........* تجميع عربية خاصة لاعضاء نايل موتور فكرة رهيبة........

السلام عليكم ورحمه الله و بركاته
قبل مبتدى الموضوع عايز اقول لكم ان كل مشروع ناجح اتعمل لة دراسة جدوى و تخطيط و مقارنات لحد ما المشروع قبل ما يبتدى بتبقى عارف انه ناحج باذن الله

انا عضو فى هذا المنتدى الطيب منذ فترة و اقرئ و استفاد و اتعلم منه الكثير

الفكرة بسيطة للغاية بس محتاجة شوية تفكير و اتصالات و خبرة

ظهر حاليا فى السنوات الاخيرة عربيات تجميع من عدة شركات مختلفة فى عربية واحدة
زى ال بيجو الروعة الايرانى الهيكل بالكامل بيجو اما الماتور فماتور شركة بريطانية

الكيا سيبا بردة نفس الموضوع الهيكل بالكامل لعربية كيا برايد و الماتور مختلف


طيب ناقصنا اى ؟؟؟؟؟؟؟؟؟

اولا المهندسين و الشباب الخبرة كتير جدا
مصانع تجميع السيارات فى مصر كتير جدا
مكونات التصنيع فى كل مكان

طيب لية ما نجمعش ارائنا على هيكل عربية مناسب (من الى موجود فى مصر بكثرة نضرب مثال مثلا هيكل البولو و هيكل الاونو و غيرهم)
المواتير (ممكن نعمل استفتاء على احسن مواتير ال 1000 و ال1300 ) علشان دى الفئة الشبابية او العائلة جوة المدينه و المواتير دى حنجبها من المصنع الرئيسى ليها زى مثلا ماتور الاونو او البولوا ال 1000 سىسى و ماتور الميتسوبيشى ال 1300

طبعا احجام العربيات الاكبر او المواتير الاكبر يبقى معملناش حاجة و ماوفرناش حاجة

كدة الى عندة اى حاجة فى الماتور يروح مثلا لمتخصصين الفيات او الميتشوبيشى
اما الهياكل فموجود منها فى كل مكان

بكدة نكون اتغلبنا على جشع الموردين و التوكيلات و ضمنا عربية جديدة زيرو قطع غيارها متوفرة و تتصلح فى توكيلها الاصلى او عند اى ميكانيكى

تخيل انك رايح تشترى بولو مثلا زيرو ماتور 1000 او 1300 فول اوبشن موديل 2010 ب 40 الف مثلا اى رايك؟ اكيد لو فية رجال حيواصلوا ليلهم بنهارهم لتنفيذالفكرة حتعود بالخير علينا كلنا

طبعا الرئى الاول و الاخير لمن يعمل فى شركات تجميع السيارات و حيقول لنا بوضوح كل ما خفى علينا فى الموضوع دا:verygood:

فكره حلوه
مشكور

فكرتك جميلة جدا بس عاوزة راس مال مش مجهود وافكار فقط ولو توفر الثلاثة تضمن النجاح مع الاتفاق مع مصانع لتركيب العربية فاعتقد ان راس المال اهم نقطة وربنا يوفق

اقتباس:

---

المشاركة الأصلية كتبت بواسطة Eng.Geo

فكره حلوه
مشكور

---

شكرا لمرورك

اقتباس:

---

المشاركة الأصلية كتبت بواسطة ice_wolf

فكرتك جميلة جدا بس عاوزة راس مال مش مجهود وافكار فقط ولو توفر الثلاثة تضمن النجاح مع الاتفاق مع مصانع لتركيب العربية فاعتقد ان راس المال اهم نقطة وربنا يوفق

---

بص راس المال طبعا محرك الاقتصاد بس فية بيعملوا دفعات مقدمة زى لما كانت ال بيجو ال 405 بتنزل كنت بتدفع و تستلم خلال 3 شهور لحد ما يجمعوهالك و يركبوها فالفلوس بتكون واصلة بالتمام و الكمال
و انا سمعت ان الهيئة العربية للتصنيع ممكن تجمعلك اى عربية انت عايزها المهم الاتفاق مع الشركة الام

انا مثلا بحب جدا البولو موديل 2000 فتفتكر شركة فولكس فاجن حتوافق اعادة تجميعها؟ مش عارف بس الى اعرفة انها لما اتجمعت فى البرازيل نزلت بشكل تانى
بس وافقوا على تجميعها و اتباعت فى كل انحاء العالم

احنا هنا فى المنتدى عددنا كبير جدا دحنا لو عملنا شركة مساهمة كل فرد يدفع الف جنية حنجمع 5000000 يعنى 5 مليون جنية هل دا مش كافى فى حالة دفع ثمن العربية مقدما و الاستلام خلال شهرين ؟

