الموضوع: طلب تقرير للبيكانتو

المشاركة الأصلية كتبت بواسطة mohammedsamirabdeen

انا قلت لا يتاثر بشكل ملحوظ يعني اللي فاهم فعلا ومركز وليه خبرة في حورات السحب والتجميع ممكن يحس شوية يعني مثلا لما بتشغله مش للدرجة اللي كان العربية بتمشي بالزق والعافية ......
وبعدين ميين اللي قالك ان i10 بتفرق بتسارع عن البيكانتو !!!! لومانيوال مع اوتو ماشي .....انما لو الاتنيين زي بعض اصلا موتوروهم زي بعض وبعدين ال i10 كوكتيل عفشة الماني ومعرفش ايه كوري على ايه من فين والتجميع هندي وفي الاخر قطع غيارها اغلى من الماتريكس !!!!!!!!!
في النهاية متزعلش نفسك قوي كده والحمد لله انا باتكلم بدون مبالغة وبمصداقية ....
سعادتك فهمت قصدي ولا لا ؟؟؟؟؟؟؟؟؟؟وشكرا

ماشى ال i10 كوكتيل بس موضوع التسارع ده محدش قالى عليه و المقارنات مانيوال مع مانيوال

ممكن تشوف هنا و فى اى road test اتعمل على الاتنين.. و التقييمات دى من اوروبا

Hyundai i10 | Car Group Tests | Car Reviews | Auto Express

Kia Picanto | Car Group Tests | Car Reviews | Auto Express

هتلاقى على اليمين بالاحمر Group Test دوس عليها هيظهرلك جدول فيه حاجات كتيير المواصفات و الاحمال و مقارنة للتسارع و للفرامل و نسبة الضجيج بين العربيات و استهلاك البنزين..........

هتلاقى مثلا ال Drag Coefficient لل i10 حوالى 0.32 و ده رقم كويس (بالنسبة حتى لعربيات جولف و.... و لو قارنتها بعربية اسمها Fiat Panda معاها فى نفس الجدول هتلاقي الفيات 0.33).. كل ما كان الرقم اصغر كل ما الاحتكاك و مقاومة الهواء تقل و بالتالى التسارع يكون اعلى بالذات على السرعات العاليه و كمان استهلاك البنزين اقل لان المكنة مش عليها مقاومة هواء عاليه (تحميل)

اما البيكانتو مش مكتوب و اكيد اكبر من 0.32 .... انا شوفته 0.4 لموديل 2005 اكيد 2008 فيه تغير علشان ال face lift لكن الشركة لم تذكره

لو بصيت فى التسارع هتلاقى لل i10 تسارعها من سرعة 80 الى 115 على الغيار الخامس فى 18.4 ثانيه

اما البيكانتو تسارعها فى 24 ثانيه اعتقد فى فرق واضح

كمان التسارع على الغيار التالت و الرابع فى صالح ال i10 بفروق بسيطة

و ده موقع تانى خالص مجرب ال i10 و كاتب تسارعها من سرعة 80 الى 115 على الغيار الخامس فى 17.6 ثانيه يعنى قريب جدااا من الاختبار التانى لكن مش مجربين البيكانتو

Hyundai i10 - Autocar.co.uk

اما بخصوص التكييف.. فانا جربت شغلت التكييف انهارده علشان اشوف تأثيره على السحب و بحس بيه فعلا كنت على التالت و ماشى 40 او اكتر.. لما تضغط بنزين لازم تصبر على ما تجيب السرعة اللى انت عايزها لكن من غير التكييف تسارعها افضل بشكل ملحوظ بالذات فى المطالع تحتاج تسقط نقلة مع التكييف

يبقى الكوكتيل او الفخفخينا حلو و جاب نتيجة بردوا أما قطع الغيار فخليها على الله و لو واحد مأمن مش مشكلة اسعار قطع الغيار اهم حاجه انها متوفره فى التوكيل و بشدة و دى اهم حاجه و ربنا ما يحوجنا

ارجو تكون وجهة نظرى وضحت

شكرا يا باشا ومفيش مشاكل ........وسيبها على الله وكلها اذواق في الاخر