الموضوع: انا مهاجر السودان حد جاى معايا

انا شايف مهما كانت العيوب فى السودان الواحد ممكن يجرب الموضوع حيكلف حوالى 10000 جنيه

كان في أخ عضو هنا من السودان اسمه "عاشق الاسكندرية" وكان عامل مواضيع عن السودان والتطور العمراني هناك.

عرفنا من موضوعاته ان مشاريع التنمية في السودان كثرت.
الشركات الصينية بتستثمر في مجالات كتير منها البترول (خصوصاً انه كميات كبيرة من البترول لم يتم استخرجها بعد) ومجال التعمير والبناء.

ده غير الأراضي الزراعية الخصبة اللي ممكن تأكل الوطن العربي كله.

السودان مواردها الطبيعية كتير بس مفيش موارد بشرية (للأسف الفكرة النمطية عن السوداني انه كسول) ولا استثمارات أجنبية باستثناء الصينية لأن السودان تعاني من عزلة سياسية/اقتصادية دولية.

السودان واعدة وفيها فرص كبيرة وشغل كتير.

سبحان الله يا مصر
عمااااااااااااااااااااااا ار يا مصر

المشاركة الأصلية كتبت بواسطة kasten

سبحان الله يا مصر
عمااااااااااااااااااااااا ار يا مصر

اعذرني، بس أنا حاسس في كلامك استغراب من تفكير الناس في الاستثمار في السودان وممكن يكون ده نابع من فكرة عندنا ان السودان بلد متخلف وان مصر أكثر تطور وحداثة.

صحيح ان مصر من سنين وهي فيها مجتمع مدني واقتصاد نشط ونمط حياة سريع وأكثر عصرية، بس عمرنا ما كان عندنا الموارد الطبيعية الموجودة في السودان.

لما تيجي تفكر فيها تلاقي ان احنا عندنا شوية غاز طبيعي وقناة السويس وسياحة متواضعة وبس.
الزراعة انهارت تماماً ومفيش غير صناعات ملوثة زي الحديد والسيراميك والأسمنت.
فين الموارد بقى؟

صحيح عندنا اقتصاد منتعش بس قائم على التجارة وليس الصناعة. يعني قائم على الاستهلاك وليس الانتاج. يعني الفلوس عمالة تلف ما بينا! ده طبعاً تحليل واحد ما بيفهمش في الاقتصاد ومستغرب ازاي البلد فيها فلوس بالشكل ده؟ البلد بتجيب فلوس من برة ولا لأ؟ اصلنا معندناش موارد طبيعية نصدرها خام ولا صناعة تستورد الخامات وتصدرها على شكل منتجات زي اليابان (اليابان فقيرة جداً في الموارد الطبيعية على فكرة).

يا ريت حد يفهم في الاقتصاد يفهمنا الحكاية دي.