نضرب مثل مطلوب 100 عربية كل شهر دا معناة 3 عربية فى اليوم معناة يعنى لو عندك 3 خطوط تجميع حيكون كل خط بيجمع عربية فى اليوم
و اصلا العربية بيشتغل فيها ناس كتير ناس بتركب الفرش و ناس بتسقط الماتور وناس العبشة و ناس الكهرباء حاجات منهم ما بتاخدش ساعة زمن و حاجاة نص يوم عمل او يوم عمل بس الموضوع سهل

الفكرة حلوة .. بس لا يمكن تقييمها بناء على الحماس فقط .. لازم دراسة متعمقة و مستفيضة
Go on & Good Luck

مش اهبط من معنوياتك لكن الفكرة دى صعب تنفيذها هنا فى مصر عشان اسباب كتير منها الفلوس او راس المال و تانى حاجة هات الشركة الى هاتوافق على كدة ولو وافقت ها تروقئك فى سعر التنفيذ بتاعها واتنمى ان شاء الله ان الفكره تتم على خير

اقتباس:

---

المشاركة الأصلية كتبت بواسطة lord_fouad

الفكرة حلوة .. بس لا يمكن تقييمها بناء على الحماس فقط .. لازم دراسة متعمقة و مستفيضة
go on & good luck

---

دا صحيح و انا قولت فى البداية الى بيشتغل فى مجال تجميع السيارات هو الوحيد الى يقدر يدلنا فعليا على معوقات تنفيز المشروع و نتغلب عليها ازاى

اقتباس:

---

المشاركة الأصلية كتبت بواسطة mgazaly

مش اهبط من معنوياتك لكن الفكرة دى صعب تنفيذها هنا فى مصر عشان اسباب كتير منها الفلوس او راس المال و تانى حاجة هات الشركة الى هاتوافق على كدة ولو وافقت ها تروقئك فى سعر التنفيذ بتاعها واتنمى ان شاء الله ان الفكره تتم على خير

---

انت حطيت ايدك على الجرح
:36_1_37[1]:
صحيح الشركات برة صعب انها توافق لما تلاقى معندناش مصنع خاص بينا و كميات الانتاج قليلة
بس لو تحب تعرف مصنع انتاج مرسيدس مثلا شغال تركيب يدوى و بيطلع عربيات عددها قليل كل سنه بس بيتغلب على دا بفرق سعر العربية

لازم الناس تحاول لحد ما تلاقى الموضوع ما ينفعش :b4_556:

و بكرر كلامى الناس بس الى شغالة فى مجال تجميع العربيات عارفين على الاقل القيم التقديرية لتشغيل خطوط الانتاج (المتأجرة من مصانع تانية زى الهيئة العربية للتصنيع) و يعرف كل خط نوعة اى و كمية انتاجة اليومى او الشهرى فحيقدر يقول مبدئيا المشروع قابل للتخطيط ولا لقى

انا زيكم واحد متحمس و نفسى فى بولو موديل 2000 زيرو بسعر حنين من 30 ل 40 الف
او حتى عربية اونو زيرو ب 20 الف

فكرة جامدة جدا لكن
هل نملك :
1 راس المال
2 الإسم التجاري
3 الموافقات الرسمية
4 مكان التجميع
5 الأيدي العاملة اللي هتجمع

فكرة رائعة

فكره ممتازه بس محتاجه دراسه بتعمق وربنا يوفق كل اعضاء منتدانا الجميل

اقتباس:

---

المشاركة الأصلية كتبت بواسطة mynameh

فكرة جامدة جدا لكن
هل نملك :
1 راس المال
2 الإسم التجاري
3 الموافقات الرسمية
4 مكان التجميع
5 الأيدي العاملة اللي هتجمع

---

راس المال موجود اكتتاب بسيط بين الناس لو محتاج مليون جنية ممكن الف واحد كل واحد يدفع الف جنية كدة بقى معاك راس مال الشركة.
الاسم التجارى سهل
الموافقات الرسمية (دى الله اعلم)
مكان التجميع زى الشركة العربية للتصنيع او بالاتفاق مع اى مجمع عربيات تانى
الايدى العاملة من كتر مصانع التجميع بقت متوفرة

اقتباس:

---

المشاركة الأصلية كتبت بواسطة hani945

فكرة رائعة

---

اقتباس:

