-
دخنة بيضاء بعد العمرة!!
السلام عليكم ورحمة الله وبركاته
الحمدلله لسة مستلم عربيتي بعد العمرة. بس فيه حاجة ملاحظها ، والميكانيكي كان بيقرص عليها وهي واقفة كانت بتطلع دخنة بيضاء وميه من الشكمان والميه دي ساقعة.
بيقوللي الميه دي علامة إن الموتور كويس إن شاء الله. والدخنة البيضاء لأن الشكمان مخزن زيت كتير أيام ما كان الموتور خفيف.
أنا مش عارف الكلام ده صح ولا ايه؟ مع إني واثق في الميكانيكي ووراني الحاجات الجديدة اللي جايبها للعمرة وركب قدامي الحاجات الجديدة وشغله نظيف الحمدلله.
لو المشكلة من الشكمان لازم يتغير؟ ولا أروح مشوار طويل علشان ينظف؟
-
روح مشوار طويل بس ماتفرصش علي العربية اخرك 80 وما تنساش تغير الزيت بعد الف كيلو وشوف الدخنة هاتستمر ام لا
-
يعني .. العمرة كده شكلها مش تمام
-
شوف لو دخنة بيضاء يبقى ممكن يكون احد الاسباب الاتية :
1:العربية مابتحرقش بنزين كويس ودة بيتحل بتغير البوجيهات
2:الزيت ممكن يكون مليان عن المعدل الطبيعى ودة بيبوظ البوجيهات حتى لو جديدة
3:كاوتش الصمام ماتغيرش
4:الشكمان بيكون مخزن زيت فابيطلع على صورة دخان مع القرص
وبعدين هو ازاى اصلا يقرص على الماتور والعمرة لسة معمولة دة غلط جدا
5:اخر حاجة ممكن تكون التاكيهات مش مظبوطة ومفتوحة شوية فنسبة الاختلاط مابين البنزين والهواء غير متناسبة
-
بص المهم العربيه تفضل دايره في مكانها بصفحتين بنزين
و بعد كده تمشي بيها صفحتين كمان اخرك خالص 80 على الخامس
و متطلعش بيها كباري على قد ما تقدر
بعد كده شوف الموضوع ازاي لو فيه حاجه
هو ملزم يصلح كل حاجه على حسابه
-
أنا فضلت ماشي بالعربية بتدخن بقالها كتير قبل ما اعمل العمرة. وكنت بقرص عليها جامد أحيانا. فممكن يكون الشكمان اتسد من الزيت؟
-
الزيت المترسب فى الشكمان هو السبب
-
طب وموضوع المياه ده كويس ولا ايه؟ (المياه ساقعة يعني مستحيل تكون مياه تبريد)
-
الميه ده عادي اسمع الكلام و اصبر
زي ما قولتلك
المهم بس اوعى تقرص عليها خالص
تمشي براحه و نقلاتك تبقى بدري
لان اي غلطه ممكن كل اللي انتا عملته يروح
-
ألف شكر ليك يا باشا
أنا حاليا آخري 60 ونقلاتي بدري جدا لدرجة بجيب التالت على 30.
على فكرة أنا بصيت على خرطوم الفايظ اللي داخل في العمة ما بيطلعش أي دخنة مع القرص الخفيف الحمدلله. (قبل كده كانت بتطلع دخنة من غير قرص حتى)
-
بأذن الله العمره مظبوطه
بس هو فعلا زي ما قالك ممكن يكون الزيت كتير في الشكمان
وممكن كمان يكون بسبب شويه زيت فوق البستم مكان العمره
وبالنسبه لتعريق الشكمان ده لا يدل علي ان المكنه تمام ولكن ده يدل علي ان الكربراتير تمام يعني نسبه خلط البنزين والهواء مظبوطه
-
الله يطمنك زي ماطمنتني.
ربنا يبارك فيك يارب
-
لو لسة فية دخنة بعد ما مشيت بالعربية شوية اشرحهالى
انا خراط مواتير عربيات و ممكن افيدك
-
ألف شكر على اهتمام سعادتك يا مدحت باشا.
أنا عامل حوالي 500 كيلو بعد العمرة 150 كيلو في شوارع القاهرة و 350 كيلو لطريق السويس رايح جاي.
أنا بصيت على خرطوم الفايظ وقعدت أقرص على الموتور شوية على خفيف النهاردة والحمدلله مفيش أي دخنة.
بالنسبة للشكمان ، قبل العمرة كان بيدخن دخنة بيضة خفيفة مع القرص الخفيف ويدخن جامد مع القرص الجامد.
بعد العمرة وبعد مالينت العربية وهي واقفة العربية لقيتها لسة بتدخن من الشكمان مع القرص.
دلوقتي حاسس إن الدخنة خفت بس لسة موجودة مع القرص الجامد شوية (يعني مثلا 3 rpm).
(كل ده طبعا والعربية واقفة)
(على فكرة الدخنة ريحتها زي ريحة العادم العادية تقريبا)
فيه كام ملحوطة لاحظتها بعد العمرة:
1. زمان كنت بحس إن العربية تقيلة لما حد يركب معايا (العزم بيتأثر جامد) بعد العمرة الحمدلله العربية مابتتأثرش قوي لما حد يركب معايا.
