الموضوع: هو التوكيل وحش للدرجة دى

انا بعض قراتى للموضوعات عن التوكيل والمعاملة السيئة استغربت جدا بعدا ان نويت واستقريت على الجراند بونتو فياريت اعرف من مالكى موديلات 2009 اية اخبار التوكيل واية افضل مكان اقدر اعمل فية الصيانة لانى بجد اتشتت واستغربت من التوكيل كدة وقطع غيار غير متوفرة وعمالة لاتفهم شىء وتوكيل متعب مع العملاء والكل اشتكى منوا فارجو منكم التوضيح لان الموضوع يقلق ان العربية تبوظ فيها حاجة ومتتصلحش وانو متقيم من اسوء التوكيلات

ودة ردود الاعضاء على موضوع تقييم التوكيل

استاذ nader
وماترا وما ادراك ما هو اوماترا


حسبي الله ونعم الوكيل فيهم توكيل كسوووووووول

بدرجة تشل وتبقى مصيبة لو قطعة غيار مش موجودة

خصوصاً للموديلات الجديدة يركنوك اسبوع ولا اسبوعين

على ما يجيبوها .... وبسعر فلكي طبعاً .... شكلهم بيقلدوا

البفارية في الاسعار!!


استاذ lamborghiniMan

انا بتعامل معاه دايما اللي في جسر السويس
ده اسوأ توكيل في مصر بسب العاملين فيه
الحاجه تعملها في العربيه تيجي بعديها باسبوع تعميلها تاني
حاجه تقرف والله
طيب انا عاوز اسال عن اي مكان تاني ممكن اروحوا غير التوكيل انا معايا فيات جراند بونتو 2007
كان فيه صوت في العربيه مطلع عيني روحتلهم حوالي 5 مرات
وفي الاخر بيقولي المهندش الاستقبال الجراند بونتو كلها فيها العيب ده(الصوت ده)
انا مش عارف هما كده بيطمنوني ولا ايه ...........
بصراحه انا لو مش بتخنق من الميكانيكي لاكنت سيبت التوكيل القرف ده


رد استاذ CryptonX على الموضوع

سأل علي باشمنهندس محمد هناك
قله ان انت قريب اي لواء بس و هو حيظبطك :) هو الصيانة بالواسطة فى التوكيل

بالنسبة لمراكز الصيانة الاخرى . لو انت في مدينة نصر في مركز امير و جوزيف و دول ناس محترمين جدا . في شارع ابد داوود الظاهري قدام مطعم Bistro و AutoMicho

و في النيل الهندسية الي في ابو رواش في الطريق الصحراوي و دول برده ناس كويسة . و لو رحت هناك اسأل علي المهندس مصطفى - اسمراني شوية كدة و قوله ان انت من طرف كريم زميله في هندسة حلوان :)

علي فكرة انا بروج بتاع جسر السويس كتير جدا .. و لو ظبط مع مهندس جوا خلاص كله تمام .. انا فعلا كنت بشتكي منهم في الاول بس هما دلوفتي احسن كتييييييييييير .

واظبط بمعنى اية انا مش فاهم يعنى ادخل اقول اننا تبع عميد واطلع ادى حاجة للبيعملو الصيانة كمان


رد استاذ mohey

أنا غيرت سيارتى البونتو 2004 وهى عمله 23000كم وبحالة الفبريكه رغم حبى لهذه السيارة وخسرت فى تمنها والسبب الرئيسى سوء مراكذ الخدمة



ردا استاذ tksy1260
توكيل أبو رواش أزفت في حاجات كتير فلدي مشكلة أيضا وجود صوت مع الفرملة ومش عارفين يعملوه بعد ما رحتلهم أكثر من 5 مرات فيقولوا كل السيينا كده بالإضافة انهم بيغالوا في الأسعار


رد استاذ elkhouli

انا وروني الويل فياوماترا جسر السويس - بس بعد شكوى صغير لفيات أيطاليا كل حاجة اتضبطت

وعلى فكرة أ. محمد البربري مدير الصيانة من أحسن الشخصيات هناك ولو حاسس بأي مشاكل ارجعلة هيحلها

اهم حاجة في مهندس هناك اسمة شريف صلاح ابعدوا عنه أحسن لأنه بعون الله هيخليك تفلس وفي النهاية الشكوى لسة موجودة

دي خبرة سنتين مع توكيل اوماترا جسر السويس


رد استاذ elsaged3

التوكيل مقرف جدا جدا جدا
مابعرفوش يشتغلوا خالصو لا يقيموا العيوب في العربية انا جبت اضواء ضباب من سوريا للسينا فاير 1300 موديل 2006 لأنها مش موجودة في مصر اصلا وماعرفوش بيركبوها قالولي مش عارفين نركبها
والله يا جماعة ركبتها بإيدي قدام البيت وبعدين في صدأ ابتدا يطلع في سقف العربية بسبب خطأ في الدهان مارضيوش يعملوها ورفعت شكوى للشركة الأساسية في ايطاليا ومستني ردهم حيث انهم اتصلوا اول مرة بية ومستني الرد التاني علشان يعملوها غصبن عنهم ومرة برضة عملت حادثة الله يحفظكم وكان متأمن على العربية سافرت ورجعت من سوريا ولما جيت استلم العربية كان في صوت وقلت للمهندس الي مفروض انه بيفهم انه الصوت ده من الحادثة في المقص وقالي لا ده من (المساعد) من الاستخدام طبعا اتخانقت معاه وطلعت لمديرهم واتحديت المدير واتفقنا انه لو طلع مساعد حدفع تمنه من جيبي ولو طلع مقص حديفعوا تمن الصيانة كاملة العادية للعربية الي هيا صيانة 50000 طبعا زيت وقلتر هم دول وبس. وبعد الفك والتركيب طلع المقص خليتهم يدفعوا تمن المساعد الي ماطلعش بايظ والمقص والصيان
عشان كده بقولكم انو همة ما بيفهموش خالص وتوكيل مقرف الي عايز يعملها صيانة في مركز خدمة للفيات في المطار عند بنزينة التعاون دول بيفهموا فعلا في صيانة العربيات ديه الى حد ما


المشاركات ماخوذة من الموضوع تقييم التوكيل بكدة اقول ان التوكيل دة غالى جدا سىء فى الصيانة بيشتغلوا بالواسطة والفلوس فقط ولايبشر بالخير