---

المشاركة الأصلية كتبت بواسطة gomangy

فكره ممتازه بس محتاجه دراسه بتعمق وربنا يوفق كل اعضاء منتدانا الجميل

---

:Ta_clap[1]: بقى عددنا بيكبر بجد ممكن نلاقى الى عندة خبرة فى المجال دا يرشدنا للصح

وانا كما معاكوا

اقتباس:

---

المشاركة الأصلية كتبت بواسطة nomercy22

وانا كما معاكوا

---

طيب عندك:satelite: اقتراحات نتشارك معاك فى نقاشها؟

وأنا كمان ومتابع بإهتمام

جدا

فكره حلوه

راس المال دى القصه كلها مين اللى هيمول ويكيش
2 الإسم التجاري مش قصه
3 الموافقات الرسمية بسيطه شويه معارف هتوصلنا بسرعه وبسهوله
4 مكان التجميع موجود
5 الايدى العامله اللى هتجمع موجود




بس انا ليا رأى تانى

لو كل ده موجود ممكن الحوار مايبقاش تجميع بس !!

احنا لو قدرنا نجيب شاسيه نضيف ونعمل عليه جسم فايبر جلاس من تصميمنا وصنع ايدينا وده مش صعب خالص ونعمله فريم حلو ونركب ونعمل شويه اختبارات ونبقى عملنا عربيه ( موضوع فى غايه البساطه ) المشكله اللى كله بيفكر فيها التصاريح ورأس المال
تصاريح عن نفسى ممكن اجيبهالكم لكن رأس المال صعب شويه خصوصا انه هيبقى نموذج اولى فهيبقى محتاج رأس مال كبير عشان التجارب ودى اه ودى لا ودى باظت او مانفعتش طب هات دى طب جرب دى طب دى والشغل ده لكن بعد كده المعايير و كل حاجه هتبقى معروفه والتكلفه هتبقى اقل

انا معاكم وان شاء الله نقدر نعمل حاجه

حاجه بس عايز اقولها
الغرب اتقدموا عشان بيجروا ورا بعض وينافسوا بعض فى حاجات مفيده مثلا المانيا بتنافس اليابان فى تصنيع موتور صغير ذات قوهه عاليه واستلاك وقود اقل
او رولز و مرسيدس تتنافسان على عرش الفخامه والرفاهيه ....
ناس كل تفكيرهم انهم يسابقوا بعض فى التقدم

انما احنا كل تفكيرنا بس نوصل لكاس العالم ولا كاس القارات ولا الشباب وندخل مهرجان كان بتاع الافلام ومش عارف الممثل فلان ولا المغنى مين ياخد كاس ايه !!!!!

مش هتفوقوا بقى :11: 1

متابع باهتمام .............

الموضوع جامد جدا جدا جدا هو محتاج شويه تكتيك وعمل اجتماع مع اهل الخبرة فى المنتدى ومشاركة الاراء وانا واثق ان ربنا هيكرمنا بفكرة جبارة واذا كان على الايدى العامله والخبرة فهى موجوده هنا فى منتدانا الغالى وشفت منهم كتير جدا وناس محترمة
بجد ربنا يوفق الجميع فى الخير واتمنى الفكرة متمتش كالعادة

موضوع جميل

موضوع جامد يارب يكمل او يكونله حل

اقتباس:

---

المشاركة الأصلية كتبت بواسطة evoo90

راس المال دى القصه كلها مين اللى هيمول ويكيش
2 الإسم التجاري مش قصه
3 الموافقات الرسمية بسيطه شويه معارف هتوصلنا بسرعه وبسهوله
4 مكان التجميع موجود
5 الايدى العامله اللى هتجمع موجود




بس انا ليا رأى تانى

لو كل ده موجود ممكن الحوار مايبقاش تجميع بس !!

احنا لو قدرنا نجيب شاسيه نضيف ونعمل عليه جسم فايبر جلاس من تصميمنا وصنع ايدينا وده مش صعب خالص ونعمله فريم حلو ونركب ونعمل شويه اختبارات ونبقى عملنا عربيه ( موضوع فى غايه البساطه ) المشكله اللى كله بيفكر فيها التصاريح ورأس المال
تصاريح عن نفسى ممكن اجيبهالكم لكن رأس المال صعب شويه خصوصا انه هيبقى نموذج اولى فهيبقى محتاج رأس مال كبير عشان التجارب ودى اه ودى لا ودى باظت او مانفعتش طب هات دى طب جرب دى طب دى والشغل ده لكن بعد كده المعايير و كل حاجه هتبقى معروفه والتكلفه هتبقى اقل

انا معاكم وان شاء الله نقدر نعمل حاجه

حاجه بس عايز اقولها
الغرب اتقدموا عشان بيجروا ورا بعض وينافسوا بعض فى حاجات مفيده مثلا المانيا بتنافس اليابان فى تصنيع موتور صغير ذات قوهه عاليه واستلاك وقود اقل
او رولز و مرسيدس تتنافسان على عرش الفخامه والرفاهيه ....
ناس كل تفكيرهم انهم يسابقوا بعض فى التقدم

انما احنا كل تفكيرنا بس نوصل لكاس العالم ولا كاس القارات ولا الشباب وندخل مهرجان كان بتاع الافلام ومش عارف الممثل فلان ولا المغنى مين ياخد كاس ايه !!!!!

