواني فعلا .. أنا شاكك إنها صيني

الموضوع: أسعار الجنوط التايواني في أحمد سعيد

LinkBack

أدوات الموضوع

عرض

-

-

-

-

-

المواضيع المتشابهه

أحمد عز يطلب رفع أسعار البنزين لمواجهة عجز الموازنة

سؤال عن أسعار الجنوط 14" و أسعارها و أنواعها

الكلمات الدلالية لهذا الموضوع

المفضلات

المفضلات

ضوابط المشاركة