:3_3_102[1]:رجو من السادة الاعضاء مالكي كيا بيكانتو بايفادتي
يا ريت اي تقرير عن العربية
يفضل لو اوتومتك:120146b
واكون شاكر جدا تعبكم
عرض للطباعة
:3_3_102[1]:رجو من السادة الاعضاء مالكي كيا بيكانتو بايفادتي
يا ريت اي تقرير عن العربية
يفضل لو اوتومتك:120146b
واكون شاكر جدا تعبكم
عربية 1100 سي سي و 64 حصان مرتفعة عن الارض وثابتة ل 130 كلم /ساعة... باور كهرباء وبها طارة متحركة ...العفشة معقولة شوية ولكن ناشفة شوية ...
العربية واسعة من جوة والقعدة فيها مريحة والشنطة بتاعت العربية صغيرة شوية .....والتكييف بتاعها فرييزير حتى مع الحر ....سحب العربية حلو جدا مقارنة بمحركها ومع تشغيل التكييف لا يتاثر بشكل ملحوظ والاوتو فيها كويس جدا ومفيهوش مشاكل معاي لغاية دلوقتي والحمد لله ....
وبتنزل من غير كاسيت ومن غير فوجات والمرايات يدوي والزجاج الامامي كهربي والخلفي يدوي وبها الزجاج الخلفي حراري .......واستهلاكها للبنزيين معقول جدا وكويس ....وعموما العربية ممتازة وعملية ...وده كان تقرير مختصر
متشكر جدا لاهتمامك يا استاذ محمد
انا كان لية استفسار صغير
هوة السحب لما تيجي تشغل التكيف في الاوتو عامل ازاي
مساء الخير
رجاء من الاخوة الاعضاء افادتى بوقت نزول بيكانتو 2010
مع الشكر
يمكنك الأتصال بالتوكيل والأستفسار 19542
حيث انه متوفر بالفعل ولاكن خليجى
موديل 2010 نزل خلاص
انا شفتها عند الطارق فى الأسكندرية
بس مافيش اى فرق زى ماهى ماعدا تقريبا شكل الشبكة من قدام
السحب في الاوتو مع التكييف كويس جدا انا جربتها لغاية 140 فاكثر زي الفل
حرام عليك دا العربيات ال 1600 سى سى يتتأثر
و انا معايا i10 مانيوال اللى هى نفس موتور البيكانتو و كمان بتتفوق على البيكانتو فى التسارع على بعض السرعات
و بحس بتأثير التكييف على السحب.. لكن اللى انت بتقوله ده مبالغه اوى اوى..
انا عامل بعربيتى اكتر من 9,000 كم و اقدر احكم على العربية و بقول بصراحه العربية بتتأثر لو شغلت التكييف او ركبت حد و بالذات لو ركب 4 بتبدأ تحس بالتأثير جدا.. و حتى الماتريكس ال 1600 المانيوال بتتأثر بس بشكل بسيط و الرينو الكليو 1200 بتتأثر بمجرد تشغيل التكييف و تأثير ملحوظ جداااا و اللانوس و الفيرنا اللى مفيهاش غير موتور بتتأثر.. فما بالك بالاوتو :dontudear:
يا ريت الكلام يكون فيه مصداقية اكتر.. للصالح العام
انا قلت لا يتاثر بشكل ملحوظ يعني اللي فاهم فعلا ومركز وليه خبرة في حورات السحب والتجميع ممكن يحس شوية يعني مثلا لما بتشغله مش للدرجة اللي كان العربية بتمشي بالزق والعافية ......
وبعدين ميين اللي قالك ان i10 بتفرق بتسارع عن البيكانتو !!!!:U_thin1[1]: لومانيوال مع اوتو ماشي .....انما لو الاتنيين زي بعض اصلا موتوروهم زي بعض وبعدين ال i10 كوكتيل عفشة الماني ومعرفش ايه كوري على ايه من فين والتجميع هندي وفي الاخر قطع غيارها اغلى من الماتريكس !!!!!!!!!:C_laugh[1]:
في النهاية متزعلش نفسك قوي كده والحمد لله انا باتكلم بدون مبالغة وبمصداقية ....
سعادتك فهمت قصدي ولا لا ؟؟؟؟؟؟؟؟؟؟وشكرا