نزلت بعربيتى من على 25 درجة سلم و الرقبة اتكسرت بس العربية لسة ماشية

بعد ما نزلت بالعربية و محدش يسال ليه حسيت بطقطقة جامدة ناحية اليمين رحت لمحسن الميكانيكى اخو جمل و نزل تحت العربية و قالى الرقبة اتشرخت ماشى يا عم و الحل نروح عند عادل الحداد الفاهم فى رقبة و شاسية البيتل نزل تحت العربية و شافها و قال الرقبة اتشرخت و هايزيد الشرخ لحد ما تقع العربية ---- نعمل ايه يا عادل بيه ----نشترى رقبة جديدة طويلة لحد البدالات----بكام من 300 الى 450 جنية -----و حضرتك ---قال هاخد 500 جنية تركيب---و النتيجة العربية هاتكون كأنها جديدة جدا و ترجع قوية تانى----ماشى ---ولسة ما اشتريتش الرقبة----رحت لمسعود الكهربائى و قلتلة نعمل ايه قالى ممكن توفر شوية و نعمل حزام حول الرقبة كامل و يتلحم كويس جدا و يبقى اقوى من تغير الرقبة كمان -----ولسة مش عارف اخذ قرار--- الرقبة و تغيرها حوالى 1100 جنية ----الحزام حوالى 250 جنية-----اعمل ايه ادينى عقلك----انا عارف انى المفروض ابقى زعلان بس انا الى عملت كدة فى نفسى و لما اصلحها ان شاء الله هااقول لكم الى حصل كله فى مغامرة السلالم مع عربية رانجلر----تحياتى للجميع استاذ احمد حسن و استاذ هاشم و كل الاخوة

شوف يا باشا الى حصل حصل وربنا يعوضك

انا محتار اكتر منك بس انا ليا نظره فى الموضوع ده

انا مبحبش اى حاجه مستعمله او حجات عموله

يعنى الجديد انت بتكون ضامنه لانه جديد

لاكن الحزام واللحام تضمنه منين

ارجو انك تفكر فى الموضوع ده

وننتظر رأى باقى الاخوه الافاضل

السلام عليكم ورحمة الله وبركاته
ايمن باشا انا مستغرب جدا من اللى حصلك ده
وواضح جدا انها فعلا مغامره
بس مش هضغط عليك علشان اعرف تفاصيل دلوقتى
خلينا فى موضوعنا
الموضوع فعلا محير جدا ومع الاسف لايمكن يفيدك فيه الا
واحد مر بنفس التجربه
بس عن نفسى لو مكانك مش هاخد قرار بناء على كلام اتنين
واحد كهربائى والتانى ميكانيكى وخلاص على كده
لازم تسال ناس كتير فى الموضوع ده علشان تعرف خلفياته
الله اعلم لو غيرنا الرقبه هل النتيجه مرضيه ولالا
وممكن برضه اللحام يكون افضل ويمكن بعد السؤال والمشوره
مع بعض الميكانيكيه تتوصل لحلول تانيه
لكن ماتتسرعش فى قرارك
روح لعاطف وشوف رأيه ايه وكمان ممكن تروح لمحمد الاسمر
وغير كده ممكن تروح لخالد رباب العفشجى
وربنا يوفقك ويهديك للحل السليم

السلام عليكم ورحمة الله وبركاته

قدر الله و ما شاء فعل

كلام هاشم سليم جداً و انا معاه و متفق جداً
لازم تسأل أكتر من ميكانيكى و سمكرى و عفشجى عشان تقدر تجمع معلومات تقدر بيها تحدد إنت ممكن تعمل إيه و بكام و المهم النتيجه اللى تخليك فى أمان.

جرب عاطف الميكانيكى و محمد الأسمر و محمد على و خالد رباب و حمدى السمكرى و غيره.

لكن أعتقد إن تغيير الرقبه هايكون أفضل و بردو ده هايعتمد على الكلام اللى هاتسمعه و تقولهولنا عشان نتناقش فيه سوا عشان نختار الأفضل بالنسبه ليك.

و ربنا يعينك و يقدرك

المفاجاءءءءءءءءءءءءةةةةةة ةةةةةةةةةةةةةةةةةةةةةةةةة ةةةةةةة
الرقبة مش مكسورة ولا فيها اى حاجة زى الالماظ و الحمد لله و كان هايتعمل عليا شغل ب 1100 جنية رحت مع مسعود الكهربائى عند واحد حداح بتاع رقاب فولكس فى مصر القديمة عشان نعمل الحزام و المفاجاءءءءءءءةة الرقبة سليمة مين الى قالكم فيها حاجة بعد ما فك تانك البنزين و نظف العربية والرقبة و فقط مسامير ال 17 الى مفكوكة اتربطتت و خد 50 جنية و عملى تقوية فيها

