ارجوا الرد من اعضاء المنتدى مشكله فى كلكس الرينو كليو

العربيه الكلكس بتاعها الاصلى تعب وبقى صوته وحش لانى فى فرح اخويا مش شيلت ايدى من عليه روحت لكهربائى قالى انا عندى كلكس فرنساوى اصلى نوعه ماكستون تقريبا حركبهولك وتدعيلى ركب فرده واحده وقالى العربيه دى بيتركبلها فرده واحده المهم خت العربيه ومشيت الصوت كان واطى بس يتسمع يعنى المهم فضلت ماشى بيها كده والنهارده وانا ماشى بدوس على الكلكس مفيش اى صوت خالص خالص المهم افدونى بليز فى موضوع ان العربيه مبيركبش عليها غير كلكس فرده واحده الكلام ده صح والا لا وايه احسن نوع وسعره ايه وعالى والا لا لو فعلا موضوع الفرده الوحده ده صح

مفيش حاجة اسمها فردة واحدة الكلكس بييجى فى علبته فردتين وبيبقى له كتاوت الراجل ده غشاش

هات من الآخر و إشتريلها واحد أصلي بتاعها ( زي اللي كان راكب فيها ) و ركبه علي نفس التوصيلات الأصلية .

لأ الكليو فعلا فرده واحده

وبعدين هيا ممكن تكون عاوزه تنظف الفيشه بتاعتها لأنها محطوطه في مكان غبي شويه خلف الكارتيره الشمال عالطول فبيدخلها الطين بالميه وبيتراكم عليها التراب وبتفصل دايما وده معروف في الكليو

ممكن تكون عاوزة كتاوت

طيب ما الفرده الواحده صوتها واطى اوى قولولى اعمل ايه الكلكس تعبان وعايز اجيب واحد جديد صوته عالى ومش بيتباع الا الفردتين مع بعض اجيب ايه والا اعمل ايه؟!

الكليو بيركبلها كلاكس معين هو اساسا فردة واحدة , شبه الى كان بيجى فى البيجوه زمان.