2. صوت الموتور بقى أهدى من قبل كده (لو أنا جوه العربية مابسمعش أي حاجة) بس فيه صوت تكتكة مجنني لسة موجود حتى بعد العمرة زي الصوت ده.
YouTube - Engine tapping noise
3. فيه صوت ونة خفيفة بسمعها والعربية على السلانسيه أو في طلعة الأول.
-
السلام عليكم
حضرتك التكتكة دى بتكون من بلوف التكيهات وكان عندى الموضوع دة
الونة دى ممكن تكون من طلمبة الزيت مثلا ضعيفة فعاملة صوت ونة(ليا صديق كان بيشتكى من صوت ونة على السلانسية وكانت مسموعة اكتر وهو طالع على الاول بالزات واتهت بتغيير طلمبة الزيت حاول تشوف كفائة طلمبة الزيت وطلمبة المياة اعرف ان هما سبب صوت الونة دى
بالنسبة للدخنة يا من رواسب فى الجكمان مكان تراسب الزيت قبل العمرة ياممكن يكون مستوى الزيت زيادة عن الطبيعى وبيتحرق وبيخرج مع العادم والنقطة دى لسة حصلة معايا كان عندى دخنة كدة اول الدوارة وبفضل الباش مهندس سمير عياد عرفت انها بسبب زادة مستوى الزيت عندى حوالى ربع كيلو وكانت مدوخانى وشيكت على العربية كلها وعملت اختبار كبس وحطيتها على الاسكانر وفى الاخر طلعت غلطة صبى الميكانيكى حط زيت زيادة
انا حاولت انقل لحضرتك تجربى اللى مرت عليا و على صديق ليا كنت متعايش معاة فى مشكلة الونة لحد ما اختفت زى ماوضحت لحضرتك وكانوا مشابهين للموضوعك
فاحضرتك ياريت تروح للميكانيكى ويحاول يظبتلك المكنة شوية هيا شوية حاجات بسيطة وبردو شوف رأى باقى الاعضاء واكيد هتتطلع بنتيجة تن شاء الله
والمفروض حضرتك الميكانيكى بتاعك هيكون عارف لو فية طلمبة ضعيفة ولا حاجة دة عامل عمرة للماتور واكيد حافظة
حضرتك من حققك تستلم المكنة مظبوطة على الشعرة وبتغير اى حاجة محتاجة تتغير بالمرة مع العمرة ودة دور الميكانيكى
الا بقى لو حدضرتك كنت مدوخة ومش بتديلة البقشيش ومظبتة شاى وسجاير وهو شغال هههه ( طبعا بنضحك
شوف كدة وربنا يعمل اللى فية الخير
-
جزاك الله خيرا. بالنسبة ل:
1. بلوف التاكيهات دي ليها حل (ينفع تتغير)؟
2. طرمبة الزيت الميكانيكي أكد إنها كويسة. ده غير إن صوت الونة دي جه بعد العمرة والميكانيكي بيقوللي علشان سير الكاتينة لسة جديد وبيطبع (كاتينة جنزير) والصوت هيروح بعد التليين.
-
لا
ده مش صوت السيور
فعلا بلوف التاكيهات..هيا الي بتكون (مبوشه)
أو حاجه زي كده..أنا مش فاكر بالظبط الميكانيكي بتاعي قالي ايه.؟؟
بس دي مشكله تاكيهات
.
-
انت عملت الـ500 كم المفروض ان التكيهات عندك لو شاكوش و مسمار او كستبان او الميكانيكي بيخليها مفتوحة شوية علشان الموتور يلين بسهولة بدون ضغط على البستم و بعد فترة التليين 1000 كم يقرط عليهم للوضع الطبيعي لكن مع البلوف الله اعلم التعامل معاهم ازاي ممكن تنتظر رد م سمير عياد
موضوع جنزير الكاتينة الي بيلين اول مرة اسمع بيه انا الي اعرفة انه مع تغيرة الموتور صوته يهدي
و الله يعينك و وضح موديل العربية لتسهيل الرد من الاعضاء
-
ألف شكر لحضراتكم.
العربية مازدا 323 موديل 1982.
وأرجو رد م سمير عياد.
-
بالنسبه للصوت فده صوت تاكيهات فعلا وعاوزه يتعاد عليها تانى
حسب التوصيف المطلوب من قبل صانع المحرك
لأن واضح أن الميكانيكى ظبطها فعلا ولكن من خلال خبرته وليس من خلال الخلوص المقنن من قبل صانع المكنه
وواضح أنها مفتوحه شويه وعاوزه تتقفل شويه
والتاكيهات عندك من النوع الميكانيكى وليس الهيدروليكى
وسهل ضبطها بالفيلر العادى والمفك ومفتاح رنج
وموضوع الدخنه ده غالبا زيت متراكم فى الشكمان من الوضع القديم (قبل العمره وحيروح أن شاء الله )
وبالنسبه لتعريق المياه البارده من خلف الشكمان فواضح أن ده بخار متكثف من الهواء الموجود داخل الشكمان
ونسبته بتزيد مع زيادة بخار الماء فى الجو وبالذات لو كنت ساكن بجوار مكان ساحلى
وطالما منسوب الميه فى الردياتير عندك ثابت وتمام فلا تقلق
-
حضرتك طمنتني. ربنا يجازيك كل خير.
-
الله يخليك
وربنا يهيىء لك كل الخير
Content Relevant URLs by
vBSEO 3.6.0 PL2