السلام عليكم ورحمة الله وبركاته

الحمد لله يا أيمن إن الموضوع طلع بسيط و الرقبه سليمه.
بس إيه موضوع التقويه دى ؟ بيتم إزاى و بكام ؟

ثم مين بتاع الرقاب اللى فى مصر القديمه ده !!!!!!
تقصد بتاع لحمه راس و لسان وكده !!!!!!!!!!!!
هههههههههه
بهزر طبعاً

ايمن باشا الحمد لله انها طلعت حاجة بسيطة
احسن حاجة عملتها عدم الاستعجال زى ما احمد قاللك
تبقى طمننا

الحمد الله انها طلعت سليمة , و حاول تبعد عن الصنايعية اللى كانوا هيعملوا عليك شغل

وفى انتظار سرد تفاصيل المغامرة المثيرة

الحمد الله انها طلعت سليمة وابقي خالي بالك بقي وبلاش مغامرات
المره دي سليمه ومش عارفين ايه تاني ممكن يحصل لا قدر الله

قدر الله وما شاء فعل أخ أيمن
أقول لك شيء فيه خير وأرجو أن تعمل به
فالحديث رواه أصحاب السنن الأربعة ، ولفظ أبي داود عن أم سلمة رضي الله عنها، قالت: مَا خَرَجَ النَّبِيُّ صَلَّى اللَّهُ عَلَيْهِ وَسَلَّمَ مِنْ بَيْتِي قَطُّ إِلَّا رَفَعَ طَرْفَهُ إِلَى السَّمَاءِ فَقَالَ اللَّهُمَّ أَعُوذُ بِكَ أَنْ أَضِلَّ أَوْ أُضَلَّ أَوْ أَزِلَّ أَوْ أُزَلَّ أَوْ أَظْلِمَ أَوْ أُظْلَمَ أَوْ أَجْهَلَ أَوْ يُجْهَلَ عَلَيَّ

وخلي بالك أن ما حدث هو خير علشان تتعلم منه وخلي دائماً قلبك دليلك بالذات في الصنايعية
وحسبنا الله ونعم الوكيل

بص يا باشا الموديل البرازيلى فيه تقوية زاوية فى الرقبة مش موجودة فى الالمانى فهوا عملى 3 تقويات شبة البرازيلى بتمسك فى الرقبة و الصدر الامامى و العربية تبقى ما شاء الله زى الحديد التكلفة 100 جنيه كلة بفك التنك بس بصراحة بتحس بقوة قى المطبات

اقتباس:

---

أقول لك شيء فيه خير وأرجو أن تعمل به
فالحديث رواه أصحاب السنن الأربعة ، ولفظ أبي داود عن أم سلمة رضي الله عنها، قالت: مَا خَرَجَ النَّبِيُّ صَلَّى اللَّهُ عَلَيْهِ وَسَلَّمَ مِنْ بَيْتِي قَطُّ إِلَّا رَفَعَ طَرْفَهُ إِلَى السَّمَاءِ فَقَالَ اللَّهُمَّ أَعُوذُ بِكَ أَنْ أَضِلَّ أَوْ أُضَلَّ أَوْ أَزِلَّ أَوْ أُزَلَّ أَوْ أَظْلِمَ أَوْ أُظْلَمَ أَوْ أَجْهَلَ أَوْ يُجْهَلَ عَلَيَّ

وخلي بالك أن ما حدث هو خير علشان تتعلم منه وخلي دائماً قلبك دليلك بالذات في الصنايعية
وحسبنا الله ونعم الوكيل

---

بارك الله فيك
هو ده الكلام السليم

" بسم الله الذى لا يضر مع إسمه شىء فى الأرض و لا فى السماء و هو السميع العليم " 3 مرات عند الشروق و 3 مرات عند الغروب

اقتباس:

---

بص يا باشا الموديل البرازيلى فيه تقوية زاوية فى الرقبة مش موجودة فى الالمانى

---

الرقبه الألمانى زى الرقبه البرازيلى يا أيمن و ده اللى أنا أعرف لغايه موديل 84 لأنه آخر موديل بيتل قديم برازيلى فى مصر , فياريت تتأكدلنا من المعلومه دى.

ثانياً : موضوع التقويه دى مش مقتنع بيها خالص لأنى أول مره أسمع عنها و كمان لو كانت أفضل كانت العربيات نزلت بيها من المصنع !!!
لكن لو كنت تقصد إنه شال القواعد القديمه و حط قواعد تانيه أفضل من القديمه لعدم توفر القواعد الأصليه يبقى ده ممكن
و شكراً

اقتباس:

---

وفى انتظار سرد تفاصيل المغامرة المثيرة

---

:S_thum1[1]: :U_thin1[1]:

الحمد لله ان العربيه سليمه
وابقى اتمهل شويه ياأيمن فى مغامراتك بالعربيه
ومنتظرين تقولنا تفاصيل اللى اتعمل بالظيط
زى ماقال احمد حسن