مش هتفوقوا بقى :11: 1

---

مشاركة فعالة بجد ربنا يكرمك
التجميع فقط بيكون انك بتجمع عربية اتجربت و عليها طلب دا علشان بداية المشروع ينجح
الخطوة الى بعديها الابتكار و التعديل

و عن راس المال انا اقترحت شركة مساهمة لاعضاء المنتدى و غير الاعضاء راس مالها زى الاكتتاب بمبلغ ثابت مثلا الف جنية و الله اعلم هل الفكرة مقبولة ولا صعبة

اقتباس:

---

المشاركة الأصلية كتبت بواسطة atamim

مشاركة فعالة بجد ربنا يكرمك
التجميع فقط بيكون انك بتجمع عربية اتجربت و عليها طلب دا علشان بداية المشروع ينجح
الخطوة الى بعديها الابتكار و التعديل

و عن راس المال انا اقترحت شركة مساهمة لاعضاء المنتدى و غير الاعضاء راس مالها زى الاكتتاب بمبلغ ثابت مثلا الف جنية و الله اعلم هل الفكرة مقبولة ولا صعبة

---

معلش حاول تشرحلى فكرتك اكتر عشان انا ماليش فى المحاسبات واداره الاعمال خالص ليا فى التنظيم بس.

يا جماعه
بدون احباط
مصر بلد شبابها ماتوا من زمان
والله مش احباط
بلدنا مفيهاش ابداع .. ولا حريه .. ولا خيال
ياريت مصر تقدر تصنع عربيه بإسمها
بس المفروض ده كان يكون تفكير قومي..يعني الحكومه المصريه يكون فيها عقول مبدعه كفايا انها تقول..عاوزين ندخل سوق صناعه السيارات..



.
ويارب
ولو ع الالف جنيه...أنا داخل

اقتباس:

---

المشاركة الأصلية كتبت بواسطة a7med_pharma

يا جماعه
بدون احباط
مصر بلد شبابها ماتوا من زمان
والله مش احباط
بلدنا [gdwl]مفيهاش ابداع .. ولا حريه .. ولا خيال[/gdwl] لا تعليق !!
ياريت مصر تقدر تصنع عربيه بإسمها
بس المفروض ده كان يكون تفكير قومي..يعني الحكومه المصريه يكون فيها عقول مبدعه كفايا انها تقول..عاوزين ندخل سوق صناعه السيارات..



.
ويارب
ولو ع الالف جنيه...أنا داخل

---

الحمد لله مصر فيها اللى يصمم عربيات تضرب الفيرارى والبوجاتى بـ 100 جزمه لكن الكسل والاحباط مسيطر على الكل !!

فكرة حلوة اوي

اقتباس:

---

المشاركة الأصلية كتبت بواسطة evoo90

معلش حاول تشرحلى فكرتك اكتر عشان انا ماليش فى المحاسبات واداره الاعمال خالص ليا فى التنظيم بس.

---

الحكاية بسيطة جدا

الموضوع عامل زى برنامج مونستر جراج الى بيجى فى ال mbc
عبارة عن تجميع عربية مش من الالف للياء لا
الماتور بيجى متقفل من شركته من برة
انت بتجمع الهيكل و الكراسى والعفشة و خلافة و بتركب الماتور كانك بتسقط واحد

الهدف غير ربحى نهائيا مجرد اتعاب الى حيجمعلك

مثلا انت عملت شركة باسم معين
و طلبت من شركة من برة عدد 50 ماتور متقفل
و طلبت مكونات الهيكل بالكامل و تجمعة هنا فى مصر

الى عايز يجمع عربية حياخد التكلفة الكاملة زى الفاتورة و يدفع مقدم و كل حاجته تتجاب و تتركب

كانك مصنع تجميع بيعمل عدد معين من العربيات بالطلب
و التجميع بيكون باتفاق مع شركة عندها خط تجميع انت بتباشر بس التجميع

يمكن دا الى مكانش واضح فى الشرح