الموضوع: مش عايز تقول حاجة؟

كتب على سلامة ١١/ ١١/ ٢٠٠٩

مش عايز تقول حاجة

دش سخن
كوباية نعناع
وريحانة..
وأغنية لفيروز..
وإيه يعمل الورد ف روح تعبانة..
أبص جوايا
ألاقى طفل صغير
أبص ورايا
أحس إنى راجل عجوز..
أسيب الشباك مفتوح
وأسيب قلبى للهوا
يروح معاه
مطرح ما يروح..
اتكلمنا كتير يا حبيبتى
لكن محدش فينا
عايز يبوح..
دورت ع الوطن
لاقيته لسه بيلم الزبالة
وكل ما يشيل
كل ما تزيد..
ومفيش ولا غنوة ع السقالة
وكل ما نقرب من بعض
نبعد بعيد..
يا ترى ليه اتغير
شكل المواسم
وفين ضاعت حلاوة العيد..

ط§ظ„ظ…طµط±ظ‰ ط§ظ„ظٹظˆظ…