المروحه مبتشتغلش الا مع الكوناكت

**xoxo** · 12-11-2009 01:23 AM

الطبيعي لما ابطل العربية المراوح تشتغل لوحدها بس العربيه عندي لازم اكون قاتح الكوناكت عشان تشتغل الوضوع دا لاحظتو لما كنت ببطل العربية كنت بسمع صوت زغوره طالع من قربة الميه المية سخنه فيها قوي فبتفضل تعمل صوت فتره بعد ما ابطل العربية على ما المية تبرد وبتهألي ان طلمبة المية عندي ضربت من الموضوع دا
دا عيب ساعة ولا عيب توصلات ولا ايه بالزبط برجاء المساعده..............

**bolbol2005** · 12-11-2009 02:10 AM

أعتقد إن علشان المراوح تشتغل بعد ما تبطل العربية
لازم المروحة تبقى متوصلة على البطارية على طول
إنما واضح كدة مش هو ده اللي حاصل عندك

**samirayad** · 12-11-2009 07:30 AM

أسئله لو سمحت

1- الحراره على العداد وضعها أيه
2- بتزود ميه وشوفت ميه تحت حافظة سير الكاتينه
3- لمبة الأعطال بتنور معاك وأنت فاتح كونتاكت قبل ماتدى سنة المارش
وراجع على كل الفيوزات فى العلبتين وثبتهم كويس (لو كانوا كلهم سلام )

**bshndi** · 12-11-2009 09:52 AM

سيدي الفاضل يبدو أن هذا هو الوضع الطبيعي لإني عندي الانوس الـ (2010) بيحصل فيها نفس الوضع لما أقف بالعربية بعد مشوار طويل بسمع صوت المروحة شغالة والموتور داير ولكن بعد ما بطل العربية المروحة بتبطل مش عارف ده طبيعي ولا إيه بس من ساعه من جبتها وهي فيها الموضوع ده ، بالنسبة لعداد الحرارة متسألنيش (لسه بايظ زي ماهوه نتيجة لعيب صناعة في صباع الحرارة (ربنا يكرمه المهندس سمير عياد هو إلي قالي علي العيب ده ) بس دورة التبريد شغالة كويس لإني روحت التوكيل أتأكد منها ) ، لذا أعتقد إنك لازم تراقب عداد الحرارة وكذلك منسوي المياه (بالنسبة لبقية التقنيات إلي ذكرها المهندس سمير فأنا معرفش فيها :) )
تحياتي للجميع

**ihabyossef** · 12-11-2009 11:20 AM

لاداعي للقلق المروحة في اللانوس مع الكونتاك عكس ال128 ممكن بعد لما ابطل بعد مشاور طويل المروحة تدور عادي انما اللانوس اول ما تبتطل العربية المروحة تطفي

**Abdo_Eldesokey** · 12-11-2009 12:35 PM

عندي في التويوتا نفس الموضوع ... المروحة بتبطل ما الكونتاك

لما بلاقي المروحة شغالة بستني لحد ما تفصل وبعدين أقفل الكونتاك

**MMamdouh** · 12-11-2009 12:55 PM

المشاركة الأصلية كتبت بواسطة xoxo

الطبيعي لما ابطل العربية المراوح تشتغل لوحدها

مين اللى قال ان دة طبيعى؟؟؟

يمكن طبيعى فى عربيات تانية لكن الدايو لا

MMamdouh

**xoxo** · 12-11-2009 05:08 PM

المشاركة الأصلية كتبت بواسطة samirayad

أسئله لو سمحت

1- الحراره على العداد وضعها أيه
2- بتزود ميه وشوفت ميه تحت حافظة سير الكاتينه
3- لمبة الأعطال بتنور معاك وأنت فاتح كونتاكت قبل ماتدى سنة المارش
وراجع على كل الفيوزات فى العلبتين وثبتهم كويس (لو كانوا كلهم سلام )

قبل كل حاجة بشكر الاعضاء على الردود والاهتمام........
1- الحراره عندي ثابته تحت النص بشوية
2- لأ مفيش مية بتتهرب من طلمبة المية بس العربية بتاكل ميه كتير يعني كل 3 تيام لازم ازودها
3- ايوه لمبة check بتنور معايا
طبعا معرفش علبة الفيوزات نظامها ايه بس ياريت لو حضرتك تدلني على فيوز المروحة اغيرو واجرب..........................

**jojowork1** · 12-11-2009 05:34 PM

اللي انا فاهمه ان العربيه لما بتكون سخنه والمراوح شغاله وتطفي الكونتكت المراوح بتطفي علي اساس ان انت مش ها تستخدم العربيه دلوقتي فبتترد لوحدها لاكن اول ما تفتح الكونتكت والعربيه سخنه يعني انت ها تشغل العربيه فلمراوح بتشتغل وده طبيعي جدا في اللانوس علي اساس ان مفيش لازمه استخدم المراوح واخلص في البطاريه وانت كده ولا كده مش هاتستخدم العربيه دلوقتي وده اللي انا فاهمه
موضوع لمبه التشك والمياه ده اكيد مشاكل تاني بعيد عن الموضوع ده