عرض للطباعة
السلام عليكم اولا
لتانى مرة اشارك بأجمل منتدى, استحملونى معلش
النهاردة روحت البنزينة امون العربية(نيو سيراتو) المهم قولت للراجل حط عشرة 92 لاقيته حط 90 مع انى قايله - لا حول ولا قوة الا بالله
المهم سؤالى اللى حصل ده ايه تأثيره على العربية او الفلاتر - العربية علطول بحط فيها 92 وكان ساعتها فيها حوالى 10 لتر او اكتر ياريت لو فيه اى تأثير تقولولى
ان شاء الله مفيش أى ضرر خالص
بس خد بالك المرات الجايه تبقى 92 ان شاء الله
مايحصلش حاجة عادي
مرة حصلت معايا و سألت الميكانيكي قالي مافيهاش حاجة لو مرة كدة بالغلط
الف شكر ياباشا على الرد السريعاقتباس:
المشاركة الأصلية كتبت بواسطة dr_no
بس اوعى تكون قلت كده عشان تطمنى لو الفلاتر تتأثر اكيد هغيرها
فى ناس قالولى صوت العربية هيعلى والسحب هيقل بس انا مش هثق فى حد الا من المنتدى هنا
اهو اى مشكلة تحصل هجرى عليكوا - انتوا اللى جبتوه لنفسكوا بقى:36_1_1[1]:
شكرا على اهتمامك يا باشااقتباس:
المشاركة الأصلية كتبت بواسطة simoz89
ربنا يخليك
بسيطة ان شاء الله
كنت زود وفولت العربيه 92
وان شاء الله مش هيحصل حاجه
متقلقش يا باشا من حاجة واللهاقتباس:
المشاركة الأصلية كتبت بواسطة khaledlithy
مرة مش هتأثر فى الفلاتر ولا حاجة
ممكن فعلا صوت الموتور يعلى شويه
والعربيه تسقف لو مانيوال
بس كل دة هيروح مع التفويله الجايه ان شاء الله:S_thum1[1]:
حضرتك تأمر فى اى استفسارات :36_1_37[1]:
السحب هايقل بس
عادى جدااااااااا ولا اى حاجه طالما 10 لتر والعربيه فيها 92
كان ممكن تحط 10 لتر 95 علشان يحصل توازن
معلش - بس خليك حريص فى المرات الجاية وعينك على بتوع البنزينة
وانت بتمون وشوفه بيحط انه مسدس فى التنك - وعينك كمان على العداد
بتاع مضخة البنزين وأتأكد انه متصفر علشان بيعملوها كتير ويكون
عامل كام لتر قبليهم وبيكمل عليهم عدد اللترات اللى انت عاوزهم والفرق فى الجيب
واذا حصل موقف زى ده تانى ابقى كمل التنك ببنزين 92
حصل خير .. وبسيطة بس خلى بالك بعد كده
ولله من وجهة نظرى ولا هتفرق
الى هيفرق هو ال80 عشان الشوائب الى فية مش اكتر
انما الرقم الاوكتانى هيأثر على السحب و بس
والله اعلم ..
والله راجل ابن حلال احمد ربنا فى واحد راح يمون سيراتو 2008 المعلم بتاع البنزيه حطله سولار بدل البنزين والعربيه طبعا مشيت والعميل ركنها عند البيت وراح تانى يوم يدور طبعا قلتله لو راجل دورنى
طبع العميل احسن حاجه عملها كلم التوكيل وربنا كان بيحبه
خد العربيه على ونش وراحت التوكيل تم مراجعه دوره البنزين كلها وفك التنك وتنيظيفه كويس وفك الرشاشات واتنضفيت كويس بس هو كده يحمد ربنا انى الموتور ماحصلش فيه حاجه
متألقش مفيش مشكلة خالص هي العربية ممكن تسقف بس انما مفيش مشكلة في الفلاتر لأن الرقم 92 و 90 لنسبة الأوكتان في البنزين وديه ملهاش علاقة بنظافت البنزيين والكلام ده أصلا. فمتألقش مفييش حاجة إن شاء الله .
بجد والله كلكم اساتذة وعلى دماغى من فوق
معلش مزورتش نايل موتورز من امبارح ومتوقعتش كل الردود دى ولا الاهتمام ده كله
الف شكر لكل واحد حط رد وربنا يجازيكم خير ان شاء الله
عادي يا باشا انا عملتها وحطيط 20 وكانت اول تفويله لأن ما كنش فيه 92 والعربيه الحمدلله عادي
ابقا حطلها 95 هتلاقى الاداء اتظبط قوى
علي فكره ,,, الفلاتر ملهاش اي علاقه بالموضوع علشان ال 90 وال 92 دي مش درجه نقاء البنزين ,,, دي نسبه الاوكتان ,,, و كمان كل الموضوع ان السحب حيقل شويه لكن مش غلط علي العربيه خالص
ايوا بس احنا عندنا بنزين 90 كله شوائب
حصل خييييييييييييير
أنا مره حطلى سولار والله
عادي يا باشا ولا اي حاجة انا مرة كنت راجع من العريش المهم ملقتش بنزين 92 خالص فولتها 90 ولا حصل اي حاجة
بعد مساء الخير .. احب اطمنك ان لو حتى كنت مليت التنك بنزين 90 مفيش ضرر على الفلاتر او الموتور لان معظم السيارات فئة سيارتك ممكن تمشى ببنزين 87 اوكتين .. الحاجة الوحيدة اللى كانت حاتتأثر سحب السيارة فقط .. يعنى لو اتزنقت و مافيش غير بنزين 90 اوكتين ممكن تملأ منه ولو حاياثر على السحب توجدعبوة فى محطات البنزين بتزود نسبة الاوكتين تحط منها و ان شاء الله مايحصلش حاجة .. و نصيحة انك لو سالت سؤالك ده لميكانيكى او مركز خدمة ممكن يفتح لك فاتوحة و يطلب منك تغيير حاجات مالهاش لازمه بدافع خوفك على سيارتك .. و كمان اقل نسبة اوكتين تناسب السيارة موجودة فى الكتالوج بس هى زى ما قولت لك 87 اوكتين .. يعنى انت فى الامان حتى لو كنت فولت التنك 90 اوكتين :verygood: